1 N bi n niyi le makawa tinɛ gbɛ! N kanba-sinnɛnu nadɛnnɛ.
San-dande ara to nna tagama nasɛgibɛlɛla ko la.
Nna wati ara tenbi. Nna ko-rabɛnnɛnu bara tinya. N yigi ara tɛgɛ son!
Hali n dɛ, a sumɛ ma di nna musi ye. Hali n na-kelen-nyɔgɛnu, anu ti anu gbɛrɛn n ma.
Yobula tɔrɔyɛ kɛ mumɛ bɛɛ kɔma, a ya san kɛmɛ ani san bi-nani (140) bɔ. Hali a mamanɛnu anubɛ a tolo-birɛnu, a ya wonu yen a yɛ la.
Kɔnɔ sɛnbɛ nyamintan bi n bolo gbɛ min si a ma, n ni to n niyi la? Nfen si a ma, n ni to n niyi la, yigi sa n bolo?
Nta wati ye banna tenbila, ado yigi sa n bolo. Nta wati ye tenbila tiriya, iko yese-dan-wɔrɔlan si tenbi nya min tiriya!
A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!
