22 San-dande ara to nna tagama nasɛgibɛlɛla ko la.
A ti mɛ tun, n si ta bɛɛ ta tinɛ, ado n ti sɛgi tun. N bi tala pinpi-makilanni-bɛ le tɔ.
Kɔnɔ hadama-dan wa faga, a wara-koe ara ban. A wa a niyi layigi, atɛ ara ban sa!
Ni hadama-dan fagara, a niyi si sɛgi a rɔ tun, ba? Kɔnɔ n si ila wati-hakikɛ makɔnɔ ha nta tɔrɔyɛ kɛ ni bɔ n kuma.
Mɔgɔ-siyi si wati min nyɔgɔn bɔ duninya kɛ rɔ, ile Alla ara ban wo latɛgɛla. Ile nyɛrɛ ara ban wo latɛgɛla, ado mɔgɔ-wo-mɔgɔ ti ke wo mapandinna.
Alamɛ mɔgɔ do ni Alla madiya n ye iko mɔgɛ si madiyali kɛ a diyana-mɔgɛ ye nya min.
N bi n niyi le makawa tinɛ gbɛ! N kanba-sinnɛnu nadɛnnɛ.
Ni n dennɛ le fagara nun, n bi n fanbolo nun kaka. N bi n sulen tinɛ le gbɛ!
I si kilan kan-tina-layan-bɛnu na. Hali ka tagama, a si gbɛlɛya i kuma. I kunyɛ si gbɛ iko bandan-fere. I si bandan i nyɛrɛ kɔrɔ. Musu-ko-miriya ti na i burɔ. Ma dama ye a labanna sayɛ le ma. Min ba ta, anu ni to dila wo kɔma.
