Yobu 16:19 - ALLALA KUMƐ

¹⁹ Sereyɛ do ye n bolo Arinyɛni tɔ. A si sɔ nta kumɛ la nyɔ.

Yobu 16:19 ပူးပေါင်းရင်းမြစ်များ

Ko-Dabirɛnu 31:50

Ni i ya nna dunmusinu bira boloko-yogomɛ-kɛ, nde ya sa i la kɔnɔ Alla kolonkɛ ye i la. Ni i ya dunmusu-gbɛrɛkɛ furu ka anu sa nna dunmusinu kuma, hali sereyɛ sa ma tɛma yan, i hɛnkili to a ko ko Mari le sereyɛ la mabɛ ile tɛma.”

Yobu 16:18

Ile kanbɛ, anu ya ko-yogomɛ min sigi n na, i kana mabɛ wonu nakunu. N yele tenbi telenbagayɛ kelela ka bɔ dugi rɔ, i kana kilɛ tɛgɛ a ma.

Yobu 19:25

Kɔnɔ n ya a lɔn serr, ko n kunkalɛ ye nyɔ Arinyɛni tɔ. Nta wati wa ke, a si ma nna kiti-fɔlɛ la.

Yobu 31:2

Ni min ya wo ma, Alla si nfen ma wo tigi la? Alla Sɛnbɛ-Bɛɛ-Tigi ti barayi-wo-barayi di a ma.

Yaburi 113:5

Mɔgɔ-wo-mɔgɔ sa iko mata Mari Alla! A mayiginɛ ma dama kuma pon!

Yaburi 148:1

Bɛɛ ni Mari tanto. Arinyɛnitɔ-nima-fan bɛɛ ni Mari tanto.

Yaburi 89:37

Fananta karɛ ye gbɛla, ata mansayɛ ti bɔ a gbɛ rɔ, ado ko-wo-ko ti dogon karɛ ma.

Romu 1:9

N sere le Alla la ko n bi min fɔ tinɛ, tonyɛ le. N bi wɔlila Alla le ye n yisi bɛɛ la ka ala danta kibara-nyimɛ wara-koe fɔ. Alla ya a lɔn ko wati bɛɛ, n bi n mirila wo ma

Romu 9:1

Kirasititɛ le nde la. N sa foninyɛ fɔla fɔ tonyɛ. Allata Ni-Sɛnimɛ anubɛ n sɔndɔmɛ le n sere la ko n ba a fɔ ko n yisi tɔrɔnɛ, n sa foninyɛ fɔla bawo ata Ni-Sɛnimɛ ye n sɔndɔmɛ marala. Nna mɔgɛnuna kinikininɛ ye n tɔ. Male Yahudiyanu, ma bɛɛsi, yele kelen de ma la. Alamɛ n donta Allala dankɛ kɔrɔ, ado Kirasiti ni a ban n na, ni wo si a ma, anu ni kisi.

2 Kɔrɛnti 1:23

Alla le n sere la. A ya n yisi lɔn! Ka a tɛgɛ wola kinikinɛ ma, n ya a latɛgɛ ko n kana na Kɔrɛnti soe burɔ nun alako n kana a lagbɛlɛya wo kuma.

2 Kɔrɛnti 11:31

Alamɛ ma Mari Yisa Fa Alla tɔgɛ ni tanto tolon! Alla le ya a lɔn ko n sa foninya fɔla.

Filipai 1:8

N bi n miri-wɛ min kɛla wo ma, wo ye bɔla Kirasiti Yisa nyɛrɛ le yisi rɔ. N ba wo fɔ, Alla ye n sere la ko n bi tonyɛ le fɔla wo la.

1 Tɛsalonaika 2:10

Ma siginɛ wo fɛ tumɛ min, ma sɛninyanɛ, ma telennɛ, fɛɛ ma taran ma la wole dɛnkɛninya-mɔgɛnu tɛma. Wo nyɛrɛ le wo sereyɛ la anubɛ Alla.

1 Tɛsalonaika 2:5

Wo ya a lɔn serr, ko ma ma darɔ-diyɛ kɛ wo ye alako wo ni mala kumɛ bira. Ma sa bilala mɔgɔna-wodi fɛ, ado ma sa ma nyɛrɛ diyana-koenu kɛla dogɔn rɔ. Alla le ma sere la!

1 Samuwɛli 12:5

Samuwɛli ya a fɔ anu ye ko, “Mari anubɛ ata mansa-yabɔnɛ ara ma sereyɛ la ma tɛma wona bi, ko wo ara n bara-koe fɛsɛfɛsɛ. Wo ma fɛɛ yen n na.” Anu denu fanan ya a fɔ ko, “Ɔn, Mari le ma sereyɛ la.”