Yobu 15:5 - ALLALA KUMƐ

⁵ Ila kuma-nya ara a yira n na ko i karagbɛlɛ. Kuma-fila-fɔlɛ le ile la ila kɛwuyɛ rɔ.

Yobu 15:5 ပူးပေါင်းရင်းမြစ်များ

Yobu 11:6

Ko-dogonnɛ min bɛɛsi ye hɛnkilimayɛ rɔ, a si wonu yira i la nun, ado koe donu bi nyɔ hadama-dan ti ke min nya-yenna. Alla sa i tɔrɔla iko a bɛnta, a ni i tɔrɔ nya min.

Yobu 12:6

Kankan anubɛ Alla-lɔnbɛlɛnu bi yisi-kimɛ rɔ. Anu sɛnbɛ le anuta alla la.

Yobu 15:4

Ni a tora ile ma, mɔgɔ-wo-mɔgɔ ti kilan Alla la. Mɔgɔ-wo-mɔgɔ ti a madiya.

Yobu 22:5

A ye wo mala bawo i ya hakɛ-siyaman kɛ! Dan sa ila hakɛnu na!

Yobu 32:1

Yobu lara a la min kɛ ko a yilikini ma, a ta-nyɔgɔ mɔgɔ sawɛ wonu ya anu fara a yabila ka anu tade.

Yobu 32:2

Kɔnɔ mɔgɛ do ye nyɔ nun min tɔgɛ Ɛlihu. A tole masɔnɛ anu na. A ma ke a yisi birala tun bawo a ye a yenna ko Yobu ye a nyɛrɛ latelenna ka a tɛgɛ sigi Alla ma. Rama bɔnsɔn-mɔgɛ do le Ɛlihu kɛ la. A benba tɔgɛ le Busi. A fa tɔgɛ le Barakɛli.

Yobu 5:12

A si yanfantenuna ko-rabɛn tinya alako anu kana na ta yarɔ anuna kɛwuyɛ la.

Yobu 5:13

A si a ma, karagbɛlɛnu ni bira anu nyɛrɛta yili-lasiginɛ la. Minnu si anu nyɛrɛ ma hɛnkilimɛ la, Alla si wonuna ko-rabɛn yɛlɛma fufafuyi la.

Yaburi 64:3

Anu bi anu nagan dɛ lasala iko faan. Anu bi kuma-yogomɛnu nakɛla n ma iko kalabɛn.

Yɛrɛmaya 9:8

Wo nagan manɛ kalabɛn-nasulennɛ la. Wo dɛ ye foninyɛ fɔla tolon! Wo bɛɛ ye a da le le fɔla a sigi-nyɔgɛ ye kɔnɔ wo burɛ ye wo burɛ la. Yaga, wo ye ko-yogomɛ sigi-koe rɔ wo ta-nyɔgɛnu ma!

Luka 6:45

Mɔgɔ-nyimɛ si ko-nyimɛ labɔ a yisi rɔ. Mɔgɔ-yogomɛ si ko-yogomɛ labɔ a yisi rɔ, ado mɔgɔ yisi fanɛ min na, a dɛ ye wo le fɔla.

Yemesi 1:26

Ni mɔgɛ do ya a miri ko Allata mɔgɛ le ale la, ni a ma a dɛ mara, fuyi le ala dina wo la. A ye a nyɛrɛ mayuwaya tinɛ le dɔrɔn.