Yobu 15:31 - ALLALA KUMƐ

³¹ Mɔgɛ min bi a yigi sala ko-fufafuyinu tɔ, wo sarɛ si ma ko fuyi la.

Yobu 15:31 ပူးပေါင်းရင်းမြစ်များ

Yobu 12:16

Sɛnbɛ anubɛ nɔlɛ ye Alla bolo. Bolo-labiralɛ anubɛ wo ye min bolo labirala, wonu bi a kɔɛn le tɔ.

Yobu 31:5

N bara n keli ni n bara karagbɛlɛyɛ sigi mɔgɛ la, ni wo ma, ka mɔgɛ bole labira.

Yobu 35:13

Anu di-kɛ-kunya sa nyɔ bawo Alla Sɛnbɛ-Bɛɛ-Tigi ti anu mafɛlɛn hali ka anu kan lamɔɛn.

Yobu 4:8

Ni ndetɛ le, ni min ya hakɛ wɔrɔ ka karagbɛlɛyɛ fui a rɔ, anu ti fenfen tɛgɛ nyɔ fɔ karagbɛlɛyɛ.

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Hɛnkilimaya-Kumɛnu 22:8

Ni mɔgɛ ya telenbɛliyɛ le ki, a si nanparan le tɛgɛ wo gbɛ rɔ nyɔ. Min sanɛ wo kuma, ala mɔgɔ bira-boloko-yogomɛ si ban de!

Hɛnkilimaya-Kumɛnu 24:20

Nba, yigi sa karagbɛlɛ bolo a si a miri min ma. A wara-koe la si to dogbe iko lɛnpu wa dufen dɔi!

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Yɛrɛmaya 37:9

Mari ko hali wo ma wo nyɛrɛ baya bawo Babilɔn kɛlɛ-dannu ba ta, anu bi nala le tun wo kɛlɛ-tinɛ.

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Yona 2:8

Minnuna ko sa i wara-koe rɔ tun, wonu denu bi bɛsi-fufafuyinu kɔla.

Kalesiya 6:3

Ni mɔgɛ do ye a mirila ko fen de ale la, ado fenfen ma a la, a ye a nyɛrɛ le mayuwayala wo la dɔrɔn.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.