Yobu 15:21 - ALLALA KUMƐ

²¹ Kuman-kan-makilannɛnu si to a rakilanna. Ale miri wati min ma ko a latankanɛ, kankan si bui a ma.

Yobu 15:21 ပူးပေါင်းရင်းမြစ်များ

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

Ɛsita 7:6

Mansɛla musi Ɛsita ko, “Ma yoge min tɔgɛ Heman, wo le ya kɛ bɛɛ rabɛn ma kan ma.” Kumɛ wo ya Heman kumakɔ. A ya a yɛ gbala mansɛ anubɛ ala musi la.

Yobu 15:24

A kilannɛ nanparan anubɛ dumɛ la iko mansa-makilannɛ do le ye nala a kɛlɛla.

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yobu 18:14

Sayɛ si a songban ala bɔn la a lakanannɛ kan min. Mɔgɛnu si ta a la mɔgɔ-faganɛnuna mansɛ warɛ.

Yobu 20:21

A ara fan dɔn ha, fenfen sa a si min dɔn tun. Woletɔ ala sabatiyɛ ti mɛ!

Yobu 22:10

Wo le ya a to, gbɛrɛ lasiginɛ ila foolɛ bɛɛ rɔ, ado gbalo si i kumakɔ!

Yobu 24:17

Anu bi kilanna tele rɔ. Kɔnɔ pinpi bɔrɔ sa anu ye.

Yobu 27:20

Kilan ye tugula anu kun na iko yi-fɛ. Surɔ-fɔnyɔ si ta anu dununa kudai!

Yaburi 92:7

Hali karagbɛlɛnu bi koloyala iko binyɛ, ado ko-yogoma-kɛlɛnu bi nanfala kubukubu, fɔ anu ba halaki pɔ

Hɛnkilimaya-Kumɛnu 10:24

Mɔgɔ-telennɛ nyinita fenfen ma, fɔ a wa wo sɔrɔn kɔnɔ mɔgɔ-karagbɛlɛ kilanta fenfen na, wo le ye a birala.

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Yɛrɛmaya 6:26

Mari ko wole, ata mɔgɛnu ni kasa-kurɛ kɛ wo ma. Wo ni wo nyɛrɛ maforongban gbangban rɔ yisi-tinyala ko la. Minnu bara lakiraya, wo ni wo dɛ sa-a-rɔ wonuna ko la. Wo ni wo dɛ bolobɔ iko mɔgɔla den kelan wa bɔ a bolo. Wo ni wo bɛɛ ma bawo kasarɛ sa mɛla kɛla wo ma.

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.

Lankɛnimayɛ 9:11

Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”