Yobu 14:1 - ALLALA KUMƐ

¹ Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 14:1 ပူးပေါင်းရင်းမြစ်များ

Ko-Dabirɛnu 3:17

Alla ya a fɔ kei fanan ye ko, “N ya a fɔ i ye ko i kana kɔlɔma-gbɔɛ wo dɔn kɔnɔ i wara ila musita kumɛ bira min kɛ ka a dɔn, woletɔ n si tɔrɔyɛ layigi dugi ma ilela ko la. I si i beli-fan sɔrɔn tɔrɔyɛ rɔ i siyi-tele-bɛɛ rɔ.

Ko-Dabirɛnu 47:9

Yakoba ya a fɔ mansɛ ye ko, “N bara san kɛmɛ ani san bi-sawa (130) bɔ kɔnɔ hali wo, n ma kɔrɔya wɛ iko n benbanu. Kɔnɔ san kɛ mumɛ bɛɛ mara n tɔrɔya-san le la.”

2 Mansɛnu 4:19

Kɔnɔ a ma mɛ, kun-dumɛ ya dennɛ wo bira latiriya-bole wo ma. Dennɛ wo dira kun-dumɛ wo kɔrɔ. A fa ya a fɔ ala wɔli-kɛlɛ do ye ko a ni ta dan wo la a na wara soe.

Yobu 10:20

Wati-kundu-nɛ min bi n bolo, ha bi, wo ma ban bɛ, wa? I fara n na alako wati-kundu-nɛ min bi n bolo, n ni taran n diya wo rɔ.

Yobu 15:14

Hadama-dan si ke sɛninyala, wa? A si ma telenbaga la Alla yala?

Yobu 25:4

Mɔgɔ ye nyɔ min telennɛ Alla yala, wa? Hadama-dan do ye nyɔ fɛɛ sa min na Alla yala?

Yobu 25:5

Hali karɛ anubɛ lolenu, fɛɛ ye anu na Alla yala.

Yobu 5:7

Fɔnyɔ si ta-lole ranyɛnsɛn san ma nya min, mɔgɔ si tɔrɔyɛ lana a nyɛrɛ kuma wo nya na le.

Yobu 7:1

Hadama-dan-niyi mani de iko anu bi mɔgɛ min fɔrɔsɛla ka ma kɛlɛ-dan la. A mani de iko wɔliwɔli-kɛlɛ.

Yobu 7:6

Nta wati ye banna tenbila, ado yigi sa n bolo. Nta wati ye tenbila tiriya, iko yese-dan-wɔrɔlan si tenbi nya min tiriya!

Yobu 8:9

bawo male sɔrɔn-san le, ado ma hɛnkili dafani ma. Maleta wati manɛ tele-dande la duninya kɛ rɔ iko ninɛ si tenbi nya min.

Yobu 9:25

Nta wati ye tenbila tiriya iko buri-kɛlɛ, ado hali a nyima kelan, a sa wonu tɔ.

Yaburi 39:5

I wara n siyi-fɛ wuruya. Fenfen ma nde niyi la i yala. Hadama-dan bɛɛ niyi mani de iko ni-lafɛ kelan i yala.

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Yaburi 51:5

Kebi n na ya n buyi bi tumɛ min, n bi nta sɔn-yogoyɛ kɛ la n bolo.

Yaburi 89:47

N siyi-fɛ wuruyanɛ ye nya min, i fonde lamiri wo ma. Fenfen ma male, hadama-dannu na iko i ya ma ladan nya min.

Makawandili Kumɛnu 2:17

Ka to n niyi la, wo bɛɛ sɔgɛ la ara bɔ n na lasi, bawo n ma kun-nadiya sɔrɔn kɛ fenfen tɔ. Wo bɛɛ ragbɛlɛ kati! Wo mani de iko mɔgɔ tenbi fɔnyɔ birala.

Makawandili Kumɛnu 2:23

Fananta i ye i niyi la, i ya ko-wo-ko ma, wo ti fenfen nyinya i ma fɔ yisi-gbalɛ anubɛ mɔnɛ. Hali i sanɛ suyi rɔ, i yisi ti kimɛ. Wo bɛɛ ragbɛlɛ!

Yɛrɛmaya 20:18

Nfenna n sɔrɔnta worɔ ka to tɔrɔyɛ anubɛ nimisɛ rɔ tolon? N bi n siyi banna miliyɛ le tɔ.

Matiyu 11:11

Wo ni wo hɛnkili to kɛ ko! Yɔni-Batasi-Kɛlɛ makawara ka tenbi mɔgɛ bɛɛ la nun. Kɔnɔ Alla min bi Arinyɛni tɔ, ale min dɔgɔ ata mansayɛ rɔ, wo makawara Yɔni ko.