2 N ya ko lɔn iko wole. Wo ma tenbi n na kan-bo-kan.
Kɔnɔ hɛnkili ye nde fanan bolo iko wole. Wo ma tenbi n na fenfen tɔ. Wo ara kumɛ min bɛɛsi fɔ kɛ la, mɔgɛ bɛɛ ya wo lɔn.
“Yobu kɛ sa hɛnkilimaya-kuma fɔla. A ye kumɛ min bɛɛsi fɔla, hɛnkilimaya sa wonu tɔ.”
A gbɛnɛ n ye feu, ko ile Yobu ya kumɛ min bɛɛsi fɔ, kun-takolonya-kumɛ le wonu na. I ye fenfen fɔla, i sa wo kalama.
Wo dama ni wo tole masɔ Allata kumɛ la min bi bɔla a karɛ rɔ san-sɛran rɔ.
Mari ban kumala Yobu ye, a ya a fɔ Ɛlifasi fanan ye ko, “N bara diminya wobɛ i diyana-mɔgɔ filɛ ma bawo wo ma kuma-telennɛ fɔ iko nna wɔli-kɛla Yobu.
Ni nde le ile Yobu la, n si n ya-lamunun Alla la ka nna kɔndɔfili kɛ bɛɛ yira a la.
Wole le wara a ma, n bara kun-takolonyɛ kɛ. A bɛnta wole ni n matɔgɔ nun. Hali fen ma nde la wo yala, wola kilaya-makawanɛ wonu fenfen ma tenbi nde la.
