Yobu 12:7 - ALLALA KUMƐ

⁷ Kolo-fannu manyinika, anu si wole karan. Hali konanu fanan si Alla wara-koe fɔ i ye.

Yobu 12:7 ပူးပေါင်းရင်းမြစ်များ

Ko-Dabirɛnu 1:21

Woletɔ Alla ya nima-fen-kinama-wɛ donu dan yi rɔ anubɛ nima-fen sufa siyamɛ donu. Alla ya kona-su-siyaman dan. Alla ya wonu mafɛlɛn. Wo ya a hɛnɛ.

Ko-Dabirɛnu 1:25

Alla ya nima-fan wonu dan. A ya wonu mafɛlɛn. Wo ya a hɛnɛ.

Yobu 12:6

Kankan anubɛ Alla-lɔnbɛlɛnu bi yisi-kimɛ rɔ. Anu sɛnbɛ le anuta alla la.

Yobu 12:8

Wo ni hɛnkili nyini sogenu bolo. Wo ni hɛnkili nyini yɛgɛnu fanan bolo.

Yobu 8:10

Woletɔ ma ni hɛnkili nyini ma benbanu bolo. Kebi fɔlɔ, bɛɛ ya a lɔn ko hakɛ-tiginu si tɔrɔ. Anu bi nala ma hɛnkili kɔla anuta lɔnnɛ min na, ma ni wo lamɔɛn.

Hɛnkilimaya-Kumɛnu 30:24

Nima-fen nani bi nyɔ duninya rɔ, anu dɔgɔ kɔnɔ anu hɛnkili kolo.

Hɛnkilimaya-Kumɛnu 6:6

Ile tinya-mansɛ, ta mɛnɛ-mɛnɛnɛnu mafɛlɛn anu bi wɔlila nya min.

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Yɛrɛmaya 8:7

Hali konanu, wonu ya anu nyɛrɛta ko-ladan-wati lɔn. Hali kulangbɛ anubɛ serekokonu ya anu tunu-wati lɔn. Kɔnɔ Mari ko a ye nyinina min ma wole, ata mɔgɛnu bolo, wo ma wo lɔn.

Romu 1:20

Allata habadan-sɛnbɛ anubɛ ata Allayɛ, wonu ti yen. Kɔnɔ kebi Alla ya duninya dan tumɛ min, a ara ban wonu bɔla gbɛ ma wo ye feu! Mɔgɛ si wonu yen ata dali-fannu denu fɛ. Woletɔ mɔgɔ-wo-mɔgɔ ti ke a fɔla ko, “Ka a fɔ ko n bi ko-yogomɛ le mala nun, n ma wo lɔn!”