Yobu 12:10 - ALLALA KUMƐ

¹⁰ Nima-fan bɛɛ niyi ye Alla le bolo. Hadama-dan fanan niyi ye ata sɛnbɛ kɔrɔ.

Yobu 12:10 ပူးပေါင်းရင်းမြစ်များ

Ko-Dabirɛnu 2:7

Wo kɔma, Mari Alla ya kei dan ka bɔ bɔnkɛ rɔ. Alla ya a nyɛrɛ niyi bila a sunyɛ rɔ. Kei wo ya niyila fɛyɛ dabira. A mara dali-fen-kɛndɛ la.

Ko-Dabirɛnu 6:17

Alla ya a fɔ tun ko, “Nde, Alla si yi keri duninya kun na alako n si nima-fan bɛɛsi halaki nya min ka anu firan dugu-kole kuma. Nima-fan min bɛɛsi ye dugu-kole kuma, wo bɛɛ si faga.

Yobu 27:3

fananta n bi n niyi wo lafɛla ale Alla bolo,

Yobu 27:8

Alla tenbi niyi bɔla mɔgɔ fɛrɛ rɔ, yigi-nyamintan bi Alla-lɔnbɛlɛ bolo wo wati rɔ?

Yobu 33:4

Alla Sɛnbɛ-Bɛɛ-Tigi, wo le ya n dan ka n niyi bila n tɔ.

Yaburi 104:29

I wa i kan-kɔ sɔ anu na, wo si anu takilan. I wa ila fɔnyɔ bi anu bolo, anu si faga. Anu bi sɛgila bɔnkɛ le tɔ tun anu bɔra kan min nun.

Yaburi 104:30

I wa i niyi bila anuna dannu tɔ tumɛ min, wonu si ma nima-fannu na. Wo le ya a to, i ye ni-kurɛ dila duninya ma.

Makawandili Kumɛnu 9:1

N ban kɛ damasi lakɔrɔsila, n ya ko-gbɛrɛkɛ yen. N ya a yen ko hɛnkili ye mɔgɛ min tɔ, ado a telenta, Alla ye wo le fɛ. Mɔgɔ ti a lɔn ni a si a laban gboyɛ anubɛ diyɛ le ma.

Aiseya 42:5

Alla ya san-kole dan ka a rafulen san ma. A ya dugu-kole dan anubɛ a rakɛ-fannu. A ya niyi di mɔgɛ bɛɛ ma. Mari Alla ye a fɔla ala wɔli-kɛlɛ ye ko

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Yɔni 3:6

Mɔgɔni-finyɛ si mɔgɔni-finyɛ sɔrɔn. Kɔnɔ Allata Ni-Sɛnimɛ le si niyi di mɔgɛ ma.

Kɛwɔlɛnu 17:25

ado a mako sa mɔgɛnuna dɛnbɛnɛ la bawo ale nyɛrɛ le ye niyi anubɛ fen-toe bɛɛ dila mɔgɛnu ma.

Kɛwɔlɛnu 17:28

ado ale le ye sɛnbɛ dila ma ma alako ma ni to ma niyi la, koe bɛɛ ma tinɛ. A ye iko wola yelebanu bi a fɔla nya min ko, ‘Ala dannu le male fanan na.’