Yobu 11:7 - ALLALA KUMƐ

⁷ Ile si ke Allata gbundinu lɔnna, wa? Ile si ke Alla Sɛnbɛ-Bɛɛ-Tigi hɛnkili nya-yenna?

Yobu 11:7 ပူးပေါင်းရင်းမြစ်များ

Yobu 22:12

Alla min siginɛ san-kole rɔ pon, male ye lole minnu yenna san ma, ale ye a kolan layigila lole wonu ma.

Yobu 26:14

N bara koe min bɛɛsi rakaran kɛ, a dɔgɔmɛ le wonu na. Allata fanka-wɛwɛ le wonu na. Nba, yon si ke ata fanka kuma-yɛlɛnɛ nya-yenna worɔ?

Yobu 27:11

N ni wo karan Allata kabana-koe wara-koe ma. N ni Alla Sɛnbɛ-Bɛɛ-Tigi miriya rakaran wo ye.

Yobu 33:12

Kɔnɔ Yobu, i ya kumɛ minnu fɔ kɛ la, i yo sa kɛ rɔ mumɛ! Alla makawara hadama-dan ko.

Yobu 33:13

Nfenna ile ye a fɔla ko Alla ti hadama-danta yasere-masɛ lamɔɛn?

Yobu 35:5

I yɛ layɛlɛ san-kole ma. I ni a yen banda-finyɛ fɛ-yan ma la nya min.

Yobu 36:26

Mɔgɛ ti ke Allata kabana-koenu nya-yenna muk! Alla ara san min nyɔgɔn bɔ, ma ti ke wo yatɛ lɔnna.

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yobu 37:5

Alla tenbi kumala, kabana-ko-wɛnu bi mala, ma ti ke minnu nya-yenna, ado male hadama-dannu ti ke wonu dan lɔnna.

Yobu 42:3

Mari, ile le ya nyinikalɛ sa ko, “Yon bi kun-takolɔn kɛ la min bi ila hɛnkilimayɛ manyinikala?” Nde ko-nya-yenbɛlɛ le ya wo ma bawo n ma kabana-koe wonu nya-lɔn.

Yobu 5:9

Male ti Allata ko-makawanɛ-dan lɔn, ado ala kabana-koenu dan sa.

Yaburi 139:6

I ya n lɔn nya min, wo da-rakolo. N ti ke wo nya-yenna.

Yaburi 145:3

Mari makawara, ado a bɛnta, mɔgɛ ni a matɔgɔ. A makawa-nya ti yen.

Yaburi 77:19

Kilɛ sanɛ i bolo kɔgɔ-yi-dumɛ tɛma kɔnɔ mɔgɔ-wo-mɔgɔ ti i kin-gbɛ yen.

Hɛnkilimaya-Kumɛnu 30:4

Kɔnɔ mɔgɔ yon bara yɛlɛ Arinyɛni tɔ ka sɛgi tun? Mɔgɛ yon bara ke a bole lagburula fɔnyɔ ma? Mɔgɛ yon bara ke kɔgɔ-yi-mumɛ bɛɛsi kɛla ala duruki rɔ ka ala duruki lagburu a ma? Mɔgɛ yon bara dugu-kole dan sa? Mɔgɛ kɛ anubɛ ala dan tɔgɛ ye kama? Ni min ya wonu tɔgɔ lɔn, i ni anu tɔgɔ ratɛgɛ n ye.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Makawandili Kumɛnu 7:24

ado hɛnkilimayɛ nya-yen ma di. Yon si ke hɛnkilimayɛ nya-yenna?

Aiseya 40:28

Wo ma a lɔn, ba? Wo ma a lamɔɛn nun, ba? Habadan-Alla le Mari la. Ale le ya duninya dan, yɔ! A ti bandan. A ti yunkun. Mɔgɔ-wo-mɔgɔ ti ke a miriya lɔnna.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

1 Kɔrɛnti 2:16

Iko a sɛbɛnɛ Allala kitabu rɔ nya min, “Yon ya Mari miriya lɔn? Yon si ke a makawandila?” Kɔnɔ malebɛ Kirasiti, miriya kelen de!

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.