Yobu 11:6 - ALLALA KUMƐ

⁶ Ko-dogonnɛ min bɛɛsi ye hɛnkilimayɛ rɔ, a si wonu yira i la nun, ado koe donu bi nyɔ hadama-dan ti ke min nya-yenna. Alla sa i tɔrɔla iko a bɛnta, a ni i tɔrɔ nya min.

Yobu 11:6 ပူးပေါင်းရင်းမြစ်များ

Ɛsira 9:13

Hali tɔrɔyɛ min bɛɛ ara sigi ma la ka a tɛgɛ mala hakɛla ko ma, wo ma a bɔ iko a bɛnta, ma ni tɔrɔ nya min. I wara sɔn alako do ni to anu niyi la ma tɛma.

Yobu 11:5

Alako Alla ya a karɛ laka ka kuma i ma nun. Alako a kumara i ma nun dɔrɔn!

Yobu 12:13

kɔnɔ hɛnkilimayɛ anubɛ sɛnbɛ ye Alla le bolo. Min sanɛ wo kuma, wo le, ko-kɔrɔ-lɔn anubɛ makawandilɛ ye ale bolo.

Yobu 15:11

Alla ye i yisi-kima-koe rɔ. Male fanan bi kumala i ye a kin na kɔnɔ wo do-wo-do ma i hɛnɛ.

Yobu 15:5

Ila kuma-nya ara a yira n na ko i karagbɛlɛ. Kuma-fila-fɔlɛ le ile la ila kɛwuyɛ rɔ.

Yobu 15:8

I tole masɔnɛ nun, Alla ye koenu tabɛnna wati min? A fɔra i ye ko hadama-denya-hɛnkili ye ile le kelan bolo?

Yobu 22:5

A ye wo mala bawo i ya hakɛ-siyaman kɛ! Dan sa ila hakɛnu na!

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yobu 33:12

Kɔnɔ Yobu, i ya kumɛ minnu fɔ kɛ la, i yo sa kɛ rɔ mumɛ! Alla makawara hadama-dan ko.

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 103:10

A ti to ma tɔrɔla iko a bɛnta, ma ni tɔrɔyɛ sɔrɔn nya min. A ti ma sara boloko-yogomɛ-kɛ iko ma hakɛ anubɛ mala ko-yogoma-kɛ ye nya min.

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Nimisa Koe 3:22

Wo le iko Marita keninteya-dan-natɛgɛbɛlɛ anubɛ ata kinikinɛ min ti ban.

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Matiyu 13:35

A ya wo ma alako nɛbi ya min fɔ, wo ni kanbali. A ko, “N tenbi kumala anu ye, n si tilinu sa. Kebi duninya danta, Alla ma koe minnu nabɔ gbɛ rɔ fɔlɔ-nun, n si wonu fɔ anu ye.”

Ɛfɛsa 3:5

Gbundu-koe kɛ ma fɔ wɛ hadama-dan ye nun fɔlɔ kɔnɔ Alla ara a labɔ gbɛ rɔ kaka ala kilaya-sɛnimɛnu anubɛ nɛbinu ye ata Ni-Sɛnimɛ baraka rɔ.

Tɔn-Fɔɛ-Fila-Nyɔgɛ 29:29

“Ko-dogonnɛ donu bi nyɔ mata Mari Alla ya min bira a nyɛrɛ ye gben! Kɔnɔ a ya ata tɔnnu denu yira mabɛ ma kegeyɛnu na ma si to minnu birala habadan!”