Yobu 11:11 - ALLALA KUMƐ

¹¹ Alla ma fili mɔgɔ-yogomɛ ma. A tenbi ko-yogomɛ kɛla, Alla kolan bɛnnɛ a ma.

Yobu 11:11 ပူးပေါင်းရင်းမြစ်များ

Yobu 24:23

Tumado Alla si sɔn ko anu ni sigi lafɛrɛ rɔ kɔnɔ a kolan bɛnnɛ anu ma tuma-wo-tuma.

Yobu 28:24

A ya a lɔn bawo ale le kelen pe si ke dugu-dankun filɛ yenna a kolan la. Fan min bɛɛsi ye san-kole kɔrɔ, ale le si wonu tagbɛ.

Yobu 31:4

N ya ko-wo-ko ma, Alla ya wo lɔn. N tara kan-bo-kan, a kolan ye n gbere la.

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 10:14

Kɔnɔ Alla, i ye yakɔrɔ-mamɔɛ anubɛ tɔrɔyɛ rayenna i kolan le la. I ye mɔgɛnu dɛnbɛna wati bɛɛ. Min ti ke a nyɛrɛ kumafunfanna, wo si a nyɛrɛ latenbi ile Mari ma. I ye bolo-kolɔnnu dɛnbɛna wati bɛɛ rɔ.

Yaburi 33:13

Mari si a kolan layigi ka bɔ san-kole rɔ ka hadama-dannu yen.

Yaburi 35:22

E, Mari, i wara kɛ damasi yen! I madenɛ kana na to. I kana i masɛgi n na pon!

Yaburi 94:11

Ale Mari ya hadama-den-miriya lɔn. A ya a lɔn ko fenfen sa anu miriya rɔ fɔ ko-fuyi.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Hoseya 7:2

N miriya sa wo la ko nde, Alla si wo bira wo yili la. Wo hakɛ mininɛ wo ma iko gbɔfɛ, ado wo hakɛ gbɛnɛ n yɛ la feu!”

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.