Yobu 10:7 - ALLALA KUMƐ

⁷ I ya a lɔn serr, ko fɛɛ-wo-fɛɛ sa n na. I ya a lɔn ko mɔgɔ-wo-mɔgɔ ti ke n bɔla ila sɛnbɛ kɔrɔ.

Yobu 10:7 ပူးပေါင်းရင်းမြစ်များ

Yobu 10:15

Ni n ya hakɛ kɛ, n bara nanparan sɔrɔn i wara la kɔnɔ ni n ya ko-telennɛ kɛ, wo tɔnɔ mumɛ sa n ma. N bara miliya dɔgɔma-ma-de! N bara tunu nna dumɛ kɔrɔ iko mɔgɔ wa a mamin baan la.

Yobu 11:4

I ye a fɔla Alla ye ko i yilikini ma, ko fɛɛ-wo-fɛɛ sa i la.

Yobu 13:18

N lanɛ a la ko n bara ban nta kumɛ rabɛnna, ado fɔ n ba yo sɔrɔn serr!

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yobu 23:11

Ni a ya kila-wo-kila sa n kɔrɔ, n bi tagamana wo le fɛ.

Yobu 27:22

Fɔnyɔ ti kinikini anu ma, a si to tugula anu kun na. Hali anu ya anu taya nya-wo-nya, anu kunyɛ ti bɔ a rɔ.

Yobu 31:14

Ni n ma wo ma nun, n si ke Alla yabila kama? Alla wa n kiti, n si nfen fɔ a ye?

Yobu 31:35

Mɔgɔ ti sɔn a tole masɔla nna kumɛ la n bi minnu fɔla, wa? N bara min bɛɛsi fɔ kɛ la, a ye mabɛ Alla tɛma ni tonya ma. Alamɛ Alla Sɛnbɛ-Bɛɛ-Tigi ya nna madiyali-kan lamɔɛn. N kuma-nyɔgɛnu bi kumɛ minnu fɔla n kun tɔ, ni wo bɛɛ sɛbɛnɛ le nun, n ni wo yen n yɛ la,

Yobu 31:6

Alla wa n tasuma a kila-bɛrɛ fɛ, a si a lɔn n telennɛ nya min.

Yobu 32:1

Yobu lara a la min kɛ ko a yilikini ma, a ta-nyɔgɔ mɔgɔ sawɛ wonu ya anu fara a yabila ka anu tade.

Yobu 33:9

i ko i yilikini ma, ado i ma ko-yogoma wo ko-yogoma ma. I ko fɛɛ sa i la, ado i ma hakɛ kɛ.

Yobu 40:8

I ye a fɔla ko nna koenu ma telen, wa? A sɔgɛ ye i la, ile ni yo sɔrɔn nde ma?

Yobu 42:7

Mari ban kumala Yobu ye, a ya a fɔ Ɛlifasi fanan ye ko, “N bara diminya wobɛ i diyana-mɔgɔ filɛ ma bawo wo ma kuma-telennɛ fɔ iko nna wɔli-kɛla Yobu.

Yobu 9:12

Alla wa fen bɔ mɔgɛ do bolo, mɔgɔ-wo-mɔgɔ ti ke tɔn sigila a ma. Mɔgɔ-wo-mɔgɔ ti ke a manyinikala ko, “Ile ye nfen kun na kɛ la?”

Yobu 9:21

Fɛɛ-wo-fɛɛ sa n na kɔnɔ hali wo, nna ko sa a rɔ tun. N niyi-sɔgɔ la ara bɔ n na. A bɔrɔ sa n ye tun.

Yobu 9:22

Yoe taranta n bolo wo, yo ma taran n bolo wo, fɔ Alla wa n bara-koe ka-a-la.

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 17:3

Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Yaburi 50:22

“Wole min bi wo banna n na, wo ni wo tole masɔ. Ni wo ma, n si wo halaki, ado wola kisila ti taran.

Yaburi 7:3

E, nta Mari Alla, ni n bara mɔgɛ do kensun wo, ni n bara n diyana-mɔgɛ don a yogenu bolo wo, ni n bara bui n yoge do ma wo, ado a ma ko ma n na, ni nde ara kɛ do-wo-do ma,

Aiseya 43:13

A ko Habadan-Alla le ale la. Mɔgɔ-wo-mɔgɔ ti ke a burila ata sɛnbɛ kɔrɔ. Mɔgɔ-wo-mɔgɔ ti ke ala ko-ladannɛ bɔla a gbɛ rɔ.

Daniyɛli 3:15

Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Hoseya 2:10

Wo kɔma, n si a mawuran ala keminɛnu yala. Mɔgɔ-wo-mɔgɔ ti ke a latankala nta sɛnbɛ kɔrɔ.

Hoseya 5:14

Mari ko a si kɛ Yuda anubɛ Isirɛla mɔgɛnu ma iko yarɛ ye kɛla soge ma nya min. Ale nyɛrɛ nyɛrɛ si wo rafarafara ka wo boloka. A wa ban wo saganna dugi la ka ta wo la, wo lakananna fenfen ti taran.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

1 Tɛsalonaika 2:10

Ma siginɛ wo fɛ tumɛ min, ma sɛninyanɛ, ma telennɛ, fɛɛ ma taran ma la wole dɛnkɛninya-mɔgɛnu tɛma. Wo nyɛrɛ le wo sereyɛ la anubɛ Alla.

Yasowa 22:22

“Mata Mari Sɛnbɛ-Bɛɛ-Tigi, ma ya wo lɔn. Ma ya min ma, Mari ya wo lɔn, ado ma ye a fɛ, wole fanan ni wo lɔn. Ma ma kɛ ma ka murutiya Mari ma. Ni ma murutiyara Mari ma ka ma kan-kɔ sɔ a la, nba, wo na ma faga gbɛ!