Yobu 10:3 - ALLALA KUMƐ

³ I wara ko-yogomɛ min ma n na, woletɔ i sewanɛ, nyɛ? Ile nyɛrɛ-nyɛrɛ ya nde min dan, nde ni gboya i ye tun, wa? I wara i kan-kɔ sɔ n na ka nyagalen karagbɛlɛnu na.

Yobu 10:3 ပူးပေါင်းရင်းမြစ်များ

Yobu 10:8

I kɔɛn nyɛrɛ-nyɛrɛ ya nde dan. I kɔɛn kelan, wo le ye n halakila fanan.

Yobu 14:15

Wo wati wa ke, ni nde, ila mɔgɔ-dannɛ yen-sɔgɛ ye i la, i si n takele, n ni a labira.

Yobu 15:13

Min sanɛ wo kuma, i wara to diminyani Alla ma ha i nagankuri namanɛ kuma-siyaman-fɔɛ ma.

Yobu 16:11

Alla ara n don ko-yogoma-kɛlɛnu bolo. A ara n don karagbɛlɛnu bolo.

Yobu 19:6

Wo ma a lɔn ko Alla gbɛ le kɛ la, wa? Wo le wara yili lasigi ka n bira.

Yobu 21:16

Anu denu miri ko anu bi tala yarɔ anu nyɛrɛ sɛnbɛ le la. Kɔnɔ nde ma sɔn anuta miriya wo ma.

Yobu 22:18

Hali wo, Alla le ya anu nasabati. Nba, nde ma sɔn karagbɛlɛ kɛnuna miriya ma.

Yobu 30:21

I ye n bira boloko-yogomɛ-kɛla. I ye buila n ma i sɛnbɛ bɛɛ la.

Yobu 31:15

Alla min ya n dan, wo le ya nna wɔli-kɛlɛnu fanan dan.

Yobu 33:4

Alla Sɛnbɛ-Bɛɛ-Tigi, wo le ya n dan ka n niyi bila n tɔ.

Yobu 40:8

I ye a fɔla ko nna koenu ma telen, wa? A sɔgɛ ye i la, ile ni yo sɔrɔn nde ma?

Yobu 8:20

Mɔgɛ minnu telennɛ Alla ye, a ti wonu boloka, ado minnu telenni ma a ye, a ti wonu dɛnbɛ.

Yobu 9:22

Yoe taranta n bolo wo, yo ma taran n bolo wo, fɔ Alla wa n bara-koe ka-a-la.

Yobu 9:24

Alla ya duninya dantɛgɛ karagbɛlɛnu ma. A ya a ma, kiti-tɛgɛlɛ bɛɛ fiyonyara tɛrr! Wo rɔ, ni Alla ma wo ma, yon ya wo ma nun worɔ?

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 138:8

I si koe bɛɛ latɔnbagaya iko i ye yili-madiyɛ kɛla nya min. Mari, ita keninteyɛ ti ban mumɛ! I wara wɔlɛ min dabira, i yandi, wo laban.

Yaburi 69:33

Mari si a wɔlɔ matɔlɔ makolamɛnu na, ado ala mɔgɛ minnu bi yele la, a ti nyina wonu ko.

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

1 Pita 4:19

Woletɔ minnu bi tɔrɔla iko Alla sako ye nya min anu bolo, wonu ni anu nyɛrɛ kerifa anu Dali Mari la fasai! Anu ni to kɛwɔli-nyimɛ kɛla Alla ye min bi ala lanyiri tola a gbɛ rɔ tuma-wo-tuma.