Yobu 10:21 - ALLALA KUMƐ

²¹ A ti mɛ tun, n si ta bɛɛ ta tinɛ, ado n ti sɛgi tun. N bi tala pinpi-makilanni-bɛ le tɔ.

Yobu 10:21 ပူးပေါင်းရင်းမြစ်များ

2 Samuwɛli 12:23

Kɔnɔ a ara ban fagala min kɛ kɛ la, n bi sunyɛ donna nfenna ko la wo rɔ tun? N si ke dan niyi lasɛgila a rɔ tun, ba? Nde fanan, lunyɛ do, fɔ n ba nna dan kɛ taran kɔnɔ ale ti sɛgi yan tɔ tun.”

2 Samuwɛli 14:14

Kɔnɔ a mara nya-wo-nya, fɔ ma dama wa faga le. Ma mani de iko yi ra wa wuya dugi ma. Mɔgɔ ti ke wo madɛnna tun. Hali Alla, niyi-bɔɛ ma di a ye. Kɔnɔ Alla si fɛrɛ nyini ka mɔgɔ-konnɛ lasɛgi a ma tun.

Yobu 10:22

N bi tala kan min, fenfen sa nyɔ fɔ pinpi anubɛ nini-pinpi-nɛ anubɛ yakɔrɔ-mamɔɛ. Hali wan-takanɛ min bi nyɔ, wo mani de iko pinpi.

Yobu 16:22

San-dande ara to nna tagama nasɛgibɛlɛla ko la.

Yobu 17:13

Yigi min bi n ma, fɔ kanbɛ, n bi sala pinpi rɔ kan min.

Yobu 3:13

Ni n dennɛ le fagara nun, n bi n fanbolo nun kaka. N bi n sulen tinɛ le gbɛ!

Yobu 3:5

Alamɛ ila pinpi-makilanni-bɛ ya ale tele wo yamatogon. Alamɛ banda-fin-digidigi-wɛ burunta wulɔn-tele ya ma bɛff! Suyi wo, pinpi-mɔlɔkɔn-bɛ ni wo lakunu.

Yobu 34:22

Pinpi-wo-pinpi sa nyɔ hakɛ-tigi si ke a dogonna min tɔ.

Yobu 38:17

Ha bi, mɔgɔ do ma lakira-don-dɛ yira i la nun. I wara pinpi-makilanni-bɛ don-dɛ yen bɛ i yɛ la?

Yaburi 23:4

Hali n bi tenbila saya-kilɛ pinpi-wɛ le tɔ, Mari si a ma, n ti kilan fenfen na bawo a ye n fɛ. Ale le ye n matankala ko-yogomɛ bɛɛ ma.

Yaburi 39:13

I masɛgi n na alako n ni sewa tun. A ti mɛ tun, n si a fesakɔrɔ ka faga.

Yaburi 49:20

Hali mɔgɔ makawara, sayɛ ti gban a kun na. Fɔ a wa faga iko soge.

Yaburi 88:13

E, Mari, n ya i rakele n dɛnbɛn-koe la. Sɔgɔma-wo-sɔgɔma, n si i madiya.

Yaburi 88:6

I wara n nakɛ-a-rɔ kaburu-soe rɔ saru! Nyɔ rapinpinɛ, ado a rayan.

Makawandili Kumɛnu 11:8

Fananta mɔgɛ ye a niyi la duninya kɛ rɔ, a ni to a nyɛrɛ ladiyala bawo a ye wati min nyɔgɔn bɔla pinpi rɔ lakira, wo siya yantɛ ko pirr! Wo bɛɛ ragbɛlɛ.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Aiseya 38:11

N bi nilamɛnu tɛma tumɛ min, n miri n ko n ti Mari yen tun n yɛ la, ado n ti mɔgɔ-wo-mɔgɔ yen tun a niyi la.

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!