Yobu 10:15 - ALLALA KUMƐ

¹⁵ Ni n ya hakɛ kɛ, n bara nanparan sɔrɔn i wara la kɔnɔ ni n ya ko-telennɛ kɛ, wo tɔnɔ mumɛ sa n ma. N bara miliya dɔgɔma-ma-de! N bara tunu nna dumɛ kɔrɔ iko mɔgɔ wa a mamin baan la.

Yobu 10:15 ပူးပေါင်းရင်းမြစ်များ

Yobu 10:7

I ya a lɔn serr, ko fɛɛ-wo-fɛɛ sa n na. I ya a lɔn ko mɔgɔ-wo-mɔgɔ ti ke n bɔla ila sɛnbɛ kɔrɔ.

Yobu 21:6

Koe minnu bara kɛ nde la, n tenbi n mirila wonu ma tumɛ min, n si yɛrɛyɛrɛn kilan bolo.

Yobu 23:15

N bi yɛrɛyɛrɛnna kilan bolo a yakɔrɔ. N ba n miri kɛ bɛɛ ma, n kun ma si kɔ.

Yobu 27:7

Minnu sɔnɛ n na, anu bi n kɛlɛla, alamɛ wonu tɔrɔta iko karagbɛlɛnu.

Yobu 6:29

Wo ara wotɛ latenbi. Wo kana n yiliki. N bi n yoe le tɔ.

Yobu 9:12

Alla wa fen bɔ mɔgɛ do bolo, mɔgɔ-wo-mɔgɔ ti ke tɔn sigila a ma. Mɔgɔ-wo-mɔgɔ ti ke a manyinikala ko, “Ile ye nfen kun na kɛ la?”

Yobu 9:15

Hali tonyɛ ye n bolo, n ti a manyinika fɔ n ba a madiya le alako a ni kiti bɔ n kuma.

Yobu 9:29

N bara ban yilikila nkɛkuna, nde ye n karanna nfen yo nyinina tun?

Yaburi 119:153

N tɔrɔ-bole kɛ mafɛlɛn. I yandi, n nakanan bawo n ma nyina ita tɔnnu ko.

Yaburi 25:18

A ni a fonde lamiri nta yakɔrɔ-mamɔɛ ma ka n makoto n hakɛ bɛɛ la.

Yaburi 44:16

bawo ma gboyanɛ ma yoge minnu ye, wonu bi ma manyinina ka yɛlɛn ma ma.

Yaburi 83:16

E, Mari, i ni a ma, anu ni anu bole burun anu yɛ la miliyɛ bolo. I ni a ma, anu ni ile bato ka a lɔn yati, ko sɛnbɛ ye ile le bolo.

Yaburi 9:17

Karagbɛlɛ bɛɛ si a laban kanbɛ rɔ hali minnu bi Alla bɔrɔbɔla.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Nimisa Koe 1:20

“E, Mari, i ma a yen, n niyi ra ara gbɛrɛn n ma. N yisi ara tinya ka a tɛgɛ nta murutiyɛla ko ma. N yogenu ya nna dannu faga luyi ma. Fenfen sa bɔnnu na fanan fɔ sayɛ.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Luka 17:10

A ye wo nya na le wole fanan bolo. Min fɔra wo ye, wo wa wo bɛɛ ma tumɛ min, wo si a fɔ ko, ‘Wɔli-kɛlɛ le male la dɔrɔn. Ma ara mala wɔlɛ le dɔrɔn kɛ.’ ”