Yobu 1:8 - ALLALA KUMƐ

⁸ Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma.”

Yobu 1:8 ပူးပေါင်းရင်းမြစ်များ

2 Mansɛnu 23:25

Ale Mansa Yosaya kɛ, a nyɔgɔn ma taran nun fɔlɔ, ado a nyɔgɔn don ma na taran min ya Mari sako kɛ a sɔndɔmɛ anubɛ a yisi bɛɛ la iko ale. A ya Nɛbi Musata tɔn bɛɛ bira.

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Yobu 1:1

Kei do ye nyɔ nun min tɔgɔ Yobu. A siginɛ Yusi nyamanɛ rɔ. Mɔgɔ-nyimɛ le ale la min bi Alla gbiliyala, ado a telennɛ a ye. A ye a mala a fɛrɛma bawo a ma di a ye a ni ko-yogo wo ko-yogo ma.

Yobu 12:4

Hali n kenintenu, anu bara n ma yɛlɛnma-fan la. Alla ye nna madiyali-kan lamɔɛnna. N natelennɛ, fɛɛ sa n na kɔnɔ hali wo, anu bi n mayɛlɛnna.

Yobu 2:1

Lunyɛ do, melikanu tara anu sɔ Alla yakɔrɔ a kɔndɔn tinɛ tun, Setanɛ fanan ye anu tɛma nun.

Yobu 2:3

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma. Hali i nɔrɔta n ma Yobu kasara-koe la, n ma a tɔrɔ-kunya yen i bolo kɔnɔ hali wo, a telennɛ n ye iko a ye nya min nun fɔlɔ.”

Yobu 34:14

Ni Alla ya ala fɔnyɔ bi hadama-dan bolo,

Yobu 8:20

Mɔgɛ minnu telennɛ Alla ye, a ti wonu boloka, ado minnu telenni ma a ye, a ti wonu dɛnbɛ.

Yaburi 18:23

A ya a lɔn ko fɛɛ sa n na, ado n bara n nyɛrɛ mara hakɛ-kɛ-koe ma.

Yaburi 34:14

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

Yaburi 36:1

Kumɛ do ye n yisi rɔ ka a tɛgɛ mɔgɔ-yogenuna wunduyogoyɛ ma. A si a ban Alla la. Kilan sa a rɔ Alla wara la muk!

Yaburi 37:27

I fara ko-yogoma-kɛ la ka ko-nyimɛ kɛ. Wo si a ma, nyamanɛ kɛ ni ma wo kegeyɛnu halalɛ la

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 89:20

I ko i wara ila wɔli-kɛla Dawuda ma mansɛ la, ado i wara dantɛgɛ-tuli kɛ wo salɛ rɔ.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Isikiyɛli 40:4

Kei wo ya a fɔ n ye ko, “Ile hadama-dan, i yɛ bɛn n ma ka i tole masɔ a kin na! N si min bɛɛ yira i la, i yili ni to wonu ko bɛrɛkɛ bawo i nara wo lela ko la yan. I ye min bɛɛ rayenna yan, fɔ i ni ta wo rakaran Isirɛla mɔgɛnu ye.”

Yilan-Yilan Koe 12:3

(Hali wo, Musa, mɔgɔ-famayiginɛ le ka tenbi mɔgɛ bɛɛ la duninya kɛ rɔ.)

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Yasowa 1:2

“Nna wɔli-kɛla Musa ara so-sɛgi-kɛ nyina. Wobɛ Isirɛla mɔgɛnu ni wo rabɛn kaka ka Yorodan bɛ kɛ tɛgɛ. N bi nala nyamanɛ min dila wo ma, wo ni ta wo rɔ.

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.