Yobu 1:21 - ALLALA KUMƐ

²¹ A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yobu 1:21 ပူးပေါင်းရင်းမြစ်များ

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

Ko-Dabirɛnu 30:2

Yakoba diminyara a ma, a ko, “Alla le nde la wa, min bara den-koe tinya i la?”

Ko-Dabirɛnu 45:5

Wo kana wo nyɛrɛ ta-a-la hali ka kilan bawo wo ya n mayira kamasɔrɔn wole gba ma. Alla le ya n nana wo yarɔ yan alako n ni wo niyi lakisi.

2 Samuwɛli 16:12

Tumado Mari si nta tɔrɔyɛ kɛ yen ka ala mɔɛn wo yɛlɛma duwɛ la n ye.”

1 Mansɛnu 12:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Sailo kɛ Nɛbi Ahaya baraka rɔ, wo ni ma tonyɛ la.

2 Mansɛnu 20:19

Mansa Hɛsakaya ya a lɔn kumɛ wo le ma ko ata wati si ma yisi-kimɛ anubɛ lafɛrɛ la. Woletɔ a ya a fɔ nɛbi wo ye ko, “I wara Marita kilayɛ min nakɛ n ma kɛ la, wo kin fasai!”

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yobu 1:11

Kɔnɔ nde lanɛ a la, fan min bɛɛsi ye a bolo wo la, ni i ya wonu bi, ale Yobu si i lafɛya i nyɛrɛ yala serr!”

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yobu 9:12

Alla wa fen bɔ mɔgɛ do bolo, mɔgɔ-wo-mɔgɔ ti ke tɔn sigila a ma. Mɔgɔ-wo-mɔgɔ ti ke a manyinikala ko, “Ile ye nfen kun na kɛ la?”

Yaburi 34:1

N si baraka bira Mari ye tuma-wo-tuma. N ti n tade a tantolɛ ma mumɛ!

Yaburi 34:2

N si a tanto ala kɛwɔli-nyimɛnuna ko la. Minnu bi yakɔrɔ-mamɔɛ rɔ, alamɛ wonu ya anu tole masɔ ka sewa.

Yaburi 39:9

N si n tade don. N ti fenfen fɔ bawo ile nyɛrɛ le ya a ma, n ya tɔrɔya-sufa kɛ sɔrɔn.

Yaburi 49:17

A wa faga, a ti ta ala nɔnfuli wo la a bolo. Anubɛ ala nɔnfuli wo ti ta, ado a si wo to a kɔma.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Makawandili Kumɛnu 5:14

Wo kɔma, a ni nɔnfuli wo don fan do rɔ, fan wo ni kasara a ma, a bolo-kolɔn ni to gbɛ! Hali a si min sigi ala dan ye, wo sa!

Makawandili Kumɛnu 5:15

Bolo-kolɔn ye sɔrɔnna nya min, a bolo-kolɔn ye sɛgila wo nya na le. Hali a ya wɔli-su bɛɛ kɛ, a ti ta wo fenfen na a bolo.

Makawandili Kumɛnu 5:19

Ni Alla ya nɔnfulu-tigiyɛ latɛgɛ mɔgɛ ma, ado a ni a ma, a ni ala nɔnfulu-tigiyɛ wo diya bɔ, mɔgɛ wo ni baraka bira a ye ka sewa a bolo-fen-sɔrɔnnɛ wonu tɔ. Kɔ-fan le wonu na ka bɔ Alla bolo.

Aiseya 24:15

Minnu bi tele-bɔɛ wara la, wonu si a tanto. Minnu siginɛ kɔgɔ-yi dafɛ, wonu si Isirɛlata Mari Alla matɔgɔ.

Aiseya 42:24

Yon ya Isirɛla nyamanɛ latenbi a kankannɛnu ma? Ale Mari nyɛrɛ-nyɛrɛ le ya wo ma, ma ara hakɛ kɛ min na, kɔni. A sɔgɛ ye a la, ma ni ma nya min, ma ma sɔn wo ma. Ma ma sɔn ala karan-bira-koe ma ma bolo filɛ la.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Nimisa Koe 3:38

Alla Min Bi Fan Bɛɛ Kun Na, tɔrɛ anubɛ duwɛ sa bɔla wo le bolo, wa?

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Matiyu 20:15

ado nta wodi le kɛ la, a ma bɛn, wa, n ni n diyana-koe kɛ wo la? I ye keliyɛ kɛla nna foninsereyɛla ko la nfenna?’ ”

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Ɛfɛsa 5:20

Wo ni baraka bira ma Fa Alla ye fan bɛɛla ko la tumɛ bɛɛ. Wo ni baraka bira a ye ma Mari Yisa, Allata-Mɔgɔ-Yabɔnɛ tɔgɛ rɔ.

1 Tɛsalonaika 5:18

Ni ko-wo-ko mara, wo ni baraka bira Alla ye wati bɛɛ, ado Alla ye nyinina wo le ma. Wo ni to wo mala Kirasiti Yisa rɔ.

1 Timoti 6:7

Ma ma na fenfen na ma bolo duninya kɛ rɔ, ado ma ti ke tala fenfen na ma bolo fanan!

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Yemesi 5:11

Ma ye mɔgɔ-munyanɛnu kelela ko mɔgɔ-sewanɛ bawo anu bara anu munyu. Wo ma Yobuta munyu-koe lamɔɛn, ba? Ado nfan, Mari ya Yobu makoe nyinya nya min a laban, wo ma wo lɔn fanan, ba? Wo mara bawo Mari fanɛ kinikinɛ anubɛ hinɛ la.

Ruti 1:21

N bi bɔla yan tumɛ min, fen-siyaman bi n bolo kɔnɔ hɛɛ, Mari ara n bolo-kolon-gbɛ lana yan. Nfen bi a tola, wo ye n kelela ko, ‘Neyomi?’ Nba, Allatala ara a ban nde la ka yakɔrɔ-mamɔɛ kɛ lana nde kuma.”

1 Samuwɛli 2:7

Ale Mari si donu nama-a-la ka donu fanan tabunden. Ale le si donu famayigi ka donu famayɛlɛ.

1 Samuwɛli 2:8

Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”