Yobu 1:20 - ALLALA KUMƐ

²⁰ Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Yobu 1:20 ပူးပေါင်းရင်းမြစ်များ

Ko-Dabirɛnu 37:29

Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

2 Mansɛnu 2:12

Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

2 Ko-Kɔrɔta-Karan 7:3

Isirɛla mɔgɛnu ya tɛ yen bɔla san ma min kɛ, ado Bato-Bon-burɛ lafanɛ wan-takanɛ la, anu ya anu madu dugi ma ka batoli anubɛ tantolɛ di Mari ma ko, “Wo ara a yen Mari kin nya min? Ala keninteyɛ ti ban mumɛ!”

Ɛsira 9:3

Kuma sufa kɛ lamɔɛn n bolo, n ya nna duruki rafara n kan na ka n kun-sigi anubɛ n buyɛ mawurun yisi-tinya bolo. N yisi-tinyanɛ ya n sigi dugi ma.

Yobu 1:19

tiriyɛ wo rɔ, fɔn-belebele nara ka bɔ wulɛ wara la. A ya bɔn lawuya anu kuma ka anu dama faga tɛrr, fɔ nde min kelan kunyɛ bɔra a rɔ!”

Yobu 2:12

Anu tora wula-yan la, anu ya ale Yobu mafiliyanɛ yen kirayɛ bolo. Anu ya a ragbɛ wati min, anu donta diyi-kɛ rɔ ka anuna durukinu tafara yisi-tinya bolo. Wo kɔma, anu ya gbangban yuluyulu anu kunyɛ rɔ.

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Tɔn-Fɔɛ-Fila-Nyɔgɛ 9:18

“Yisi-tinyɛ le ya a ma, n ya n maburun dugi ma ka Mari madiya su bi-nani tele bi-nani kɔrɔ. N ma fen dɔn hali ka n min bawo wola hakɛ ya a ma, Mari fonde bɔra wo kuma.

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

1 Pita 5:6

Nba, wo ni wo famayigi Alla-sɛnbɛmɛ-kɔɛn kɔrɔ, woletɔ a si wo layɛlɛ a wati-latɛgɛnɛ rɔ.