Yobu 1:19 - ALLALA KUMƐ

¹⁹ tiriyɛ wo rɔ, fɔn-belebele nara ka bɔ wulɛ wara la. A ya bɔn lawuya anu kuma ka anu dama faga tɛrr, fɔ nde min kelan kunyɛ bɔra a rɔ!”

Yobu 1:19 ပူးပေါင်းရင်းမြစ်များ

Ko-Dabirɛnu 42:36

Anu fa ya a fɔ anu ye ko, “A sɔgɛ ye wole la, n ni foo nna dan dama la, wa? Yusufu sa tun, Simiyɔn sa tun. A sɔgɛ ye wole la, wo ni ta Bɛnyamɛ fanan na? Tɔrɔyɛ kɛ damasi ara sigi nde le la.”

2 Samuwɛli 18:33

Kumɛ wo ya a ma, mansɛ yisi tinyanta dɔgɔma-ma-de! Mansa Dawuda yɛlɛta tarɛ dɛ kuma ka ta san-bɔn la. A ye tala dila a bolo fɛ. A ye a fɔla ko, “E, nna dan! Nna den Abasalɔm. E, nna den Abasalɔm. Ni nde le fagara i gbɛ rɔ nun, nna den Abasalɔm, ile ni to, wo le di n ye.”

1 Mansɛnu 20:30

Siriya-toenu ya anu buri ka ta Afɛki soe burɔ. Soe wo tarɛ kerita anu kuma. Siriya mɔgɔ waga mogan-ni-wɔrɔnfila (27,000) fagara anu tɔ nyɔ. Mansa Bɛnhedadi ya a buri tala Afɛki soe burɔ. A tara a nyɛrɛ dogon tonke do rɔ bɔn burɔ.

Yobu 1:18

Yanni wo ni a kuman-kan wo laban, kilayɛ do burumatoe nara a fɔ ale Yobu ye tun ko, “Ila dannu bi ladiyɛ kun na anu kɔrɔ warɛ tumɛ min,

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Matiyu 7:27

Banda-wɛ nara. Bɛnu fara. Fɔnyɔ tugura ala bɔn wo ma! Ala bɔn buira fugbu! A rakerikerita iko kolo lamurunɛ!”

Kɛwɔlɛnu 28:4

Nyɔ-dugurannu ya fɔnfɔnɛ dunnɛ yen Pɔli bole la. Anu ya a fɔ anu nyɔgɔn ye ko, “Mɔgɔ-fagalɛ le kei kɛ la feu! Nba, hali a ara kisi kɔgɔ-yi ma kɔnɔ bɛsɛ min bi ko-latelennɛ kun na, wo ti sɔn a ni beli.”

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

Kɛlɛ-Kurugbɛnu 16:30

A ya a fɔ ko, “Hali mabɛ Filisitinu fagara ma nyɔgɔn fɛ, tana ma wo la.” A ya a sɛnbɛ bɛɛ labɔ ka sɛnbɛrɛn-kɔn wonu natuntun. Bɔn wo kerita. A buira anubɛ mansa lolɛ wonu kuma anubɛ mɔgɛ min bɛɛsi ye nyɔ. Samsin-fagamatoe ya mɔgɛ min nyɔgɔn faga wo wati rɔ, wonu siya ata mɔgɔ-faganɛnu ko wo tumɛ a ye a kɛndɛ la.