Yilan-Yilan Koe 8:7 - ALLALA KUMƐ

⁷ Ka anu tabɛn, i ni nde, Marita sɛninya-yi doni bi ka a purupuru anu ma, wo le si anu hakɛ bɔ anu ma. Wo kɔma, anu ni anu nyɛrɛ fɛrɛ mumɛ masii, anubɛ ka anuna kurɛnu ku. Wo ko sawɛ wa ban tumɛ min, anu si sɛninya nde, Mari yala wo rɔ.

Yilan-Yilan Koe 8:7 ပူးပေါင်းရင်းမြစ်များ

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

Yaburi 51:2

I ni n yisi ku alako a ni gbɛ. I ni n yesi ka n hakɛ bɔ n ma.

Yaburi 51:7

N hakɛ bɔ n ma alako n ni gbɛ. N mayesi. N ni gbɛ ka tenbi bɛgi-gbɛ la.

Bɔ-Koe-Iyipiti 19:10

Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku.

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Saraka-Masɔlɛnuta Tɔnnu 15:27

Ni mɔgɛ ya a tugu sofa wo la anubɛ waganɛ wo la, mɔgɛ wo sɛninyani ma, fɔ a ni ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 16:28

Yanni kei wo ni sɛgi a kɔma dagɛ rɔ tumɛ min, a si ala kurɛnu anubɛ a fɛrɛ-bɔnkɛ ku.

Saraka-Masɔlɛnuta Tɔnnu 8:6

Musa ya Aruna anubɛ ala den-keminɛnu sɔ mɔgɛnu yakɔrɔ. A ya a fɔ anu ye ko anu ni anu nyɛrɛ ku iko tɔn ya a fɔ nya min.

Yilan-Yilan Koe 19:13

Mɔgɔ-wo-mɔgɔ min si a bole tugu furi la kɔnɔ wo tigi ma sɔn ko yi kɛ ni kɛ a ma iko tɔn ya a fɔ nya min, wo si a ma iko a ya nde, Marita Fani-Bɔn latinya. Wo si mɔgɛ wo bɔ wo kurun tɔ.

Yilan-Yilan Koe 31:20

Fan minnu nadannɛ gbolo-kolonɛ la wo, baa-siyi la wo, kɔlɔma-malɛsɛnɛ la wo, anubɛ wola kurɛnu, wo ni wonu damasi sɛninya iko tɔn ya a fɔ nya min.”

Yilan-Yilan Koe 8:21

Lifayi bɔnsɔn-mɔgɛnu ya anu nyɛrɛ sɛninya ka anuna kurɛnu ku. Aruna ya anu dantɛgɛ Mari ma ka sarakɛ wo bɛɛ bɔ iko Mari ya a fɔ nya min. Wo le ya a ma, anuna hakɛ yamatogonta.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.

Hiburunu 9:13

Sarama-kan-kɔrɔmɛ wati rɔ, baa-yele wo, tura-yele wo, ninki-den-mintannɛ ta-gbangban wo, wonu purupuruta mɔgɔ-sɛninyabɛlɛnu ma alako anu si sɛninya nya min.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.