Yilan-Yilan Koe 7:10 - ALLALA KUMƐ

¹⁰ Anu ya saraka masɔ tinɛ dantɛgɛ Mari ma tele min nyɛrɛ rɔ, bɔnsɔn-kun-tigi wonu nara kɔ-fannu na saraka masɔ tinɛ yakɔrɔ.

Yilan-Yilan Koe 7:10 ပူးပေါင်းရင်းမြစ်များ

1 Mansɛnu 8:63

Mansa Silamɛni ya ninki waga mogan-ni-fila (22,000) anubɛ saga waga kɛmɛ kelen ani saga waga mogan (120,000) ma yisi-kima-sarakɛnu na. Mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

2 Ko-Kɔrɔta-Karan 7:5

Mansa Silamɛni ya ninki waga mogan-ni-fila (22,000) ma sarakɛ la. Wo kɔma, a ya saga waga kɛmɛ ani saga waga mogan (120,000) ma yisi-kima-sarakɛ la fanan. Ale mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

2 Ko-Kɔrɔta-Karan 7:9

Anu ya tele wɔrɔnfila le bɔ saraka-mintan-tinɛ wo dantɛgɛ tinɛ Mari ma. Anu ya tele wɔrɔnfila le bɔ Lele-Sɔɛ-Ladɛn wara-koe la. Wo tele wɔrɔnfila nyɔgɛ ma, anu ya anuna batolɛ wo kundon.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Nihɛmaya 12:43

Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Yaburi 30:1

Mari, n si i tanto bawo i wara n nakisi. I ya a ma, n yogenu ma yɛlɛn n ma.

Yilan-Yilan Koe 7:1

Musa banta Marita Fani-Bɔn sɔla wati min, a ya dantɛgɛ-tuli do bi ka doni sosa Marila Fani-Bɔn ma anubɛ saraka-mintan-tinɛ anubɛ a miran bɛɛ. A ban, a ya Fani-Bɔn dantɛgɛ Mari ma anubɛ a fɛ-miran mumɛ bɛɛ.

Yilan-Yilan Koe 7:11

Mari ya a fɔ Musa ye ko, “Bɔnsɔn-kun-tigi bɛɛ ni na anuta kɔ-fannu na nde, Mari Alla ye kelen-kelenyɛ ma tele tan-ni-fila kɔrɔ.”

Yilan-Yilan Koe 7:84

Anu nara min dama la, wo bɛɛ lakofunɛ bɛnta wodi-gbɛ ku-musu-kinama tan-ni-fila ma anubɛ wodi-gbɛ ku-musu-dɔgɔmani tan-ni-fila. Wonu dama lakofunɛla gbiliyɛ mani de iko yi kalɔn loli. Anu nara sɛnɛ-yi-lafɛ tan-ni-filɛ minnu na, wo gbiliyɛ mani de iko yi-kilasi nani. Tura-bulun tan-ni-fila wo, saga-yigi tan-ni-fila wo, san-kelen-saga tan-ni-fila wo, anu nara wonu na ka anu ma saraka-mintantɛ la. Anu nara wonubɛ dɛgɛ-munke la anu bolo. Anu nara baa tan-ni-fila la hakɛ-sarakɛla ko la. Anu nara tura mogan-ni-nani la, anubɛ saga-yigi bi-wɔrɔ anubɛ baa bi-wɔrɔ, anubɛ san-kelen-saga bi-wɔrɔ ka wonu ma yisi-kima-sarakɛ la.

Tɔn-Fɔɛ-Fila-Nyɔgɛ 20:5

“Kɛlɛ-kurugbɛ wonu si anuna kɛlɛ-dannu manyinika ka a fɔ ko, ‘Mɔgɛ do ye wo tɛma yan tɔ min bara ban ala bɔn sɔla kɔnɔ a ma a dantɛgɛ wɛ Mari ma? Ni mɔgɛ wo do ye wo tɛma, wo tigi ni sɛgi a warɛ. Ni wo tigi ma sɛgi, a ni ta a kunyɛ to kɛlɛ rɔ, mɔgɔ-gbɛrɛkɛ si ala bɔn wo bi ka a dantɛgɛ Mari ma gbɛ!