Yilan-Yilan Koe 7:1 - ALLALA KUMƐ

¹ Musa banta Marita Fani-Bɔn sɔla wati min, a ya dantɛgɛ-tuli do bi ka doni sosa Marila Fani-Bɔn ma anubɛ saraka-mintan-tinɛ anubɛ a miran bɛɛ. A ban, a ya Fani-Bɔn dantɛgɛ Mari ma anubɛ a fɛ-miran mumɛ bɛɛ.

Yilan-Yilan Koe 7:1 ပူးပေါင်းရင်းမြစ်များ

Ko-Dabirɛnu 2:3

Woletɔ Alla ya ata duwɛ layigi a tele wɔrɔnfila nyɔgɛ wo ma ka wo ma tele-latankanɛ la kamasɔrɔn Alla ya a sulen duninya dan-koe ma wulɔn le.

1 Mansɛnu 8:64

Saraka mintan tinɛ min nadannɛ silɛɛ la, wo dɔgɔ sarakɛ wonuna ko la min kɛ, wo le ya a ma tele wo nyɛrɛ rɔ, mansɛ ya Bato-Bɔn lu-kolo-toe fanan sɛninya alako ka saraka-mintantɛnu nabɔ nyɔ anubɛ fui-fen-sarakɛnu anubɛ kɛɛn min bɔra yisi-kima-saraka-sogenu tɔ.

Bɔ-Koe-Iyipiti 13:2

“A fɔ Isirɛla mɔgɛnu ye ko anu ni anuna den-kei-sarɛ bɛɛ dantɛgɛ nde, Mari ma. Ni musu-wo-musu ya den-kei-sarɛ sɔrɔn, ntɛ le dan wo la, hali a mara anuna kolo-fannuta den fɔlɔtɛ la, a keimɛ, kɔni.”

Bɔ-Koe-Iyipiti 29:36

“Tele-wo-tele, wo si to tura kelen mala sarakɛ la ha tele wɔrɔnfilɛ da ni fa. Anu hakɛ-yamatogon-sarakɛ le turɛ kɛnu na. Wo kɔma, wo si tuli kɛ saraka-mintan-tinɛ wo ma. Wo si a ma worɔ, saraka-mintan-tinɛ fanan ni sɛninya.

Bɔ-Koe-Iyipiti 40:11

I ni tuli do kɛ yi-sigi-miran anubɛ a sigi-fan ma ka wonu sɛninya.

Yilan-Yilan Koe 17:2

“A sɔgɛ ye n na, n ni gbunya-kumɛ ban wo tɛma. A fɔ Isirɛla mɔgɛnu ye ko bɔnsɔn tan-ni-fila kun-tigi kelen-kelennamɛ-bɛɛ ni na anuta kɔrɔ-sɔ-sewurinu na anu bolo. Anu ba na kɔlɔma wonu na tumɛ min, i si bɔnsɔn-kun-tigi kelen-kelan tɔgɔ sɛbɛ ata kɔlɔma ma.

Yilan-Yilan Koe 7:10

Anu ya saraka masɔ tinɛ dantɛgɛ Mari ma tele min nyɛrɛ rɔ, bɔnsɔn-kun-tigi wonu nara kɔ-fannu na saraka masɔ tinɛ yakɔrɔ.

Yilan-Yilan Koe 7:84

Anu nara min dama la, wo bɛɛ lakofunɛ bɛnta wodi-gbɛ ku-musu-kinama tan-ni-fila ma anubɛ wodi-gbɛ ku-musu-dɔgɔmani tan-ni-fila. Wonu dama lakofunɛla gbiliyɛ mani de iko yi kalɔn loli. Anu nara sɛnɛ-yi-lafɛ tan-ni-filɛ minnu na, wo gbiliyɛ mani de iko yi-kilasi nani. Tura-bulun tan-ni-fila wo, saga-yigi tan-ni-fila wo, san-kelen-saga tan-ni-fila wo, anu nara wonu na ka anu ma saraka-mintantɛ la. Anu nara wonubɛ dɛgɛ-munke la anu bolo. Anu nara baa tan-ni-fila la hakɛ-sarakɛla ko la. Anu nara tura mogan-ni-nani la, anubɛ saga-yigi bi-wɔrɔ anubɛ baa bi-wɔrɔ, anubɛ san-kelen-saga bi-wɔrɔ ka wonu ma yisi-kima-sarakɛ la.

Matiyu 23:19

Fiyɔn-bɛrɛbɛrɛ le wole la! Nyamintan tenbira a ta-nyɔgɛ la, kɔ-fan, ka, saraka-bɔ-tinɛ min bi kɔ-fan sɛninyala?