Yilan-Yilan Koe 6:5 - ALLALA KUMƐ

⁵ “Mɔgɔ-wo-mɔgɔ tenbi lanyiri kɛ kɔrɔ, wo kana a kun-sigi matɛgɛ hali ka a buyɛ sii kamasɔrɔn a dantɛgɛnɛ Mari ma. Woletɔ a kun-sigi anubɛ a da-buyɛ si to koloyala tuma-wo-tuma.

Yilan-Yilan Koe 6:5 ပူးပေါင်းရင်းမြစ်များ

Isikiyɛli 44:20

“Saraka-masɔla fenfen kana a kunyɛ sii, ado anu kana anu kunyɛnu nagbiri wɛ kɛ. Bɛɛ ni a kunyɛ matɛgɛ a kila-bɛrɛbɛrɛ fɛ.

Kɛwɔlɛnu 18:18

Pɔli ya tele siyaman bɔ Marita mɔgɛnu fɛ Kɔrɛnti soe burɔ. Wo kɔma, ale wo, Akuwila wo, anubɛ Purusila donta kulɔn rɔ ka ta Siriya nyamanɛ rɔ. Yanni a ni don kulɔn rɔ, a ya a kunyɛ sii Sɛnkariya soe burɔ bawo a ara a dato Alla ye nun.

Kɛlɛ-Kurugbɛnu 13:5

I kana ila dan wo kunyɛ matɛgɛ mumɛ bawo yanni a ni sɔrɔn, a dantɛgɛnɛ Mari ma iko Nansarannu. Ale fɔlɔn si Isirɛla mɔgɛnu kunka ka anu bɔ Filisitinu bolo.”

Kɛlɛ-Kurugbɛnu 16:17

Tɔ-a-la, Samsin ya tonya-kumɛ fɔ a ye ko, “Kebi nde sɔrɔnta ha bi, nde kunyɛ kɛ ma matɛgɛ. Kebi n ma sɔrɔn bɛ, n dantɛgɛnɛ Mari ma iko Nansarannu. Ni mɔgɛ ya n kun-sigi kɛ matɛgɛ, n si foo n sɛnbɛ la.”

Kɛlɛ-Kurugbɛnu 16:19

Dɛlaila ya Samsin sa a kian kuma ha kinɔgɛ tenbira a ma a kian kuma nyɔ. Dɛlaila ya kun-matɛgɛlɛ do kele. Wo nara a soro wɔrɔnfilɛ wonu matɛgɛ. A ya Samsin takele, a ko, “Samsin, Filisitinu bara na de!” Musi wo ya Samsin nɔ bawo a ara foo a fanka la. Samsin kundennɛ, a ya a lɔn ko a sɛnbɛ ye a gbɛ le tɔ. Ale miri ko a wa a lasɔ, a si ke le a rasaganna mɔrɔtɔtɔ, ka yili ratɛgɛ a ma iko fɔlɔ. A ma a lɔn ko Mari ara a boloka.

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”