Yilan-Yilan Koe 5:23 - ALLALA KUMƐ

²³ “Saraka-masɔlɛ ni dankalɛ wo sɛbɛ gbole do ma. A ni gbole wo sa yi-kunanɛ kɔrɔ ka dankalɛ wo ku gbole wo ma.

Yilan-Yilan Koe 5:23 ပူးပေါင်းရင်းမြစ်များ

Yobu 31:35

Mɔgɔ ti sɔn a tole masɔla nna kumɛ la n bi minnu fɔla, wa? N bara min bɛɛsi fɔ kɛ la, a ye mabɛ Alla tɛma ni tonya ma. Alamɛ Alla Sɛnbɛ-Bɛɛ-Tigi ya nna madiyali-kan lamɔɛn. N kuma-nyɔgɛnu bi kumɛ minnu fɔla n kun tɔ, ni wo bɛɛ sɛbɛnɛ le nun, n ni wo yen n yɛ la,

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 51:9

I kolan bɔ n hakɛ la. N sɔn-yogomɛ bɛɛ firan n na feu!

Bɔ-Koe-Iyipiti 17:14

Mari ya a fɔ Musa ye ko, “I ni kɛ sɛbɛ buku do rɔ alako a ni to mɔgɛnu burɔ. A fɔ Yasowa ye ko nde, Mari si Amalɛki mɔgɛnu ban fegba!”

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Yilan-Yilan Koe 5:24

Yanni musi ni yi-ladankanɛ wo min,

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Tɔn-Fɔɛ-Fila-Nyɔgɛ 31:19

Mari ya a fɔ Musa ye tun ko, “I ni bɛti kɛ sɛbɛ. I ni Isirɛla mɔgɛnu karan a la woletɔ a si ma sereyɛ la anu kan ma.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.