Yilan-Yilan Koe 5:18 - ALLALA KUMƐ

¹⁸ A ni musi wo kun-sigi lafulen ka bu-gbɛngbɛnnɛ wo do bi ka a kɛ musi wo bole tɔ. Saraka-masɔlɛ si sɔ musi wo yarɔ bɔnku-dagɛ ye a bolo. Yi-kunɛ wo min si dankɛ lana, wo ye bɔnku-dagɛ wo rɔ.

Yilan-Yilan Koe 5:18 ပူးပေါင်းရင်းမြစ်များ

Hɛnkilimaya-Kumɛnu 5:4

kɔnɔ tɔ-a-la, a si a lakunaya i kuma iko kotuli ka i sanba dumɛ la.

Makawandili Kumɛnu 7:26

N bara koe do yen min gbɛlɛ sayɛ ko. Wo le wo musi la min tɔgɛ musu-milibɛlɛ. A mani de iko gbɛrɛ. A yisi mani de iko fɛlɛ-wɛ. A bole mani de iko yɔlɔkɛ. Allata mɔgɛ le dɔrɔn si a masangba kɔnɔ a ti mɛ hakɛ-tigi wo lasɔrɔnna.

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Saraka-Masɔlɛnuta Tɔnnu 13:45

“Ni saraka-masɔlɛ banta a latɛgɛla mɔgɔ-wo-mɔgɔ ma ko a ma sɛninya, kirayatoe wo si duruku-rafaranɛ don a kan na, a kana a kunyɛ rabɔ. A tenbi tala mɔgɛnu tɛma, a si kura-kundi-fugbɛ do bi ka a burun a sunyɛ anubɛ a dɛ la. A tenbi tala, a si a fɔ ko, ‘Sɛninyabɛlɛ ye nala kɔɔ, sɛninyabɛlɛ ye nala kɔɔ.’

Yilan-Yilan Koe 5:15

Ni tonyɛ ye a rɔ wo, ni tonya sa a rɔ wo, kei wo si ta ala musi wo la saraka-masɔlɛ wara. Kei wo ni ta bu-gbɛngbɛnnɛ pani-kunbɛ-nya fila la a bolo. Kɔnɔ a kana ɔlifi-tuli kɛ a rɔ, ni wo ma, isɛnti kamasɔrɔn sarakɛ le kɛ la kei wo ya min ma bawo a ara sui ala musi ma. A sɔgɛ ye a la ka tonyɛ labɔ gbɛ rɔ.

Yilan-Yilan Koe 5:17

A si yi do bi min dantɛgɛnɛ Mari ma ka a kɛ bɔnku-dagɛ do rɔ. A si gbangban do bi nta Fani-Bɔn bon kole ma ka a kɛ yi wo rɔ.

Yilan-Yilan Koe 5:19

Saraka-masɔlɛ si a fɔ musi wo ye ko, ‘Ni i ma yɛlɛnyɛ kɛ, i ti tɔrɔ danka-yi kɛ bolo.

1 Kɔrɛnti 11:15

Kɔnɔ musila gbiliyɛ le a kun-sigi la bawo Alla ya kun-sigi-yanmɛ di a ma a kunyɛ-yamatogon-koe la.

1 Kɔrɛnti 11:6

Ni musi sa a fɛ ka a kunyɛ yamatogon, a fisa, a ni a kun-sigi matɛgɛ. Kɔnɔ ni musi kunyɛ siinɛ, ni wo ma, a matɛgɛnɛ, miliya-koe le wo la ale ye. A fisa, a ni a kunyɛ yamatogon.

Tɔn-Fɔɛ-Fila-Nyɔgɛ 29:18

Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

1 Samuwɛli 15:32

Anu ke nyɔ, Samuwɛli ya a fɔ anu ye ko, “Wo ta Amalɛkinuna Mansa Ekaki bi, wo ni na a la n bara.” Mansa Ekaki yili-latɛgɛnɛ nara bawo a ya a lɔn ko a ara saya-masibɛ to a kɔma.