Yilan-Yilan Koe 4:34 - ALLALA KUMƐ

^34-48 Iko Mari ya a fɔ Musa anubɛ Aruna ye nya min, Isirɛla mɔgɔ-banu ya Lifayi bɔnsɔn Kohati kebilɛ anubɛ Kɛrisɔn kebilɛ anubɛ Mɛrari kebilɛ tɔgɛnu sɛbɛ. Anu ya kei bɛɛ tɔgɛ sɛbɛ min sɔrɔn ara tenbi san bi-sawa la anubɛ min si ke wɔlɛ kɛla Marita Fani-Bɔn la. Kɔnɔ min sɔrɔn ara tenbi san bi-loli la, anu ma wonu tɔgɛ sɛbɛ. Kohati kebilɛ bɛɛ lakofunɛ bɛnta mɔgɔ waga fila ani mɔgɔ kɛmɛ wɔrɔnfila, ani mɔgɔ bi-loli (2,750) ma. Kɛrisɔn kebilɛ bɛɛ lakofunɛ bɛnta mɔgɔ waga fila ani mɔgɔ kɛmɛ wɔrɔ, ani mɔgɔ bi-sawa (2,630) ma. Mɛrari kebilɛ bɛɛ lakofunɛ bɛnta mɔgɔ waga sawa ani mɔgɔ kɛmɛ fila (3,200) ma. Kebila sawɛ kɛ bɛɛ lakofunɛ, wo le bɛnta mɔgɔ waga segin ani mɔgɔ kɛmɛ loli ani mɔgɔ bi-segin (8,580) ma.

Yilan-Yilan Koe 4:34 ပူးပေါင်းရင်းမြစ်များ

1 Ko-Kɔrɔta-Karan 23:24

Ma ara min madan kɛnu na, Lifayi bɔnsɔn le wonu na iko anuna kebilɛ anubɛ anu bɔnsɔn ye nya min. Anu kebila-kunyɛ le dama tɔgɛ sɛbɛnɛ kɛ la. Anuna kebilɛ rɔ min siyi wa san mogan bɔ, wo si wɔlɛ do sɔrɔn Mari Bato-Bɔn la.

Yilan-Yilan Koe 1:4

Wo ni mɔgɔ-ba kelen-kelennamɛ-bɛɛ kele ka bɔ bɔnsɔn tan-ni-filɛ bɛɛ rɔ alako anu ni wobɛ Aruna dɛnbɛ mɔgɛnu danna.

Yilan-Yilan Koe 3:27

Kohatila dannu Amiram wo, Yisihari wo, Hiburɔn wo, anubɛ Yusiyɛli, wonuta denbayɛ dama lakofunɛ bɛnta mɔgɔ waga segin ani mɔgɔ kɛmɛ wɔrɔ (8,600) ma, kei minnu sɔrɔn ara karɛ kelen bɔ, kɔni.

Yilan-Yilan Koe 4:33

Mɛrari kebilɛta wɔlɛ le ka miran kɛ bɛɛ duni kɔnɔ Arunala dan Itamarayi le kun-tigiyɛ la wɔlɛ kɛ bɛɛ kuma.”