Yilan-Yilan Koe 3:40 - ALLALA KUMƐ

⁴⁰ Mari ya a fɔ Musa ye ko, “Isirɛlata den-kei fɔlɔtɛ bɛɛ min sɔrɔn ara karɛ kelen bɔ, i ni wonu tɔgɛ sɛbɛ.

Yilan-Yilan Koe 3:40 ပူးပေါင်းရင်းမြစ်များ

Yilan-Yilan Koe 3:15

“I ni Lifayi keinu dan ka a dabira anuna kebilɛnu ma ka ta ke anuna denbayɛnu ma fɔ minnu sɔrɔn ma karɛ kelen bɔ wɛ.”

Lankɛnimayɛ 14:4

Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Luka 10:20

Kɔnɔ wo kana sewa bawo nyina-yogomɛnu bi wola kumɛnu birala. Min fisa, wo ni sewa bawo wo ara ma dugurannu na Arinyɛni tɔ.”

Aiseya 4:3

Alla ara ban a latɛgɛla min kɛndɛ si to Yerusalɛm soe burɔ, wonu si kele ko mɔgɔ-sɛnimɛnu.

Yaburi 87:6

Mari wa sibole bɛɛ tɔgɛ sɛbɛ tumɛ min, a si mɔgɛ bɛɛ yatɛ Yerusalɛm kɛ la.

Yilan-Yilan Koe 3:45

“I ni Lifayi bɔnsɔn bɛɛ dantɛgɛ n ma kamasɔrɔn Lifayi bɔnsɔn le ntɛ la Isirɛla den-kei fɔlɔtɛnu gbɛ rɔ. I ni Lifayi bɔnsɔnta ninkinu dantɛgɛ n ma Isirɛla ninki-den fɔlɔtɛnu gbɛ rɔ.

Yilan-Yilan Koe 3:12

“N bara Lifayi bɔnsɔn ma ntɛ la. N ya Iyipiti den-kei fɔlɔtɛ bɛɛ faga tumɛ min, n ya Isirɛla den-kei fɔlɔtɛ bɛɛ bi ka wonu ma ntɛ la anubɛ kolo-fen den fɔlɔtɛnu. Kɔnɔ kaka, n bara Lifayi bɔnsɔn sigi Isirɛla den fɔlɔtɛ wonu gbɛ rɔ ka anu ma ntɛ la. Nde le Mari la. Sɛnbɛ ye nde bolo ka wo bɛɛ kɛ.”

Yilan-Yilan Koe 3:41

I ni Isirɛla den-kei fɔlɔtɛnu damasi kunka Lifayi bɔnsɔn keimɛ bɛɛ la. Anu si ma ntɛ la Isirɛla den-kei fɔlɔtɛnu gbɛ rɔ. Lifayi bɔnsɔnta ninki-den fɔlɔtɛ bɛɛ ni sigi Isirɛla mɔgɛnuta ninki-den fɔlɔtɛ gbɛ rɔ. Wonu si ma ntɛ la fanan. Wo ni nta kuman-kan bira kamasɔrɔn nde le Mari la.”