Yilan-Yilan Koe 3:31 - ALLALA KUMƐ

³¹ Tɔn kenkirɛ wo, tebulu wo, lɛnpu wo, saraka-bɔ-tinɛnu wo, saraka-masɔlɛnu si wɔlɛ miran min bɛɛ la kan-tina-sɛnimɛ rɔ wo, yorolan min si Kan-Tina-Sɛnimɛ yamatogon wo, anubɛ wonu fɛ-fannu, anuna wɔlɛ le ka miran wo bɛɛ lamara.

Yilan-Yilan Koe 3:31 ပူးပေါင်းရင်းမြစ်များ

Bɔ-Koe-Iyipiti 37:1

Bɛsalɛli ya kɔlɔma do bi min tɔgɛ akasiya ka kenkirɛ ladan wo la. A ya ala yanyɛ ma nunkan-nya fila ani a tala. A ya a kɔnɛ ma nunkan-nya kelen ani a tala. A ya a sɔɛ ma nunkan-nya kelen ani a tala.

Bɔ-Koe-Iyipiti 40:30

A ya yi-sigi-miran sigi Fani-Bɔn anubɛ saraka-mintan-tinɛ tɛma ka yi kɛ a rɔ.

Yilan-Yilan Koe 3:30

Yusiyɛlila dan Ilaisefan, wo mara denbayɛ kɛ bɛɛ kun-tigi la.

Yilan-Yilan Koe 3:32

Saraka-masɔlɛ Aruna, wola den Ɛliyasa, kun-tigi le wo la Lifayi bɔnsɔn bɛɛ kuma. A ye kun-tigiyɛ la Kan-Tina-Sɛnimɛ wo wɔli-kɛlɛnu kun na.

Matiyu 5:15

Mɔgɔ ti lɛnpu lamalan ka bɔnku-dagɛ burun a kuma fɔ ka a sigi san ma. A si waan raka mɔgɛ bɛɛ ye bɔn la worɔ.

Tɔn-Fɔɛ-Fila-Nyɔgɛ 10:8

Wo wati rɔ, Mari ya Lifayi bɔnsɔn-mɔgɛnu yabɔ ko anu ni tɔn-kenkirɛ wo fɛ-bira. Anu si ma saraka-masɔlɛnu na. Anu si to Mari anubɛ mɔgɛnu tɛma ka duwa anu ye Mari tɔgɛ rɔ. Wɔli-su wo le anu bolo ha bi.