Yilan-Yilan Koe 3:10 - ALLALA KUMƐ

¹⁰ Kɔnɔ i ni Aruna anubɛ ala dannu yabɔ ka anu ma saraka-masɔla-wɛnu na. Aruna anubɛ ala dannu dɔrɔn ni saraka-sɛnimɛ bɔ mɔgɛ bɛɛ ye. Ni mɔgɔ-wo-mɔgɔ ya a tui ka ma saraka-masɔlɛ la anu denu kɔma, wo tigi si faga.”

Yilan-Yilan Koe 3:10 ပူးပေါင်းရင်းမြစ်များ

2 Samuwɛli 6:7

Mari fonde bɔra Yusa ma. A ya a faga a gbɛ rɔ nyɔ bawo a ara a bole tugu tɔn-kenkirɛ wo la ka a lafɛya.

1 Mansɛnu 12:31

Ale Yɛrabowami ya bɛsi-kɔ-tinɛ donu sɔ fanan kɔnkɛ donu kuma. A ya mɔgɛ donu ma saraka-masɔlɛnu na hali Lifayi bɔnsɔn ma minnu na.

1 Ko-Kɔrɔta-Karan 6:32

Yanni Mansa Silamɛni ni Bato-Bɔn sɔ tumɛ min, bɛɛ kɛnɛna ata wɔlɛ kɛla a wati rɔ Marita Fani-Bɔn wo la.

Nihɛmaya 6:11

N ya a fɔ a ye ko, “Wo mɔgɔ-su ma nde la min bi a burila ka a dogon. Saraka-masɔla ma nde la iko n bi tala n niyi-lakisi-koe rɔ Bato-Bɔn la. N ta-tina ma nyɔ la, ado n ti ta nyɔ mumɛ!”

Bɔ-Koe-Iyipiti 29:9

I ni Aruna anubɛ ala den-keinu butɛ kiri buta-kiri-fannu na ka saraka-masɔ-fulɛnu don anu kunyɛ la. Saraka-masɔ-wɔlɛ si ma habadan-tɔn la anu ye. “I ni Aruna anubɛ ala den-keinu dantɛgɛ nde, Alla ma ka le.

Isikiyɛli 44:8

A bɛnta, anu denu ni wɔlɛ min kɛ nna Bato-Bɔn la, anu ya wɔlɛ wo gbala sibolo-gbɛrɛ wonu bolo la.

Saraka-Masɔlɛnuta Tɔnnu 22:10

“Fɔ minnu bi saraka-masɔlɛnu bɔnsɔnnu tɔ yɛ, wonu denu dɔrɔn si ke sarakɛnu dɔnna. Sundan minnu bi saraka-masɔlɛ warɛ anubɛ wɔli-kɛlɛ minnu bi saraka-masɔlɛ bolo, wonu do-wo-do ti sarakɛ wo dɔn.

Yilan-Yilan Koe 16:10

Mari ara gbiliya-belebele di wo ma. A sɔgɛ ye wo la, wo ni ma saraka-masɔla-kun-tigi-wɛnu na, wa?

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Yilan-Yilan Koe 18:3

Anu si wo dɛnbɛ bɔn kɛwɔlɛnu na dɔrɔn kɔnɔ mɔgɔ-wo-mɔgɔ kana a gbɛrɛn nta bonna-wɔlɛ ma n ma min yabɔ. Anu si wo dɛnbɛ kɔnɔ anu kana anu bole tugu miran-sɛnimɛ fenfen na anubɛ saraka masɔ tinɛ. Ni wo do ya a bole tugu wo fenfen na, wonubɛ ile si faga.

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Yilan-Yilan Koe 3:11

Mari ya a fɔ Musa ye tun ko,

Yilan-Yilan Koe 3:38

Musa ani Aruna anubɛ ala dannu, wonu si anuna fani-bɔnnu sɔ Marita Fani-Bɔn yakɔrɔ tele-bɔɛ wara la. Anuta wɔlɛ le ka Marita Bɔn mumɛ bɛɛ fɛ-bira Isirɛla mɔgɛ bɛɛla ko la. Ni mɔgɔ-wo-mɔgɔ ya a gbɛrɛn Marita Bɔn wo ma anu kɔma, anu si wo tigi faga.

Romu 12:7

Ni matɛ le ka mɔgɛnu dɛnbɛ, ma ni wo ma. Ni karan le, ma ni karan kɛ.

Ɛfɛsa 2:19

Woletɔ wole sibolo-gbɛrɛnu, mɔgɔ-gbɛrɛ ma wo la tun, ado sundan ma wo la tun. Wo ara ma duguran la kaka Allata mɔgɛnu tɛma. Wo ye Allata denbayɛ rɔ gbɛ!

Tɔn-Fɔɛ-Fila-Nyɔgɛ 18:5

Mari Alla ya Lifayi bɔnsɔn-mɔgɛnu yabɔ Isirɛla bɔnsɔn doinu tɛma ka anu denu ma aleta wɔli-kɛlɛnu na.

Hiburunu 8:4

Ni Yisa taranta dugu-kole kɛ kuma ha bi, a ti ma saraka-masɔlɛ la nun bawo saraka-masɔlɛnu bi nyɔ minnu bi sarakɛnu masɔla iko Yahudiyanuna tɔn ye nya min.

Kɛlɛ-Kurugbɛnu 17:5

Maika kɛ, kan-tinɛ do ye a bolo a si ala bɛsɛnu kɔ kan min. Fɔlɔnfalan do lamaranɛ a bolo nyɔ, min manɛ iko saraka-masɔlɛtɛ. Wo kɔma, a ya bɛsɛ do ladan fanan ka wo lamara bɔn wo la. A ya ala dan do yabɔ ka wo ma saraka-masɔlɛ la a nyɛrɛ ye.

1 Samuwɛli 6:19

Mari ya kemini bi-wɔrɔnfila faga Isirɛla mɔgɛnu tɔ Bɛti-Simɛsi soe burɔ bawo anu bara anu yɛ layigi tɔn-kenkirɛ burɔ. Nyɔ-mɔgɛnu dira bawo Mari ara mɔgɔ-siyaman faga anu tɔ.