Yilan-Yilan Koe 28:3 - ALLALA KUMƐ

³ “Saraka-mintantɛ le kɛ la wo si min dantɛgɛ Mari ma. Tele-wo-tele, wo si na saga-yigi fila la wo bolo. Sagɛ wonu si ma san-kelen-sagɛ la fɛɛ sa minnu na.

Yilan-Yilan Koe 28:3 ပူးပေါင်းရင်းမြစ်များ

1 Ko-Kɔrɔta-Karan 16:40

Saraka-masɔlɛ kɛnu tora saraka-gbuinu mintanna sɔgɔma ani wurɛ la iko Mari ya tɔn di Isirɛla mɔgɛnu ma nya min nun.

2 Ko-Kɔrɔta-Karan 8:13

Iko Nɛbi Musata tɔn ya a fɔ nya min, a tora saraka-mintantɛnu bɔla tele-sɛnimɛnu ma, a Sulen-Tele wo, a Karɛ-Kurɛ-Ladɛn wo, a Biredi-Yɛlɛbɛlɛ-Dɔn-Ladɛn wo, a Dɔn-Fen-Kun-Fɔlɛ-Ladɛn wo, anubɛ a Lele-Sɔɛ-Ladɛn.

Ɛsira 3:5

Min sanɛ wo kuma, anu bi saraka-mintantɛ minnu mintanna, anu ya wonu bɔ. Anu bi Karɛ-Kura-Sarakɛ minnu bɔla, anu ya wonu bɔ. Anu si ladiyɛ min bɛɛ kɛ Mari ye, anu ya wonu sarakɛ bɔ. Wo kɔma fanan, anu ya hɛniki-sarakɛnu bɔ.

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Daniyɛli 12:11

“Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Daniyɛli 8:11

Kere wo nyɛrɛ bilara Alla nyɛrɛ la, ale min bi Arinyɛnɛta-kɛlɛ-dannu kun na, kɔni. Anu bi sarakɛ minnu bɔla Alla ye tele-wo-tele, a ya wo tinya. A ya Mari Bato-Bɔn tinya.

Daniyɛli 8:13

Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Saraka-Masɔlɛnuta Tɔnnu 3:5

Anu si yisi-kima-sarakɛ kɛnu bi ka anu sa saraka-mintantɛnu kuma tɛ rɔ. Anu si anu damasi mintan anu nyɔgɔn fɛ. Sarakɛ kɛnu mintan-sumɛ si a diya don Mari rɔ bɛrɛkɛ!

Saraka-Masɔlɛnuta Tɔnnu 6:9

Aruna anubɛ a kebila-mɔgɛ donu ma ko, “Wo si saraka-mintantɛnu sa tɛ rɔ. Anu ni ki mintanna ha banda-ka-dɛ ma. Tɛ wo kana dufen mumɛ!

Emɔsi 4:4

Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.

Yilan-Yilan Koe 28:10

Wo si wo ma saraka-mintantɛ la Mari ye ka to wo sufa mala Sulen-Tele wo Sulen-Tele. Kɛnu si sa tele-wo-tele-sarakɛnu kuma.

Yilan-Yilan Koe 28:15

Wo kɔma, karɛ-wo-karɛ a tele karɛ fɔlɔt, wo si baa-kɔrɔn kelen ma hakɛ-sarakɛ la ka a sa kɛnu kuma.

Yilan-Yilan Koe 28:23

Wo ni kɛnubɛ sɔgɔma-saraka-mintantɛnu bɔ anu nyɔgɔn fɛ.

Yilan-Yilan Koe 28:24

Wo si to sarakɛ kɛnu mintanna tele-wo-tele ha tele wɔrɔnfila da si fa. Wo sumɛ si diya Mari ye worɔ bɛrɛkɛ!

Yilan-Yilan Koe 28:31

Wo kɔma, wo si sarakɛ wonu nyɔgɔn nɔnbɔ-gbɔ-yi bɔ ka a sa tele-wo-tele-sarakɛ wonu kuma.

Yilan-Yilan Koe 28:4

Sɔgɔma, wo si kelen mintan gburr! Suyi rɔ, wo si kelen fanan mintan gburr!

Yilan-Yilan Koe 29:11

Wo wa ban kɛnu bɔla tumɛ min, wo si baa-kɔron fila ma wo hakɛ-sarakɛ la. Hali wo, wo kana nyina ka sɔgɔma-sarakɛ anubɛ wurala-sarakɛ bɔ anubɛ wo nyɔgɔn dɛgɛ-munke-yabasannɛ anubɛ wo nyɔgɔn nɔnbɔ-gbɔ-yi fanan.

Yilan-Yilan Koe 29:16

Wo wa ban kɛnu bɔla tumɛ min, wo si baa-kɔrɔn kelen bɔ. Hali wo, wo kana nyina ka sɔgɔma-sarakɛ anubɛ wurala-sarakɛ bɔ anubɛ wo nyɔgɛ dɛgɛ-munke-yabasannɛ anubɛ wo nyɔgɛ nɔnbɔ-gbɔ-yi fanan ka ma wo hakɛ-sarakɛ la.

Yilan-Yilan Koe 29:6

Wo tenbi tele-wo-tele-sarakɛ bɔla, wo si karɛ tele fɔlɔtɛ sarakɛ sa wo kuma. Wo kɔma, wo si Buri-Fɛ-Ladɛn-Sarakɛ kofu wo ma.

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Hiburunu 9:6

Wonu bɛɛ siginɛ fani-bɔn burɔ a kilɛ fɛ tumɛ min, saraka-masɔlɛnu si don fani-bɔn dinkira-fɔlɔtɛ wo burɔ tele-wo-tele ka anuta wɔlɛ kɛ nyɔ.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (