Yilan-Yilan Koe 26:53 - ALLALA KUMƐ

^53-56 “Wo ni nyamanɛ tala bɔnsɔnnu tɛma koron-nakɛ fɛ iko anu siya nya min. Bɔnsɔn min siya, nyamani-kinamɛ si to wonu ye. Bɔnsɔn min ma siya, nyamani-dɔgɔmɛ si to wonu ye.”

Yilan-Yilan Koe 26:53 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

1 Ko-Kɔrɔta-Karan 16:18

A ko a si Kenan nyamanɛ kɛ di ma ma. A ko nyɔ si ma matɛ la habadan!

Yaburi 105:44

A ya sibolo-gbɛrɛnuna dugi di ala mɔgɛnu ma. A ya a ma, anu ya anuna sɛni sa tinɛnu bi anu bolo.

Yaburi 49:14

Anu bi fagala le iko sagɛ. Lakira si anu makandan. Lakira min fɛ-yan anu barɛ la, anu si tuli nyɔ rɔ tiriya! Kɔnɔ mɔgɔ-telennɛ minnu bi nala yarɔ, wonu si na fanka sɔrɔn anu kuma.

Isikiyɛli 47:22

A ni ma wo halala-nyamanɛnu na tolon! Sibolo-gbɛrɛ minnu siginɛ wo tɛma, ado min bara dannu sɔrɔn wo tɛma nyɔ, wonu fanan ni anuta nyamanɛ sɔrɔn. Wo ni anu bira iko wo ye Isirɛla mɔgɛnu birala nya min. Wonubɛ Isirɛla mɔgɛnu ni korɔn lakɛ wo nyɔgɔn tɛma ka dugi ratala.

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Yilan-Yilan Koe 26:52

Mari ya a fɔ Musa ye ko,

Yilan-Yilan Koe 33:54

Wo si nyamanɛ wo tala koron-nakɛ fɛ iko wo bɔnsɔn koloyanɛ ye nya min. Ni wola mɔgɔ-banu ya nyamanɛ wo do di minnu ma, wo si ma wonu halalɛ la.

Matiyu 5:5

Mɔgɔ-sewanɛ le wo mɔgɛ la min famayiginɛ Alla ye bawo Alla si duninya bɛɛ ma atɛ la!

Yasowa 1:6

I ni i yisi gbɛlɛya ka i kerinteya. I si sɔ mɔgɛnu yarɔ ka ma anuna kɛlɛ-den-kun-tigi la. N ya nyamanɛ min di wo benbanu ma, i si mɔgɛnu gben nyɔ rɔ.

Yasowa 11:23

Yasowa ya nyamanɛ wo bɛɛ bira-a-la iko Mari ya a fɔ Musa ye nya min nun. Yasowa ya nyamanɛ wo bɛɛ ratala Isirɛla kebilɛnu na. Wo kɔma, anu ya anu sulen kɛlɛ-kɛ ma.

Yasowa 14:1

Yasowa anubɛ Saraka-Masɔla-Kun-Tigi-Wɛ Ɛliyasa anubɛ Isirɛla bɔnsɔn kebila-kun-tigi, wonu ya Kenan nyamanɛ fara Isirɛla mɔgɛnu tɛma ka le.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 5:10

I wara anu ma sibole anubɛ saraka-masɔlɛnu na minnu si wɔli mata Alla ye, ado anu si kun-tigiyɛ kɛ dugu-kole kuma.”