Yilan-Yilan Koe 26:11 - ALLALA KUMƐ

¹¹ Kɔnɔ Korata den-keminɛnu ma faga anu fɛ wati wo rɔ. Mɔgɛ kɛnu wara-koe mara kawandili-ba la Isirɛla mɔgɛnu tɛma.

Yilan-Yilan Koe 26:11 ပူးပေါင်းရင်းမြစ်များ

Bɔ-Koe-Iyipiti 6:24

Yisiharila dan Kora wo ya den-kei sawɛ min sɔrɔn, wonu tɔgɛ le kɛnu na, Asiri wo, Ɛlakena wo, anubɛ Abiyasafi. Korata dannu bɔnsɔn le wonu na.

Yaburi 49:1

N bi kumɛ min fɔla, duninya-mɔgɛ bɛɛ ni a tole masɔ kɛ la.

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Yaburi 47:1

Mɔgɛ bɛɛ ni lɛnkɛ gbesi ka sewa. Wo ni Alla-tanto-bɛtinu bɔ wo sɛbɛ-kuna-wɛ la.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 45:1

N bi n mirila bɛti kɛ ma mansɛla ko la tumɛ min, kuma-nyimɛnu ya n sɔndɔmɛ lafa. N nagankuri mara iko sɛbɛli-kalɛ tenbi sɛbɛli-kɛla-nyimɛ bole la.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 42:1

E, Alla, iko yi-kimani-sɔgɛ si woyan bira nya min, i sɔgɛ si n bira wo nya na le.

Tɔn-Fɔɛ-Fila-Nyɔgɛ 24:16

“Wo kana denbɛnu faga anuna dannuna ko-yogomɛnuna ko la. Wo kana dannu fanan faga anu sɔrɔnnɛnuna ko-yogomɛla ko la. Wo ni mɔgɛ bɛɛ bira a nyɛrɛta ko-yogoma-yili la.

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Yilan-Yilan Koe 16:32

ka anu kɛndɛ lakunu anubɛ anuna denbayɛ anubɛ anu bolo-fan damasi. Korata wɔli-kɛlɛnu fanan taranta anu tɛma. Wo kɔma, dugu-dɛ latogonta anu ma. Anu tununta yen!

Yilan-Yilan Koe 26:12

Simiyɔn ya den-kei mɔgɔ loli sɔrɔn. Wonu tɔgɛ le Nɛmuwɛli, Yamin, Yakin, Seraha, anubɛ Sala. Simiyɔn bɔnsɔn bɛnta mɔgɔ waga mogan mɔgɔ waga fila ani mɔgɔ kɛmɛ fila (22,200) ma.

Tɔn-Fɔɛ-Fila-Nyɔgɛ 11:6

A ya min ma Rubɛn bɔnsɔn-mɔgɔ filɛ do la, Ɛliyabula dannu, Datan anubɛ Abairam, wo ya wo yen. A ya dugu-dɛ laka anu kɔrɔ. Dugi ya wonu nakunu anubɛ anuna denbayɛnu anubɛ anuna bɔnnu anubɛ anu bolo-fan bɛɛsi mɔgɛ bɛɛ yala.

1 Ko-Kɔrɔta-Karan 6:7

Mɛrayoti ya Amaraya sɔrɔn. Amaraya ya Ahituba sɔrɔn.

1 Ko-Kɔrɔta-Karan 9:19

Salumu kɛ, Kɔri sɔrɛ do le ale la. Ibayasafi ya Kora sɔrɔn. Kora ya Salumu sɔrɔn. Salumu kɛnubɛ Kora sɔrɛ donu, wonuta wɔli le Bato-Bon don-da-makandan la iko anu benbanu ya Fani Bon dɛ makandan nya min nun.