Yilan-Yilan Koe 24:9 - ALLALA KUMƐ

⁹ Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

Yilan-Yilan Koe 24:9 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 49:9

Yuda, i bɔnsɔn si ma iko yara-bulan min si mansayɛ kɛ soge bɛɛ kuma. A wa ta soge bira, a ni na a la faran la ka a dɔn saa! A wa ban a dɔnna tumɛ min, a si a nyɛrɛ rasagan nyaratata ka a sa. Sogo-wo-sogo ti sisi a la.

2 Ko-Kɔrɔta-Karan 9:18

Kin-pogoron wɔrɔ tɛgɛnɛ ye yɛlɛla anu nyɔgɔn kuma ka ke mansaya-waganɛ wo ma. Kin sa tinɛ kankannɛ waganɛ wo ma. Sɛnɛ sanɛ wo fanan ma. Yarɛla muninya tan-ni-fila ladannɛ yɛlɛla kin-sɔ-tina wɔrɛ wo tɔnkɔn filɛ bɛɛ ma. A kɔɛn filɛ sa tinɛ tɔnkɔn rɔ, yarɛla muninyɛ ladannɛ wonu fanan ma. Ala mansaya-waganɛ wo nyɔgɔn sa mansa-wo-mansa bolo duninya rɔ fɔ ale kelen pe.

Ɛsita 6:13

A tara a dantɛgɛ ala musi anubɛ a diyana-mɔgɛnu ye. Ala musi anubɛ a diyana-mɔgɛnu ya a fɔ a ye ko, “I wara fɔlɔla foola Mɔdekɛyai kɛ la le kɛ la, ado Yahudiya le ale la. I don ti a nɔ mumɛ!”

Yobu 41:10

Yon bi nyɔ min ti kilan ninkinankɛ wo lakundenna? Ni mɔgɔ ti ke wo mala, yon si sisi a sɔla nde, a dannɛ yakɔrɔ worɔ?

Yaburi 122:6

Wo ni madiyali kɛ alako yisi-kimɛ ni don Yerusalɛm soe burɔ. A di minnu ye, alamɛ wonu mara-a-la.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Bɔ-Koe-Iyipiti 23:22

Kɔnɔ ni wo ya wo tolo masɔ a kuman-kan la ka a latɔnbagaya, wo yogenu si ma n yogenu na. Wo kɛlɛ-nyɔgɛnu si ma n kɛlɛ-nyɔgɛnu na.

Aiseya 31:4

Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Yilan-Yilan Koe 22:12

Alla ya a fɔ Belam ye ko, “I kana ta mɔgɛ kɛnu fɛ hali! I kana Isirɛla mɔgɛ wonu danka mumɛ, bawo nta duwɛ ye anu fɛ.”

Yilan-Yilan Koe 22:6

A sɔgɛ ye n na, i ni na ka mɔgɛ kɛnu danka n ye. Ni i ya wo ma, tumado ma si mɔgɛ kɛnu nɔ ka anu gben. N ya a lɔn ko ni ile ya mɔgɛ minnu danka, wonu si taran dankɛ kɔrɔ. Ni i duwara minnu ye, duwɛ si to yigila wonu kuma.”

Yilan-Yilan Koe 23:24

Isirɛla mɔgɛ kɛnu mani de iko yara-yuwan. A ti a sulen fɔ a buyi wa fa. Ni a ya min faga, fɔ a wa ban wo yele manɛla.”

Yilan-Yilan Koe 24:10

Mansa Balaki ya a bole lagbu yisi-tinya bolo. A ya a fɔ Nɛbi Belam ye ko, “N ya ile kele ko i ni n yogenu danka n ye. Kɔnɔ a sawa nyɔgɛ le kɛ la gbɛ, i ye duwala anu ye.

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 25:45

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ma wo ma wo la min kɛ, wo ma a ma nde le la wo la!’

Kɛwɔlɛnu 9:5

Sɔli ya nyinikalɛ kɛ ko, “N fa, yon bi ile la?” Kuman-kan wo ko, “Yisa le nde la, i ye min tɔrɔla.

Tɔn-Fɔɛ-Fila-Nyɔgɛ 30:7

Alla si wola dankali-yogomɛ wo yɛlɛma ka a lasɛgi wo yogenu ma minnu ya wo bira boloko-yogomɛ-kɛ.