Yilan-Yilan Koe 22:6 - ALLALA KUMƐ

⁶ A sɔgɛ ye n na, i ni na ka mɔgɛ kɛnu danka n ye. Ni i ya wo ma, tumado ma si mɔgɛ kɛnu nɔ ka anu gben. N ya a lɔn ko ni ile ya mɔgɛ minnu danka, wonu si taran dankɛ kɔrɔ. Ni i duwara minnu ye, duwɛ si to yigila wonu kuma.”

Yilan-Yilan Koe 22:6 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

1 Mansɛnu 22:13

Mansa Ehabu ya kilayɛ min nata Nɛbi Mɛkaya kele tinɛ, wo ya a fɔ a ye ko, “N ya a to, nɛbi doinu bi a fɔla ko Mansa Ehabu si nɔ-ko sɔrɔn kɛlɛ rɔ. Ile fanan ni kuma kelan wo le fɔ de!”

1 Mansɛnu 22:6

Wo le ya a ma, Mansa Ehabu ya ala nɛbi mɔgɔ kɛmɛ nani nyɔgɔn sufa kele ka wonu manyinika, a ko, “N ni ta Ramɔti kɛnu kɛlɛ, ka, n ka ta?” Nɛbi wonu ko, “Ta anu kɛlɛ. Mari si a ma, i ni nɔ-ko sɔrɔn anu ma.”

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

Nihɛmaya 13:2

Wo sɛbɛra bawo Isirɛla mɔgɛnuna bɔɛ Iyipiti, mɔgɛ kɛnu ma sɔn dɔn-fan anubɛ yi dila anu ma. Min sanɛ wo kuma, anu ya Belam sara ko a ni Isirɛla mɔgɛnu danka kɔnɔ mata Alla ya dankɛ wo yɛlɛma duwɛ la.

Yaburi 109:28

Anu si to n dankala kɔnɔ ita duwɛ si to yigila n kuma. Minnu bi n kan ma, alamɛ wonu yarabira pɔ! Alamɛ nde, ita wɔli-kɛlɛ sewara.

Hɛnkilimaya-Kumɛnu 26:2

Iko kona ye tenbila mɔgɛnu kuma nya min ka ta a ye pon, mɔgɛ min ma ko tinya, ni i ya wo danka, dankɛ wo fanan bi tenbila wo kuma wo nya na le fɛlɛlɛ!

Isikiyɛli 13:6

Anuna ko-rayirɛ anubɛ anuna wɔlɔyiya-kumɛnu, wo bɛɛ foninya-kuma. Anu kɛnɛna nyɛrɛmankola-kumɛnu fɔla ko nde, Mari le ya anu sɔ. Kɔnɔ anu denu mirinɛ ko anu kan wo si bɔ-a-la.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Yilan-Yilan Koe 22:12

Alla ya a fɔ Belam ye ko, “I kana ta mɔgɛ kɛnu fɛ hali! I kana Isirɛla mɔgɛ wonu danka mumɛ, bawo nta duwɛ ye anu fɛ.”

Yilan-Yilan Koe 22:17

I wa ta tumɛ min, a si fen-siyaman di i ma. I ya a manyinika fenfenna ko la, a si wo kɛ i ye.” A ko, “I yandi, i ni ta mɔgɛ wonu danka a ye.”

Yilan-Yilan Koe 23:13

Hali wo, Mansa Balaki yisi ma kima. A ya a fɔ Nɛbi Belam ye tun ko, “Ma ni ta kan-tina-gbɛrɛ i si Isirɛla tɔnkɔn donu yen kan min. I si ke anu dankala n ye nyɔ le.”

Yilan-Yilan Koe 23:27

Balaki ya a fɔ a ye tun ko, “Bila n fɛ. Ma ni ta kan-tina-gbɛrɛ. Tumado Mari si a ma, i ni mɔgɛ kɛnu danka n ye nyɔ.”

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

Kɛwɔlɛnu 16:16

Lunyɛ do, ma ye tala Alla matara tinɛ tumɛ min, mabɛ yɔɔn-sunkurɔn do bɛnta nyina-yoge ye min fɛ. Wo ara ma nya-nyini-kɛlɛ la mɔgɛ do bolo. A ya wodi siyaman sɔrɔnna a tiginu ye nya-nyini-kɛ wo fɛ.

Tɔn-Fɔɛ-Fila-Nyɔgɛ 23:4

bawo wo ye tagamana ka bɔ Iyipiti nyamanɛ rɔ, anu ma sɔn dɔntɛ anubɛ yi dila wo ma. Min sanɛ wo kuma, anu ya Beyorila dan Nɛbi Belam kele ka bɔ Petori soe burɔ Babilɔn nyamanɛ rɔ pon! Anu ya a sara wole Isirɛla mɔgɛnu danka-koe la.

Yasowa 24:9

Mansa Balaki min bi Mohabu nyamanɛ rɔ, wo ya kɛlɛ lawuli wole, Isirɛla mɔgɛnu kan ma. Mansɛ wo ya a fɔ Beyorila den Belam ye ko a ni Isirɛla mɔgɛnu danka.

1 Samuwɛli 17:43

A ya a fɔ Dawuda ye ko, “Kɔlɔma wo ye i bolo nfenna? I miri ko wuli le nde la?” A ya Dawuda gboro ala bɛsɛnu tɔ.