Yilan-Yilan Koe 22:5 - ALLALA KUMƐ

⁵ Mansa Balaki ya mɔgɔ-ba donu nata Beyorila dan Belam kele tinɛ. Belam siginɛ Petori soe burɔ min bi Yufereti bɛ dala Amɔ nyamanɛ rɔ. Mansa Balaki ya sarakanɛ kɛ lata ko, “A sɔgɛ ye n na, i ni a lɔn ko mɔgɛ donu bɔra Iyipiti. Mɔgɛ wonu denu bara nyɛnsɛn kan tinɛ kɛ bɛɛsi rɔ, ado a manɛ iko anu bi nyamanɛ kɛ bɔla ma bolo.

Yilan-Yilan Koe 22:5 ပူးပေါင်းရင်းမြစ်များ

Ko-Dabirɛnu 13:16

N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Yaburi 105:24

Mari ya den-siyaman di ala dannu ma nyɔ rɔ. A ya anu tagbɛlɛya ka tenbi anu yogenu na.

Bɔ-Koe-Iyipiti 10:15

Anu ya dugi bɛɛsi kumafin siyayɛ bolo. Anu ya nyɔ ki-fan anubɛ yanba-kunyɛ bɛɛsi dɔn banda-kole ya minnu to nun. Hali yanba-kun kelan ma to Iyipiti nyamanɛ wo fenfen tɔ.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Yilan-Yilan Koe 23:7

Belam donta wɔlɔyiya-kuma-fɔɛ rɔ. A ko, “Mohabu Mansɛ Balaki ara na n na ka bɔ Siriya nyamanɛ rɔ tele-bɔɛ wara la kɔnkɔ-nyamanɛ rɔ. A ya a fɔ n ye ko n ni na kuma ale ye. N ni Isirɛla mɔgɛnu danka ale ye.

Tɔn-Fɔɛ-Fila-Nyɔgɛ 23:4

bawo wo ye tagamana ka bɔ Iyipiti nyamanɛ rɔ, anu ma sɔn dɔntɛ anubɛ yi dila wo ma. Min sanɛ wo kuma, anu ya Beyorila dan Nɛbi Belam kele ka bɔ Petori soe burɔ Babilɔn nyamanɛ rɔ pon! Anu ya a sara wole Isirɛla mɔgɛnu danka-koe la.

Tɔn-Fɔɛ-Fila-Nyɔgɛ 23:5

Hali wo, wota Mari Alla ma sɔn Nɛbi Belamta dankɛ ma. A ya ata dankɛ wo yɛlɛma duwɛ la bawo a ya wole Isirɛla mɔgɛnu keni.

Yasowa 13:22

Isirɛla mɔgɛnu ya Beyorila dan Belam faga min bi duriyɛ kɛla nun. Yorodan bɛ mara Rubɛn nyamani-dan la tele-yigi wara la.

Yasowa 24:9

Mansa Balaki min bi Mohabu nyamanɛ rɔ, wo ya kɛlɛ lawuli wole, Isirɛla mɔgɛnu kan ma. Mansɛ wo ya a fɔ Beyorila den Belam ye ko a ni Isirɛla mɔgɛnu danka.

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.