Yilan-Yilan Koe 22:3 - ALLALA KUMƐ

³ wo ya a ma, anubɛ ala mɔgɛnu kilanta dɔgɔma-ma-de, ha anu kumakɔra.

Yilan-Yilan Koe 22:3 ပူးပေါင်းရင်းမြစ်များ

Nihɛmaya 13:2

Wo sɛbɛra bawo Isirɛla mɔgɛnuna bɔɛ Iyipiti, mɔgɛ kɛnu ma sɔn dɔn-fan anubɛ yi dila anu ma. Min sanɛ wo kuma, anu ya Belam sara ko a ni Isirɛla mɔgɛnu danka kɔnɔ mata Alla ya dankɛ wo yɛlɛma duwɛ la.

Yaburi 53:5

Kɔnɔ karagbɛlɛnu si yɛrɛyɛrɛn kumakɔɛ bolo, hali a ma anu kumakɔ-kunya bɔ bawo Alla si a diyana-mɔgɛnu yogenu tanyɛnsɛn. Alla ara a ban anu na min kɛ, Isirɛla mɔgɛnu si anu nɔ feu!

Bɔ-Koe-Iyipiti 1:12

Kɔnɔ anu tara Isirɛla mɔgɛnuna tɔrɔyɛ makofula nya min, Isirɛla mɔgɛnu tora siyayala wo nya na le. Anu warata ha Isirɛla mɔgɛnuna mɔninyɛ ya Iyipiti kɛnu bira.

Bɔ-Koe-Iyipiti 15:15

Idɔm kɛnu si kilan ha ka a dan-natenbi. Mohabu mɔgɔ-banu si yɛrɛyɛrɛn. Kenan kɛnu mankulan si bɔ anu ma kilan bolo.

Bɔ-Koe-Iyipiti 23:27

“N si wo yogenu takilan wo yarɔ. Anu kɔndɔ si fili pirikali! Wo yoge bɛɛ si anu buri wo kɔrɔ.

Aiseya 23:5

Iyipiti kɛnu ba a lamɔɛn ko Taya soe ara tii, anu yisi si tɔrɔ anu ma.

Tɔn-Fɔɛ-Fila-Nyɔgɛ 2:25

Ka a dabira bi ma, Mari si a ma, duninya-mɔgɛ bɛɛ si kilan wo la. Anu ba wo tɔgɛ lamɔɛn tumɛ min, anu si yɛrɛyɛrɛn.’ ”

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 9:24

Kibiyon mɔgɛnu ya Yasowa yabi ko, “Ma ya wo yanfa bawo ma kilannɛ ma niyi kuma. Ma ya a lɔn ko Mari Alla ara Nɛbi Musa lawuli nun ka nyamanɛ kɛ bɛɛ di ile ma ka a mɔgɛ bɛɛsi faga wo yarɔ. Woletɔ ma ya kɛ bɛɛsi ma.