Yilan-Yilan Koe 22:12 - ALLALA KUMƐ

¹² Alla ya a fɔ Belam ye ko, “I kana ta mɔgɛ kɛnu fɛ hali! I kana Isirɛla mɔgɛ wonu danka mumɛ, bawo nta duwɛ ye anu fɛ.”

Yilan-Yilan Koe 22:12 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

2 Ko-Kɔrɔta-Karan 31:10

Sedoki bɔnsɔn do le Saraka-Masɔla-Kun-Tigi-Wɛ Asaraya la. Wo ya a fɔ mansɛ ye ko, “Mɔgɛnu bara na kɔ-fan minnu na Bato-Bɔn kɛ la, ma si a dɔn-siyaman kɛ, ado a toe si to. Kɛ damasi nara bawo Mari ara ata duwɛ layigi ala mɔgɛnu kuma.”

Yaburi 144:15

Mɔgɔ-sewanɛ le wo mɔgɛ la, min bi duwa-sufa kɛ sɔrɔnna. Mɔgɔ-sewanɛ le wo mɔgɛ la minna Alla bɛnnɛ Mari ma.

Yaburi 146:5

Mɔgɔ-sewanɛ le mɔgɛ wo la, Yakobata Alla ye min dɛnbɛna, ado a yigi bɛnnɛ ata Mari Alla le ma.

Aiseya 61:9

A ko wola dannu si ma mɔgɔ-malɔnnɛ la duninya bɛɛ rɔ. Wo mamanɛnu fanan ma si lɔn kan tinɛ bɛɛ rɔ. Mɔgɔ-wo-mɔgɔ ya anu yen, wo si a lɔn yati, ko Allata duwɛ ye anu fɛ.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Yilan-Yilan Koe 22:11

mɔgɛ donu bara na ka bɔ Iyipiti nyamanɛ rɔ. A ko wonu denu ta ara tii mala nyamanɛ kuma pu! A sɔgɛ ye mansɛ wo la ko nde ni mɔgɛ wonu danka ale ye alako a ni ke mɔgɛ wonu kɛlɛla ka anu gben.”

Yilan-Yilan Koe 22:13

Banda kara tumɛ min, Belam ya a fɔ kilayɛnu ye ko, “Wo sɛgi wo warɛ. Mari ma sɔn ko n ni bila wo fɛ.”

Yilan-Yilan Koe 22:6

A sɔgɛ ye n na, i ni na ka mɔgɛ kɛnu danka n ye. Ni i ya wo ma, tumado ma si mɔgɛ kɛnu nɔ ka anu gben. N ya a lɔn ko ni ile ya mɔgɛ minnu danka, wonu si taran dankɛ kɔrɔ. Ni i duwara minnu ye, duwɛ si to yigila wonu kuma.”

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Yilan-Yilan Koe 23:3

Wo kɔma, Belam ya a fɔ Mansa Balaki ye ko, “I sɔ ila sarakɛ kɛnu dafɛ ka n makɔnɔ anu tɔgɔfɛ. N ni ta n dan na. Tumado Mari si kuma n na. N ni a lɔn a ye nala min fɔla n ye. A ya fenfen fɔ n ye, n si a ma, i ni wo lɔn.” Ale kelen pe yɛlɛta a ma a dan na.

Yilan-Yilan Koe 23:8

Kɔnɔ nde si mɔgɛ kɛnu danka kama Alla ma minnu danka? Nde si kuma-yogomɛ fɔ mɔgɛ kɛnu ma kama, ni Alla ma min fɔ anu denu ma?

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Tɔn-Fɔɛ-Fila-Nyɔgɛ 2:7

“Wo ni wo miri wo ara koe min bɛɛsi ma ko wota Mari Allata duwɛ tora wo kuma wonu tɔ. A ya wo fɛ-bira ka wo kandan wo tumɛ wo ye wula-da-rakolɔn rɔ. San bi-nanɛ kɛ mumɛ bɛɛsi kɔrɔ, wo ye nyinina min bɛɛsi ma, a ya wonu di wo ma.

Tɔn-Fɔɛ-Fila-Nyɔgɛ 23:5

Hali wo, wota Mari Alla ma sɔn Nɛbi Belamta dankɛ ma. A ya ata dankɛ wo yɛlɛma duwɛ la bawo a ya wole Isirɛla mɔgɛnu keni.

Tɔn-Fɔɛ-Fila-Nyɔgɛ 28:6

“Wo tara kan-bo-kan hali tagama-kilɛ ma, wo ye Marita duwɛ kɔrɔ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

Tɔn-Fɔɛ-Fila-Nyɔgɛ 7:14

Sibolo mumɛ sa duninya rɔ min si duwa-su-kɛnu sɔrɔn iko wole. Wo do-wo-do gbandɛ ti to, hali wola kolo-fannu.