Yilan-Yilan Koe 2:2 - ALLALA KUMƐ

² “Isirɛla mɔgɛ bɛɛ ni anuta sigi tinɛ sɔrɔn nta Fani-Bɔnla minɛ rɔ. Anu kana gbɛrɛn nta bɔn ma bɛrɛkɛ! Bɔnsɔn bɛɛ anubɛ kebila kelen-kelennamɛ-bɛɛ ni ata tamasere sɔrɔn.

Yilan-Yilan Koe 2:2 ပူးပေါင်းရင်းမြစ်များ

Yaburi 74:4

A lawɔyɔ-nya mafɛlɛn de i yogenu bolo i Bato-Bɔn la. Anu bi a fɔla ko anu bara nɔ-ko sɔrɔn. Anu ya anuna falafalɛnu layɛlɛ san ma min si a yira ma la ko anu bara nɔ-ko sɔrɔn ma ma.

Yaburi 76:11

Ni i ya min di-koe fɔ ita Mari Alla ma, i ni wo di a ma. Wole sibolo-gbɛrɛ minnu gbɛrɛnnɛ Isirɛla ma, wo ni na kɔ-fannu na a ye. Alla ye a mala, mɔgɛ bɛɛ ye kilanna a la.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 18:3

Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Isikiyɛli 43:7

“Ile hadama-dan, nta mansaya-waganɛ le bɔn kɛ la. N si sigi yan Isirɛla mɔgɛnu tɛma ka to anu kun na yan tolon! Ka bɛsɛnu kɔ wo, ka anuna mansɛnu togon yan bara la wo, wo do-wo-do ti n tɔgɔ-sɛnimɛ lafɛya tun, a mara a Isirɛla mɔgɔ la wo, a mara a mansa la wo.

Sakaraya 9:16

Wo tele nyɛrɛ wa na, Mari wota Alla si wole, ala mɔgɛnu nakisi iko saga-fɛ-biralɛ si ala sagɛnu nakisi nya min. Wo si malan ata nyamanɛ kuma iko kuru-da-gbɛlɛmɛnu.

Yilan-Yilan Koe 1:50

bawo wo si nta Fani-Bɔn-wɔlɛ di anu ma. Anu si nyɔ-miran bɛɛ kandan minnu bi nta Fani-Bɔn burɔ anubɛ minnu bi kata burɔ. Isirɛla mɔgɛnu tenbi tala kan-bo-kan, anuta wɔlɛ le wo la ka nta bɔn wo maduni. Anu si nta Fani-Bɔn wayan ka ta a sɔ tun. Ni Isirɛla mɔgɔ-wo-mɔgɔ ya a gbɛrɛn nta Fani-Bɔn wo ma, ni Lifayi mɔgɔ ma min na, wo si wo tigi faga serr! Lifayi mɔgɛnu denu dɔrɔn si anu daga makɛ nna bɔnla foolɛ rɔ.

Yilan-Yilan Koe 10:14

Anu tara ka le. Yuda bɔnsɔn fɔlɔn sɔra yarɔ anuta tamasere wo kɔrɔ. Aminadabula dan Neson wo le kun-tigi la Yuda bɔnsɔn kun na.

Yilan-Yilan Koe 10:18

Rubɛn bɔnsɔn tugunta Kɛrisɔn anubɛ Mɛrari kebilɛ la Marita Fani-Bɔn kɔma ka ta. Sɛdiyala dan Ɛlisa, wo le kun-tigi la Rubɛn bɔnsɔn kun na.

Yilan-Yilan Koe 10:22

Ifɛrɛm bɔnsɔn bilara Kohati kebilɛ fɛ. Amihudila dan Ilasama, wo le kun-tigiyɛ la Ifɛrɛm bɔnsɔn kun na.

Yilan-Yilan Koe 10:25

Dan bɔnsɔn tora anu kɔma. Anu tugunta Bɛnyamɛ bɔnsɔn la. Amisadaila dan Ehayisa, wo le kun-tigiyɛ la Dan bɔnsɔn kun na.

Yilan-Yilan Koe 2:1

Mari ya a fɔ Musa anubɛ Aruna ye tun ko,

Yilan-Yilan Koe 2:10

Mari ko, “Nna bɔn dugula wara la, bɔnsɔn filɛ minnu bi nyɔ, wonu bi Rubɛn bɔnsɔn kɔrɔ. Rubɛn bɔnsɔn ya wonu dafa bɔnsɔn sawa ma. Bɔnsɔn sawɛ wonu nakofunɛ, wo le kɛnu na, Rubɛn bɔnsɔn anubɛ a kebilɛnu. Anuna kun-tigi le Sɛdiyala dan Ɛlisa la. Rubɛn bɔnsɔn yatɛ bɛnta mɔgɔ waga bi-nani, mɔgɔ waga wɔrɔ ani mɔgɔ kɛmɛ loli (46,500) ma. “Min tugunnɛ Rubɛn bɔnsɔn la, wo le Simiyɔn bɔnsɔn anubɛ a kebilɛnu na. Anuna kun-tigi le Suri-Sadaila dan Sɛlumiyɛli la. Simiyɔn bɔnsɔn yatɛ bɛnta mɔgɔ waga bi-loli, mɔgɔ waga kɔnɔntɔ ani mɔgɔ kɛmɛ sawa (59,300) ma. “Min tugunnɛ Simiyɔn bɔnsɔn la, wo le Kadi bɔnsɔn anubɛ a kebilɛnu na. Anuna kun-tigi le Duwɛlila dan Iliyasafu la. Kadi bɔnsɔn yatɛ bɛnta mɔgɔ waga bi-nani, mɔgɔ waga loli, mɔgɔ kɛmɛ wɔrɔ ani mɔgɔ bi-loli (45,650) ma. “Bɔnsɔn sawa kɛnu nakofunɛ, wo le bɛnta mɔgɔ waga kɛmɛ kelen, mɔgɔ waga bi-loli, mɔgɔ waga kelen, mɔgɔ kɛmɛ nani, ani mɔgɔ bi-loli (151,450) ma. Anu tenbi tala tagama rɔ tumɛ min, bɔnsɔn sawɛ kɛnu fanan si bila Yuda fɛ.

Yilan-Yilan Koe 2:3

“Nta Fani-bɔn tele-bɔɛ wara la, bɔnsɔn fila minnu bi nyɔ, wonu bi Yuda kɔrɔ. Yuda bɔnsɔn ya wonu dafa bɔnsɔn sawa ma. Minnu ya anuna fani-bɔnnu sɔ nyɔ wara la, wo le Yuda bɔnsɔn anubɛ a kebilɛnu na. Anuna bɔnsɔn-kun-tigi le Aminadabula dan Neson na. Yuda bɔnsɔn yatɛ bɛnta mɔgɔ waga bi-wɔrɔnfila, mɔgɔ waga nani ani mɔgɔ kɛmɛ wɔrɔ (74,600) ma. “Min sigira Yuda bɔnsɔn dafɛ, wo le Isakari bɔnsɔn anubɛ a kebilɛnu na. Anuna bɔnsɔn-kun-tigi le Suwala dan Natanɛli la. Isakari yatɛ bɛnta mɔgɔ waga bi-loli, mɔgɔ waga nani ani mɔgɔ kɛmɛ nani (54,400) ma. “Min tugunnɛ Isakari bɔnsɔn la, wo le Sɛbulɔn bɔnsɔn anubɛ a kebilɛnu na. Anuna bɔnsɔn-kun-tigi le Hilɔnla dan Ɛliyabu la. Sɛbulɔn bɔnsɔn yatɛ bɛnta mɔgɔ waga bi-loli, mɔgɔ waga wɔrɔnfila ani mɔgɔ kɛmɛ nani (57,400) ma. Yuda bɔnsɔn anubɛ Isakari bɔnsɔn anubɛ Sɛbulɔn bɔnsɔn, wo mɔgɛ dama lakofunɛ bɛnta mɔgɔ waga kɛmɛ kelen, mɔgɔ waga bi-segin, mɔgɔ waga wɔrɔ ani mɔgɔ kɛmɛ nani (186,400) ma. Ni anu bi tala tagama rɔ tumɛ min, bɔnsɔn sawɛ kɛnu si ta Isirɛla mɔgɛ bɛɛ yarɔ.”

Yilan-Yilan Koe 24:2

ka Isirɛla mɔgɛnu daga-makɛnɛ yen. Anuna bɔnsɔn faranɛ iko anu siginɛ nya min. Marita Sɛnbɛ donta a sɔndɔmɛ rɔ

1 Kɔrɛnti 14:33

bawo Alla sa nyinina ko-yabasan ma, fɔ yisi-kimɛ. Allala mɔgɛ bɛɛ wa anu nadɛn chɔchi la,

1 Kɔrɛnti 14:40

Koe bɛɛ ni kɛ a kin na anubɛ a kilɛ fɛ.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Kɔlɔsi 2:19

Kirasiti min bi mɔgɛ bɛɛ kunyɛ la, anu tugunni ma wo la. Kirasiti bagbuyi bɛɛ belinɛ Alla baraka le tɔ. A kolo latugun tinɛnu anubɛ a fasɛnu denu bi a mala, ma bagbuyinu ni kiri anu nyɔgɔn na, ado ma bagbuyi ye koloyala iko a di Alla ye, a ni koloya nya min.

Yasowa 3:4

Saraka-masɔlɛnu si kilɛ yira wo la bawo wo ma nyɔ lɔn. Kɔnɔ wo kana wo gbɛrɛn tɔn-kenkirɛ ma. Wula-yan ni to wobɛ tɔn-kenkirɛ tɛma.”