Yilan-Yilan Koe 18:8 - ALLALA KUMƐ

⁸ Mari ya a fɔ Aruna ye ko, “Isirɛla mɔgɛnu bi nala sarakɛ minnu na, sarakɛ wo dama si ma woletɛ la fɔ minnu bi mintanna nde ye dɔrɔn! Kɛnu si ma wotɛ la habadan!

Yilan-Yilan Koe 18:8 ပူးပေါင်းရင်းမြစ်များ

2 Mansɛnu 12:16

Wodi min bɔra yiliki-sarakayɛ la anubɛ hakɛ-sarakayɛ, wo fenfen ma sa kenkirɛ rɔ bawo saraka-masɔlɛnutɛ le wonu na.

2 Ko-Kɔrɔta-Karan 31:4

Ale Mansa Hɛsakaya ya a fɔ Yerusalɛm kɛnu ye ko anu ni na anuna kɔ-fannu na a bɛnta, saraka-masɔlɛnu anubɛ Lifayinu ni min sɔrɔn. Anu si fɛrɛ di anu ma alako anu sɔndɔmɛ ni sa Marita wɔlɛ kuma wati bɛɛ.

2 Ko-Kɔrɔta-Karan 31:5

Anu ya kumɛ wo lamɔɛn mansɛ bolo tumɛ min, anu ya saraka-masɔlɛ wonu fanda fui-fan la anubɛ nɔnbɔ-gbɔ-yi anubɛ ɔlifi-tuli anubɛ liyi anubɛ sɛnita-fan donu. Wo kɔma, fan min bɛɛsi ye anu bolo, anu ya wonu damasi yaka bɔ.

Bɔ-Koe-Iyipiti 28:43

Aruna anubɛ ala den-keinu wa don Fani-Bɔn la tumɛ min, anu si kurusi wonu don. Fananta anu bi nta wɔli kɛla kata burɔ, kurusi wonu ni to anu na. Ni anu ma kurusi-kundi wonu don kan-tina-sɛnimɛ wo rɔ, nde, Alla si anu faga bawo anu nakolɔn le n yala worɔ. “Wo ni ma habadan-tɔn la Aruna anubɛ a kebila-mɔgɛnu ye.”

Bɔ-Koe-Iyipiti 29:21

Yele min bi saraka-mintan-tinɛ tɔgɔfɛ, i ni wo do bi ka wo basan tulu-sɛnimɛ do la ka a purupuru Aruna anubɛ ala makiri-mirannu ma. I ni wo do purupuru ala den-keinu anubɛ anuna makiri-mirannu ma. Wo le si a ma, Aruna anubɛ ala den-keinu anubɛ anuna makiri-mirannu si sɛninya nde, Mari yala.

Bɔ-Koe-Iyipiti 29:28

Isirɛla mɔgɛnu bi nala yisi-kima-sarakɛ minnu na nde, Mari ye, wonu si ma Aruna anubɛ ala den-keinu de-nyini fannu na. Habadan-tɔn le kɛ la Isirɛla mɔgɛnu kuma min ti yɛlɛma.

Bɔ-Koe-Iyipiti 29:29

“Aruna wa so-sɛgi-kɛ tumɛ min, anu ni ala den-kei kelen bi min si a fata saraka-masɔ-miran-sɛnimɛ wonu bila a kan na ka wo dantɛgɛ nde, Alla ma a fa gbɛ rɔ.

Bɔ-Koe-Iyipiti 40:13

I ni saraka-masɔla-wɛta makiri-mirannu bila Aruna kan na. I ni dantɛgɛ-tuli wo do bi ka a kɛ a kunyɛ rɔ ka a dantɛgɛ nde, Mari ma woletɔ a si nta saraka-masɔ-wɔlɛ kɛ.

Bɔ-Koe-Iyipiti 40:15

ka tuli kɛ anu fanan kunyɛ rɔ iko i ya a ma anu fa la nya min. Anu fanan si nta saraka-masɔ-wɔlɛ kɛ. I wara tuli min kɛ anu kunyɛ rɔ kɛ la, wo si a ma, anu si to saraka-masɔ-wɔlɛnu kɛla n ye ha tumɛ min di nde, Alla ye.”

Aiseya 10:27

Mari ko wati wo wa ke, a ko a si wo bɔ Asiriyanu bolo la. Wo ti ma yɔɔnnu na anu kɔrɔ tun.

Saraka-Masɔlɛnuta Tɔnnu 21:10

Kɔnɔ saraka-masɔlɛ, tuli ara kɛ min kunyɛ rɔ nun, kɔni, anubɛ saraka-masɔ-duruku-ba-wɛ ara don ale min kan na nun, Mari ko saraka-masɔla-kun-tigi-wɛ le wo la. Wo tɔn-maserengbanɛ le kɛ la saraka-masɔla-kun-tigi-wɛ kɛla ko la. Ni kɛ sufa ye dila saya-koe kuma, a kana a kunyɛ ratogo-togonɛ to a kuma anubɛ ka ala duruki rafarafara a kan na iko mɔgɛ doinu bi a mala nya min di-kɛ-tinɛ.

Saraka-Masɔlɛnuta Tɔnnu 23:20

Saraka-masɔlɛ si biredi anubɛ saga-den filɛ dantɛgɛ Mari ma a kilɛ fɛ kɔnɔ sarakɛ wonu daganɛ saraka-masɔlɛnu denu ye. Saraka-sɛnimɛnu denu bi.

Saraka-Masɔlɛnuta Tɔnnu 6:16

A toe si to saraka-masɔlɛnu ye. Anu tenbi a toe mala biredi la tumɛ min, anu kana isiti kɛ a rɔ de! Anu ni a dɔn kan-tina-sɛnimɛ rɔ Marita Fani-Bon-kata burɔ.

Saraka-Masɔlɛnuta Tɔnnu 6:18

Ka a fɔlɔ bi ma ha wati min di Alla ye, kei minnu bi Arunata kebilɛ rɔ, wonu denu dɔrɔn si ke kɛ dɔnna. Mɔgɔ-gbɛrɛ kana a bole tugu a la. Ni min ya a tui ka wo ma, wo tigi ara a nyɛrɛ don Alla bolo.” (3) Saraka-Masɔlɛ Dantɛgɛ-Koe Mari Ma

Saraka-Masɔlɛnuta Tɔnnu 6:20

“Mɔgɔ-wo-mɔgɔ min bi Aruna kebilɛ rɔ, a sɔgɛ ye a la ka a nyɛrɛ di Mari ma ka ma saraka-masɔlɛ la, anu si tuli kɛ a kunyɛ rɔ ka a dantɛgɛ Mari ma. A ye a nyɛrɛ dila Mari ma tele min tɔ, a si na dɛgɛ-munke pani-kunbɛ-nya kelen na a bolo ka wo ma sarakɛ la (iko anu ya min ma tele-wo-tele dɛgɛ-sarakɛ la). A si pani-kunbɛ-nya kelan tala a tɛma. Sɔgɔma, a si a talɛ di Mari ma. Wurɛ la, a ni a toe di a ma.

Saraka-Masɔlɛnuta Tɔnnu 6:26

Saraka-masɔlɛ min si a faga, wo si a dɔn kan-tina-sɛnimɛ rɔ Marita Fani-Bɔn kata burɔ.

Saraka-Masɔlɛnuta Tɔnnu 7:28

Musa ya Mari kuman-kan kɛ latenbi Isirɛla mɔgɛnu ma ko, “Ni a sɔgɛ ye mɔgɛ min na ka na yisi-kima-sarakɛ la,

Saraka-Masɔlɛnuta Tɔnnu 7:6

Saraka-masɔlɛnu kebila-mɔgɔ-keimɛnu de dɔrɔn si kɛ dɔn. Kɔnɔ anu si a dɔn kan-tina-sɛnimɛ rɔ bawo saraka-sɛnima-bɛrɛ le.

Saraka-Masɔlɛnuta Tɔnnu 8:30

Musa ya tuli do bi anubɛ yele min bi saraka-mintan-tinɛ kɔrɔ ka wo pusen Aruna anubɛ ala den-keminɛnu ma anubɛ anuna saraka-masɔ-kurɛ minnu bi anu kan na. Kɛ le ya a ma, anubɛ anuna kurɛnu dantɛgɛra Mari ma.

Yilan-Yilan Koe 18:9

Ni nna mɔgɛnu nara fenfen na min si ma dɛgɛ-sarakɛ la wo, hakɛ-sarakɛ la wo, yiliki-sarakɛ la wo, wo si donu mintan nde ye. A toe si ma wolebɛ ila dannutɛ la.

Yilan-Yilan Koe 5:9

Isirɛla mɔgɛnu bi nala kɔ-fan minnu na nde, Mari ye, wo fanan si don saraka-masɔla kelan wo bolo min ya a masɔ.”

1 Kɔrɛnti 9:13

Wo ya a lɔn serr, ko minnu bi wɔlila Alla-Bato-Bɔn la, wonu si anu niyi sɔrɔn Alla-Bato-Bɔn wo le la, ado minnu bi sarakɛnu bɔla saraka mintan tinɛ kuma, wonu si anutɛ sɔrɔn sarakɛ wonu denu tɔ.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:6

Nyɔ si ma wola saraka-bɔ-tinɛ la, a mara saraka-mintantɛ la wo, a mara yaka la wo, a mara dato-saraka la wo, a mara hɛniki-sarakɛ la wo, a mara kolo-fen-den fɔlɔtɛ la wo,

Tɔn-Fɔɛ-Fila-Nyɔgɛ 18:1

“Saraka-masɔlɛnu si bɔ Lifayi bɔnsɔn rɔ. Wonu ti nyamanɛ wo dugi sɔrɔn anu nyɛrɛ ma. Hali wo, anu si beli-fan sɔrɔn Isirɛla mɔgɛnuta kɔ-fan anubɛ anuna sarakɛnu tɔ anu bi min dila Mari ma.

Tɔn-Fɔɛ-Fila-Nyɔgɛ 26:13

wo ye kumɛ kɛnu denu fɔla Mari ye ko, ‘N bara nna yaka damasi ratala Lifayi bɔnsɔn-mɔgɛnu na anubɛ sundannu anubɛ kelennɛnu anubɛ kɛɛ-musinu iko i ya a fɔ ma ye nya min nun. N ma ila tɔn tinya, hali ka nyina doni-bɛrɛni ila yaka-bɔ-koe kɛ la.

Hiburunu 1:9

Ko-latelennɛ di i ye. Ko-radunɛ gbo i ye. Woletɔ nde ita Alla ya ile yabɔ. N bara i lasewa i ta-nyɔgɔ-mansɛ-bɛɛ ko.”

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.