Yilan-Yilan Koe 18:7 - ALLALA KUMƐ

⁷ Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Yilan-Yilan Koe 18:7 ပူးပေါင်းရင်းမြစ်များ

Yaburi 115:10

Wole minnu bi sarakɛnu masɔla Alla ye, wo ni la Mari la. Ale le ye wo dɛnbɛna ka wo lakanan.

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 29:9

I ni Aruna anubɛ ala den-keinu butɛ kiri buta-kiri-fannu na ka saraka-masɔ-fulɛnu don anu kunyɛ la. Saraka-masɔ-wɔlɛ si ma habadan-tɔn la anu ye. “I ni Aruna anubɛ ala den-keinu dantɛgɛ nde, Alla ma ka le.

Isikiyɛli 44:15

Ma Tigi Mari ko, “Isirɛla mɔgɛ toenu ya anu ban n na tumɛ min, Lifayi saraka-masɔlɛ minnu bɔra Sedoki kebilɛ rɔ, wonu denu ya nna wɔlɛ kɛ n ye nta Bato-Bɔn la a kila-bɛrɛbɛrɛ fɛ. Kaka, anu denu denu bɛnta ka don nna Bato-Bɔn la ka wɔlɛ kɛ n ye. Anu denu si kɛɛn anubɛ yele bɔ n ye sarakayɛ la.

Isikiyɛli 44:16

Anu denu denu dɔrɔn bɛnta ka don nna Bato-Bɔn la ka wɔlɛ kɛ saraka-mintan-tinɛ. Anu denu denu bɛnta ka n bato-koe rabɛn nna Bato-Bɔn la.

Isikiyɛli 44:8

A bɛnta, anu denu ni wɔlɛ min kɛ nna Bato-Bɔn la, anu ya wɔlɛ wo gbala sibolo-gbɛrɛ wonu bolo la.

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.

Saraka-Masɔlɛnuta Tɔnnu 7:35

“A mara Aruna anubɛ ala den-keminɛnu na wo nya na le wo tumɛ anu bi anu dantɛgɛla Mari ma ka saraka-masɔ-wɔlɛ kɛ.

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Yilan-Yilan Koe 18:20

Mari ya a fɔ Aruna ye ko, “Wo wa ke kan tinɛ wo rɔ wo ye nala tala kan min, wobɛ ila denbayɛ ti dugu mumɛ sɔrɔn wo nyɛrɛ ye. Woleta kan tinɛ le nde nyɛrɛ la.”

Yilan-Yilan Koe 18:3

Anu si wo dɛnbɛ bɔn kɛwɔlɛnu na dɔrɔn kɔnɔ mɔgɔ-wo-mɔgɔ kana a gbɛrɛn nta bonna-wɔlɛ ma n ma min yabɔ. Anu si wo dɛnbɛ kɔnɔ anu kana anu bole tugu miran-sɛnimɛ fenfen na anubɛ saraka masɔ tinɛ. Ni wo do ya a bole tugu wo fenfen na, wonubɛ ile si faga.

Yilan-Yilan Koe 3:10

Kɔnɔ i ni Aruna anubɛ ala dannu yabɔ ka anu ma saraka-masɔla-wɛnu na. Aruna anubɛ ala dannu dɔrɔn ni saraka-sɛnimɛ bɔ mɔgɛ bɛɛ ye. Ni mɔgɔ-wo-mɔgɔ ya a tui ka ma saraka-masɔlɛ la anu denu kɔma, wo tigi si faga.”

Yilan-Yilan Koe 3:38

Musa ani Aruna anubɛ ala dannu, wonu si anuna fani-bɔnnu sɔ Marita Fani-Bɔn yakɔrɔ tele-bɔɛ wara la. Anuta wɔlɛ le ka Marita Bɔn mumɛ bɛɛ fɛ-bira Isirɛla mɔgɛ bɛɛla ko la. Ni mɔgɔ-wo-mɔgɔ ya a gbɛrɛn Marita Bɔn wo ma anu kɔma, anu si wo tigi faga.

Matiyu 10:8

Wo ni kirayatoenu nakɛndɛya ka furinu nawuli. Wo ni kunatoenu nakɛndɛya ka nyinɛnu fanan gben. N bara sɛnbɛ wo di wo ma. Wo ma a sɔnkɔ bɔ, wo don ka a sɔnkɔ makele.

Yɔni 3:27

Yɔni ya anu yabi ko, “Mɔgɔ ti ke fenfen sɔrɔnna anu nyɛrɛ ma, fɔ Alla wa min di a ma.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Tɔn-Fɔɛ-Fila-Nyɔgɛ 18:2

Anu ti anu halala-dugi sɔrɔn iko bɔnsɔn-toenu si anutɛ sɔrɔn nya min. Anu denu baralɛ, anu ya gbiliyɛ sɔrɔn ka ma saraka-masɔlɛnu na Mari ye iko a ya lanyiri kiri anu ye nya min.

Hiburunu 5:4

Mɔgɛ wa ma saraka-masɔla-kun-tigi-wɛ la, gbiliyɛ le wo la. Kɔnɔ mɔgɔ-wo-mɔgɔ ti sɔ tinɛ wo bi a nyɛrɛ ma bawo a ye nyinina a ma fɔ Alla wa a kele iko ma benba Aruna keleta nya min.

Yasowa 18:7

Lifayi bɔnsɔn ma nyamanɛ fenfen sɔrɔn bawo Marila saraka-masɔlɛ le anu denu na. Kadi, Rubɛn, anubɛ Manasa bɔnsɔn-talɛ, wonu bara anutɛ sɔrɔn nun Yorodan bɛ kɔma tele-bɔɛ wara la iko Nɛbi Musa ya a di anu ma nya min.”

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.

1 Pita 5:3

Mɔgɛ minnu kerifanɛ wo la, wo kana wo raya ka wola sɛnbɛ mayira wonu na fɔ ka ma misala-nyimɛ la anu ye.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.