Yilan-Yilan Koe 18:5 - ALLALA KUMƐ

^5-6 Nde nyɛrɛ-nyɛrɛ le ya Lifayi mɔgɛnu yabɔ Isirɛla mɔgɛnu tɛma ka ma wole dɛnbɛnɛnu na. N bara wonu di wole ma ka anu dantɛgɛ nde ma. “N bara nta bon-burɔ-wɔlɔ-dunɛ sa wobɛ ila dannu kuma anubɛ saraka-masɔ-wɔlɛ, woletɔ nta diminyɛ ti sigi Isirɛla mɔgɛnu kuma tun!

Yilan-Yilan Koe 18:5 ပူးပေါင်းရင်းမြစ်များ

1 Ko-Kɔrɔta-Karan 23:24

Ma ara min madan kɛnu na, Lifayi bɔnsɔn le wonu na iko anuna kebilɛ anubɛ anu bɔnsɔn ye nya min. Anu kebila-kunyɛ le dama tɔgɛ sɛbɛnɛ kɛ la. Anuna kebilɛ rɔ min siyi wa san mogan bɔ, wo si wɔlɛ do sɔrɔn Mari Bato-Bɔn la.

1 Ko-Kɔrɔta-Karan 23:32

Anu denuta wɔlɛ le wo la ka to Marita Fani-Bɔn fɛ-birala fɔlɔ nun. Kaka, anu bi anu na-kelen-nyɔgɛ Aruna kegeyɛnu madɛnbɛna Mari Bato-Bɔn wo burɔ.

1 Ko-Kɔrɔta-Karan 24:5

Bawo kun-tigi siya minnu bi Allala wɔli kɛla, woletɔ anu ya wɔlɛ tala anu na koron-nakɛ fɛ alako lafisayalɛ kana taran anu tɛma.

1 Ko-Kɔrɔta-Karan 9:19

Salumu kɛ, Kɔri sɔrɛ do le ale la. Ibayasafi ya Kora sɔrɔn. Kora ya Salumu sɔrɔn. Salumu kɛnubɛ Kora sɔrɛ donu, wonuta wɔli le Bato-Bon don-da-makandan la iko anu benbanu ya Fani Bon dɛ makandan nya min nun.

1 Ko-Kɔrɔta-Karan 9:23

Wonubɛ anu kegeyɛnuta wɔlɛ mara Bato-Bon-da-makandan la Marita Fani-Bɔn, kɔni.

1 Ko-Kɔrɔta-Karan 9:33

Lifayi doinu bi sigi-sa-ko-wɔlɛnu kun na Bato-Bɔn la. Mɔgɛ minnu bi wɔlɛ wo kun na, wonu siginɛ Bato-Bɔn nyɛrɛ le la. Wɔli-gbɛrɛkɛ sa anu bolo fɔ Bato-Bon-ko-wɔlɛ bawo su wo, tele wo, anu ba anu kele tuma-wo-tuma, anu tabɛnnɛ.

Yɛrɛmaya 23:15

Woletɔ Mari Sɛnbɛ-Bɛɛ-Tigi ye kɛ fɔla ka a tɛgɛ Yerusalɛm nɛbinuna ko la. A si dɔn-fen-kunanɛnu di anu ma. Wo kɔma, a si dawara-yi di anu ma. A ko a ye wo mala le bawo anu bara nyamanɛ mumɛ bɛɛ latinya anuna wunduyogoyɛ la.

Isikiyɛli 44:15

Ma Tigi Mari ko, “Isirɛla mɔgɛ toenu ya anu ban n na tumɛ min, Lifayi saraka-masɔlɛ minnu bɔra Sedoki kebilɛ rɔ, wonu denu ya nna wɔlɛ kɛ n ye nta Bato-Bɔn la a kila-bɛrɛbɛrɛ fɛ. Kaka, anu denu denu bɛnta ka don nna Bato-Bɔn la ka wɔlɛ kɛ n ye. Anu denu si kɛɛn anubɛ yele bɔ n ye sarakayɛ la.

Isikiyɛli 44:16

Anu denu denu dɔrɔn bɛnta ka don nna Bato-Bɔn la ka wɔlɛ kɛ saraka-mintan-tinɛ. Anu denu denu bɛnta ka n bato-koe rabɛn nna Bato-Bɔn la.

Saraka-Masɔlɛnuta Tɔnnu 10:6

Musa ya a fɔ Aruna anubɛ ala den-kemini-to filɛ Ɛliyasa anubɛ Itamarayi ye ko, “Wo kana wo kunya-rabɔbɛlɛ to. Wo kana wola durukinu tafara yisi-tinya bolo alako ka a yira mɔgɛnu na ko wo ye dila. Ni mɔgɛnu ya a lɔn ko wo yisi magboyanɛ, wo si faga. Mari si diminya Isirɛla mɔgɛ bɛɛsi ma fanan. Mari nyɛrɛ le ya a ma, tɛ bɔra san ma ka anu faga. Ni di-kɛ-sɔgɛ ye wo ta-nyɔgɛ Isirɛla mɔgɛ toenu na, tana ma wo la.

Saraka-Masɔlɛnuta Tɔnnu 24:3

Fɔ Aruna ni ta lɛnpu wo lamalan tinɛ wura-wo-wura. Anu ni ki malanna ha banda ni ka. A si malan kan-tina-sɛnimɛ rɔ yorolan dunnɛ wo ya-telenma bonda-dɛ wara la. Yorolan dunnɛ wo le sansannɛ tɔn-kenkirɛ ya ma.

Sakaraya 10:3

Mari ko minnu bi ala mɔgɛnu kun na mansayɛ la, a fonde tɔrɔnɛ a ma wonuna ko la. A ko fɔ a wa kun-tigi wonu tɔrɔ. Mari Sɛnbɛ-Bɛɛ-Tigi ko atɛ le Yuda mɔgɛnu na. A ko anu kumafɛlɛnnɛ le ale la. A ko a si anu ma mɔgɔ-makilannɛnu na iko soee-kɛlɛ-tatalɛnu.

Yilan-Yilan Koe 1:50

bawo wo si nta Fani-Bɔn-wɔlɛ di anu ma. Anu si nyɔ-miran bɛɛ kandan minnu bi nta Fani-Bɔn burɔ anubɛ minnu bi kata burɔ. Isirɛla mɔgɛnu tenbi tala kan-bo-kan, anuta wɔlɛ le wo la ka nta bɔn wo maduni. Anu si nta Fani-Bɔn wayan ka ta a sɔ tun. Ni Isirɛla mɔgɔ-wo-mɔgɔ ya a gbɛrɛn nta Fani-Bɔn wo ma, ni Lifayi mɔgɔ ma min na, wo si wo tigi faga serr! Lifayi mɔgɛnu denu dɔrɔn si anu daga makɛ nna bɔnla foolɛ rɔ.

Yilan-Yilan Koe 1:53

Kɔnɔ Lifayi mɔgɛnu ni sigi nna Fani-Bɔnla minɛ rɔ ka a kandan woletɔ mɔgɔ-wo-mɔgɔ ti a gbɛrɛn wo ma. Ni wo ma, nna diminyɛ si taran Isirɛla mɔgɛ bɛɛ kuma.”

Yilan-Yilan Koe 16:46

Musa ya a fɔ Aruna ye ko, “Ta tiriya ka isɛnti-munke bi anubɛ ta-wɔlɔn do ka bɔ saraka-mintan-tinɛ kuma. I ni wonu sa ila ta-kɔ-miran rɔ bawo Mari fonde ara bɔ ha a ara kiraya-fitinɛ layigi Isirɛla mɔgɛnu kuma. I tiriya ka ta mɔgɛnu bara la alako anu hakɛ yama si togon iko i duruta a mala nya min.”

Yilan-Yilan Koe 4:18

“Kohati kebilɛnu ba don kan-tina-sɛnimɛ miran wonu madunɛ rɔ tumɛ min, wo kana a ma, anu ni faga. Ka anu tanka wo ma, Aruna anubɛ ala dannu ni a fɔ anu kelen-kelennamɛ-bɛɛ ye anu si miran-sɛnimɛnu dunɛ bi nya min.

Yilan-Yilan Koe 8:19

N bara Lifayi bɔnsɔn-mɔgɛnu yabɔ ka anu ma sanbɛ la Aruna anubɛ a kebilɛ ye ka bɔ Isirɛla mɔgɛnu tɛma. Lifayi mɔgɛnu bi nala wɔlɛ min kɛla Isirɛla mɔgɛnu gbɛ rɔ, wo le ka wɔlɛ kɛ nde, Marita Fani-Bɔn la alako Isirɛla mɔgɛnu hakɛ yama ni togon nya min. Wo le si a ma, Isirɛla mɔgɛnu na ni tanka fitinɛ ma bawo a ma di nde, Mari ye Isirɛla mɔgɛnu ni gbɛrɛn nta Fani-Bɔn wo ma.”

Yilan-Yilan Koe 8:2

a ni ta a fɔ Aruna ye ko, “I tenbi lɛnpu kɛnu namalanna tumɛ min, i ni a ma, a waan ni ta a yarɔ.”

1 Timoti 1:18

Nna den Timoti, i yili ni to wɔlɔyiya-kumɛ wonu ko min fɔra ila ko la kebi fɔlɔ. I tenbi kɛlɛ-nyimɛ kɛla Alla ye, kumɛ wonu ni ma ila kɛlɛ-kɛ-fannu na.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

1 Timoti 5:21

N bi kɛ fɔla i ye Alla anubɛ Yisa Kirasiti anubɛ melika-sɛnimɛnu yala ko i ni kawandili kɛnu bira. I kana mɔgɛ do latenbi mɔgɛ do la. I ni ko-latelennɛ kɛ mɔgɛnu tɛma koe bɛɛ rɔ.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,