Yilan-Yilan Koe 18:3 - ALLALA KUMƐ

^3-4 Anu si wo dɛnbɛ bɔn kɛwɔlɛnu na dɔrɔn kɔnɔ mɔgɔ-wo-mɔgɔ kana a gbɛrɛn nta bonna-wɔlɛ ma n ma min yabɔ. Anu si wo dɛnbɛ kɔnɔ anu kana anu bole tugu miran-sɛnimɛ fenfen na anubɛ saraka masɔ tinɛ. Ni wo do ya a bole tugu wo fenfen na, wonubɛ ile si faga.

Yilan-Yilan Koe 18:3 ပူးပေါင်းရင်းမြစ်များ

Isikiyɛli 44:13

Anu ti saraka-masɔ-wɔlɛ kɛ n ye tun. Anu ti anu gbɛrɛn fen-sɛninyanɛ ma tun, ado anu ti don Sɛnima-Sɛnima-Tinɛ rɔ tun. Bawo anu bara kisimiriya-koe minnu nadan, wo le ya a to, n bi anu tɔrɔla wo nya na.

Yilan-Yilan Koe 1:53

Kɔnɔ Lifayi mɔgɛnu ni sigi nna Fani-Bɔnla minɛ rɔ ka a kandan woletɔ mɔgɔ-wo-mɔgɔ ti a gbɛrɛn wo ma. Ni wo ma, nna diminyɛ si taran Isirɛla mɔgɛ bɛɛ kuma.”

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Yilan-Yilan Koe 3:25

Marita Fani-Bɔn wo, kurɛ min si sa a kuma wo, kurɛ min dunnɛ bonda-dɛ la wo, kata-masansan-kurɛnu, Bato-Bɔn anubɛ saraka-mintan-tinɛ lafoonɛ min na wo, kurɛ min bi a tenbi-bolɔn la wo, a yilinu anubɛ a fɛ-fannu wo, Kɛrisɔn kebilɛnuta wɔlɛ le ka wo bɛɛ lamara a kin na!

Yilan-Yilan Koe 3:31

Tɔn kenkirɛ wo, tebulu wo, lɛnpu wo, saraka-bɔ-tinɛnu wo, saraka-masɔlɛnu si wɔlɛ miran min bɛɛ la kan-tina-sɛnimɛ rɔ wo, yorolan min si Kan-Tina-Sɛnimɛ yamatogon wo, anubɛ wonu fɛ-fannu, anuna wɔlɛ le ka miran wo bɛɛ lamara.

Yilan-Yilan Koe 3:36

Mɛrarila denbayɛnuta wɔlɛ le ka Marita Fani-Bɔn fɛ-bira. A fɛrannu wo, a kɔlɔma-yannu wo, a bɔn kɔnnu wo, a wodi-gbɛnu fɛrannu anubɛ bon-kɔnnu si sɔ minnu kuma wo, a sansan-kɔlɔmanu si sɔ minnu kuma wo, a yili-kiri-kɔlɔmanu wo, anubɛ a yilinu, wonuta wɔlɛ le ka wonubɛ a fɛ-mirannu namara.

Yilan-Yilan Koe 31:30

Ni Isirɛla mɔgɛ toe wonu ya anutɛ wo rasigi bi-loli bi-lolinyɛ ma, anu si kelen-kelen bɔ wonu tɔ ka wonu di nde ma, a mara mɔgɔ la wo, a mara kolo-fan la wo. Wo si wonu di Lifayi mɔgɛnu ma minnu bi ndeta wɔlɛ kɛla Fani-Bɔn kɛ la.”

Yilan-Yilan Koe 4:15

Aruna anubɛ ala dannu ba ban miran kɛ bɛɛ yamatogonna tumɛ min, Kohati kebilɛ ni na ka Kan-Tina-Sɛnimɛ miran kɛnu bi. Kohati kebilɛ min bi miran kɛnu bila, anu fenfen kana tugu miran-dantɛgɛnɛ kɛnu na, fɔ a bi-kɔlɔma filɛnu. Ni anu tugura wo fenfen na, anu si faga. “Wo wa ta kan-bo-kan, Kohati kebilɛta wɔlɛ le kɛ la.