Yilan-Yilan Koe 17:10 - ALLALA KUMƐ

¹⁰ Mari ya a fɔ Musa ye tun ko, “Arunata sewuri wo bi ka a lasɛgi a gbɛ rɔ kenkirɛ kɔrɔ. I si a lamara nyɔ habadan! Isirɛla mɔgɛnu si to anu hɛnkili lamirila sewuri kɛ ma ko anu kana murutiyɛ lawuli tun! Ni anu ya murutiyɛ lawuli tumɛ min, anu dama si faga tɛrr!”

Yilan-Yilan Koe 17:10 ပူးပေါင်းရင်းမြစ်များ

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Bɔ-Koe-Iyipiti 16:32

Musa ya Mari kuman-kan latenbi Isirɛla mɔgɛnu ma ko, “Mari ko ma ni dɔn-fan kɛ pani-kunbɛ-nya kelen namara mala dannu anubɛ ma kegeyɛnu yarɔ. Mari ko a ya ma labɔ Iyipiti nyamanɛ rɔ tumɛ min, a ya ma de-nyini dɔn-fan min na wulɛ rɔ, anu ni wo yen anu yɛ la.”

Bɔ-Koe-Iyipiti 16:34

Aruna ya a ma iko Mari ya a fɔ Musa ye nya min. A ya a sigi tɔn-kenkirɛ yarɔ.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Hoseya 10:9

Mari ko, “Kebi wole, Isirɛla mɔgɛnu ya hakɛ-kɛ dabira Kibiya soe burɔ, wo ma fara a la tun! Woletɔ kɛlɛ-bole si sa wo rɔ Kibiya.

Yilan-Yilan Koe 14:5

Musa anubɛ Aruna ya anu maburun dugi ma mɔgɛ bɛɛ yakɔrɔ.

Yilan-Yilan Koe 16:21

“Wo mɔgɔ fila pe ni bɔ Isirɛla mɔgɛ kɛnu tɛma. N si mɔgɛ kɛnu nato kaka dogbe!”

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Yilan-Yilan Koe 17:11

Musa ya a ma iko Mari ya a fɔ a ye nya min.

Yilan-Yilan Koe 17:4

I si kɔrɔ-sɔ-sewuru tan-ni-filɛ wonu bi ka ta anu na nta Fani-Bɔn la ka anu sa nta tɔn-kenkirɛ yakɔrɔ n si i taran kan min.

Yilan-Yilan Koe 17:9

Wo kɔma, Musa ya kɔrɔ-sɔ-sewuri wonu bi ka anu nabɔ luyi ma ka anu yira Isirɛla mɔgɔ damasi la. Anu ya wonu yen tumɛ min, anu lara a la ken! Kun-tigi kelen-kelennamɛ-bɛɛ ya atɛ bi.

Yilan-Yilan Koe 20:9

Musa tara sewuri wo bi iko Mari ya a fɔ a ye nya min.

Yilan-Yilan Koe 4:18

“Kohati kebilɛnu ba don kan-tina-sɛnimɛ miran wonu madunɛ rɔ tumɛ min, wo kana a ma, anu ni faga. Ka anu tanka wo ma, Aruna anubɛ ala dannu ni a fɔ anu kelen-kelennamɛ-bɛɛ ye anu si miran-sɛnimɛnu dunɛ bi nya min.

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Tɔn-Fɔɛ-Fila-Nyɔgɛ 9:24

Ka a dabira wo wati ma n bolo ha ka a sigi kaka la, wo ye murutiyɛ le kun na tun.

Tɔn-Fɔɛ-Fila-Nyɔgɛ 9:7

“Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.

1 Samuwɛli 2:12

Ilayita den-keinu kalabante. Anu ti sɔn Mari gbiliyala.

1 Samuwɛli 30:22

Kɔnɔ tinya-batoe anubɛ karagbɛlɛ donu bi Dawuda fɛ. Wonu ya a fɔ ko, “Ma ara na bolo-fan minnu na kɛ la, kɛnu ti fenfen sɔrɔn wonu tɔ bawo anu ma sɔn bilala ma fɛ. Anu ni anuna denbayɛnu denu dɔrɔn bi, anu ni ta.”