Yilan-Yilan Koe 16:5 - ALLALA KUMƐ

⁵ Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yilan-Yilan Koe 16:5 ပူးပေါင်းရင်းမြစ်များ

Yaburi 105:26

Wo kɔma, a ya ala wɔli-kɛlɛ Musa lata anubɛ Aruna, a ya min yabɔ, kɔni.

Yaburi 115:10

Wole minnu bi sarakɛnu masɔla Alla ye, wo ni la Mari la. Ale le ye wo dɛnbɛna ka wo lakanan.

Yaburi 65:4

Ile Alla ye mɔgɛ min yabɔla ko a ni a sigi ila Bato-Bɔn la, mɔgɔ-sewanɛ le mɔgɛ wo la. Ko-nyimɛ minnu bi i Bato-Bon-sɛnimɛ la, wonu denu si ma hɛnɛ.

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 28:41

I ni wonu don i kɔrɔ-kei Aruna anubɛ ala den-keinu kan na. I ni dantɛgɛ-tuli kɛ anu kunyɛ rɔ ka anu dantɛgɛ nde, Alla ma alako anu ni wɔlɛ kɛ nde ye saraka masɔ tinɛ.

Bɔ-Koe-Iyipiti 28:43

Aruna anubɛ ala den-keinu wa don Fani-Bɔn la tumɛ min, anu si kurusi wonu don. Fananta anu bi nta wɔli kɛla kata burɔ, kurusi wonu ni to anu na. Ni anu ma kurusi-kundi wonu don kan-tina-sɛnimɛ wo rɔ, nde, Alla si anu faga bawo anu nakolɔn le n yala worɔ. “Wo ni ma habadan-tɔn la Aruna anubɛ a kebila-mɔgɛnu ye.”

Yɛrɛmaya 30:21

Wola kun-tigi si bɔ wo nyɛrɛ rɔ. Wola mɔgɔ-bɛrɛbɛrɛ le wo lamarala. Mari ko a wa kun-tigi wo rakele, wo si a gbɛrɛn a ma, ado yon si ke a gbɛrɛnna ale Mari ma, ni a ma min takele? A ko wole si ma ata mɔgɛnu na, ale si ma wota Alla la. Ale Mari kan le kɛ la.

Yɛrɛmaya 49:19

Mari ko a si a ma, Idɔm kɛnu ni anu buri iko yarɛ wa bɔ Yorodan-ba-gbɔngbɔn rɔ ka ta a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye Idɔm kɛnuna nyamanɛ wo marala. Mari ko ale Mari nyɔgɔn sa nyɔ. Yon si a kɔgɔ raka a ye? Kun-tigi yon si ke a rasɛla?

Yɛrɛmaya 50:44

Mari ko a si a ma, Babilɔn kɛnu ni anu buri iko yarɛ wa bɔ Yorodan-ba-gbɔngbɔn rɔ ka a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye nyamanɛ marala. Mari ko ale nyɔgɔn sa nyɔ. Yon si a kɔgɔ raka a la? Kun-tigi yon si ke a rasɛla?

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Isikiyɛli 43:19

Lifayi saraka-masɔlɛ minnu bɔra Sedoki kebilɛ rɔ, wonu denu dɔrɔn si na n yakɔrɔ ka nta wɔlɛ kɛ. Nde, Isirɛla Tigi Mari kan le kɛ la. Ile si tura-bulan di anu ma ka wo ma hakɛ-sarakɛ la.

Isikiyɛli 45:4

Nyɔ si ma kan-tina-sɛnimɛ do la nyamanɛ wo rɔ. A talɛ wo si ma kan-tina-yabɔnɛ la saraka-masɔlɛnu ye minnu bi wɔli kɛla Mari ye Bato-Bɔn la. Anuna bɔnnu anubɛ Mari Bato-Bɔn si taran nyɔ.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 8:2

“Aruna anubɛ ala den-keminɛnu bi ka ta anu na nta Fani-Bɔn tenbi-bolɔn la. I ni na saraka-masɔ-kurɛnu na anubɛ tuli min si anu sɛninya nde, Mari yala. I ni na sarakɛ kɛnu na, tura-bulan min si ma hakɛ-sarakɛ la anubɛ saga-yigi fila anubɛ sende-nya kelen biredi la isiti sa min tɔ. Isirɛla mɔgɛ damasi ladɛn anu nyɔgɔn fɛ ka na wo taran nta Fani-Bɔn bolon dɛ la.”

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Yilan-Yilan Koe 16:3

ka a fɔ anu ye ko, “Nfen ya a to, wo ara wo nyɛrɛ ma iko wo nyɔgɛ sa. Mɔgɔ-sɛnimɛ le ma damasi la kɔnɔ wole miri le ko Mari ara wole dɔrɔn yabɔ ka ma kun-tiginu na male kuma, wa? Ha! Wole, wo ara wotɛ kɛ latenbi!”

Yilan-Yilan Koe 16:6

Ile Kora anubɛ i gba-fɛ-bilalɛnu, wo ye kɛ le mala sina. Wo ni na wola ta-kɔ-mirannu na wo bolo. Wo ni ta-wɔlɔnnu sa anu tɔ anubɛ isɛnti ka ta a la saraka-mintan-tinɛ iko saraka-masɔlɛ bɛnta ka a ma nya min. Sina, ma si a yen, Mari ara mɔgɛ min yabɔ ma tɛma wona. Wole, wo ara wotɛ latenbi!”

Yilan-Yilan Koe 17:5

Ni nde ya mɔgɛ min yabɔ, wota kɔlɔma si a matii. Wo le si tɔn sigi gbunya-kumɛ la wo ma Isirɛla mɔgɛnu bolo.”

Yilan-Yilan Koe 17:8

Wo wulun sɔgɔma, Musa tara Marita Fani-Bɔn burɔ tɔn-kenkirɛ ye kan min. Arunata kɔlɔma min bi Lifayi bɔnsɔn nyɔgɔnyɛ la, Musa ya a yen ko wo le kelen pe ara a matii ka a nɔrɔn yabu-yabu! A yanba-kunyɛ siyaman bi a ma anubɛ a ferenu anubɛ a gbɔɛnu.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Kɛwɔlɛnu 1:24

Wo kɔma, anu ya Alla madiya ko, “Mari, ile le ya mɔgɛ bɛɛ miriya lɔn. Mɔgɔ filɛ kɛnu tɔ, i wa min yabɔ ko

Kɛwɔlɛnu 13:2

Anu bi sunyɛ rɔ tumɛ min Mari bato tinɛ, Allata Ni-Sɛnimɛ ya a fɔ anu ye ko, “Wo ni Banabasi anubɛ Sɔli yabɔ n ye. N bara anu kele wɔlɛ min ma, anu ni wo kɛ.”

Kɛwɔlɛnu 15:7

Anu mɛra sɔsɔli siyaman sala. Tɔ-a-la, Pita ya a lasɔ. A ko, “N na-kelen-nyɔgɛnu, wo ya a lɔn ko Alla ara nde yabɔ wo tɛma kebi fɔlɔ ka Yisata kibara-nyima-kawandili bɔ sibolo-gbɛrɛnu ye alako anu fanan ni a lamɔɛn ka dɛnkɛninya.

Kɛwɔlɛnu 22:14

Ananayasi ko, ‘Ma benbanuta Alla ara ile yabɔ ko i ni a lɔn i ye min mala a ye. A ara ile yabɔ alako i ni ala Wɔli-Kɛla-Telennɛ yen ka a kuman-kan fanan namɔɛn.

Ɛfɛsa 2:13

Ka a tɛgɛ Yisa Kirasiti ma, wole minnu fɛ-yan Alla la nun, wo gbɛrɛnnɛ Alla ma kaka. Kirasiti Yisa yele mara wola sarakɛ la.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

Lankɛnimayɛ 1:6

A ya ma ma saraka-masɔlɛnu na alako ma ni ma sibolo kelen na ka wɔlɛ kɛ a Fa Alla ye. Alamɛ gbiliyɛ anubɛ sɛnbɛ dira Yisa, Allata-Mɔgɔ-Yabɔnɛ ma habadan! Amina.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.