Yilan-Yilan Koe 15:3 - ALLALA KUMƐ

³ Musa ya Marila kumɛ latenbi ko, “Ni wo ye a fɛ ka saraka-mintantɛ di Mari ma alako a sumɛ ni diya a ye, ni a mara lanyiri-sarakɛ la wo, ni a mara hɛniki-sarakɛ la wo, ni a mara sewa-sarakɛ la wo, fɔ wo sarakɛnu ni bɔ wola kolo-fannu tɔ.

Yilan-Yilan Koe 15:3 ပူးပေါင်းရင်းမြစ်များ

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Ɛsira 7:17

“I si wodi wo lawɔli i hɛnkili la ka sarakɛnu san a la. I ye min sanna sarakayɛ la, wo le kɛ la, tura-bulun-hakikɛnu wo, saga-yiginu wo, saga-dannu wo, anubɛ fui-fen-sarakɛnu anubɛ minni-sarakɛnu. I wa ke anu na nyɔ, i si anu mintan saraka-mintan-tinɛ kuma Bato-Bɔn la Yerusalɛm.

Yaburi 54:6

E, Mari, n sewanɛ le ye sarakɛ dila i ma. N si baraka bira i ye ka i tɔgɔ tanto i nyimayɛla ko la.

Bɔ-Koe-Iyipiti 29:18

I ni wo bɛɛsi mintan saraka-mintan-tinɛ kuma gburr! Wo mintan-sumɛ si a diya don n tɔ.

Bɔ-Koe-Iyipiti 29:25

I ni wonu bi anu bolo tɔ ka anu sa saraka-soge wonu kuma tɛ rɔ. Wonu sumɛ si a diya don nde, Mari rɔ.

Bɔ-Koe-Iyipiti 29:41

Saga-den kelan min bi tola, anubɛ wo nyɔgɔn dɛgɛ-munke pani-kunbɛ-nya kelen anubɛ tulu-hakikɛ kilasi fila anubɛ minni-fan kilasi fila, wo ni wonu bɔ wurɛ la iko wo si sɔgɔmatɛ ma nya min. Wonu mintan-sumɛ si a diya don nde, Mari rɔ.

Saraka-Masɔlɛnuta Tɔnnu 10:13

Wo ni a dɔn kan-tina-sɛnimɛ rɔ bawo wo dɔn-fan le kɛnu na mɔgɛnu ya min di Alla ma kɔnɔ wole halalɛ le. Wo le kɛ la Mari ya min fɔ n ye ka a fɔ wo ye.

Saraka-Masɔlɛnuta Tɔnnu 7:16

“Ni kei do nara yisi-kima-sarakɛ la Mari ye bawo a sewanɛ, ka, ni a ye nala a la bawo a ara a dakan bɔ, ni saraka-masɔlɛ ya sarakɛ wo faga, anu si a soge dɔn. Ni anu ma ke a banna tele wo rɔ, anu si a toe lamara ha wo banda-ke sɔgɔma.

Yilan-Yilan Koe 28:27

Wo ni saraka-mintantɛ bɔ min sumɛ si diya Mari ye. Wo ni tura-bulun fila bi anubɛ saga-kɔndɔn kelen anubɛ san-kelen-saga-yigi wɔrɔnfila ka wonu mintan Mari ye. Wo wa ban sɔgɔma-sarakɛ bɔla, wo ni tura-bulun fila bi anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na. Wo ni wonu ma saraka-mintantɛ la Mari ye.

Yilan-Yilan Koe 29:8

Wo ni tura-bulun kelen bi anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na. Wo si wonu ma saraka-mintantɛ la Mari ye. Wo sumɛ si diya Mari ye bɛrɛkɛ!

Yilan-Yilan Koe 6:15

Mɔgɛ min dantɛgɛnɛ Mari ma, wota wati-latɛgɛnɛ wa ke tumɛ min, a ni dɛgɛ-munku-hakikɛ do ma biredi-kinamɛ la min yabasannɛ tulu-hakikɛ la. Wo kɔma fanan, a ni dɛgɛ-munku-hakikɛ do ma biredi-dɔgɔmɛ la ka tuli sosa a kumɛ ma. A ni na sende-nya kelen na biredi wo su filɛ bɛɛ la isiti sa min tɔ ka wo ma sarakɛ la. Min tugunnɛ wo la, a ni na bu-gbɛngbɛnnɛ la anubɛ nɔnbɔ-gbɔ-yi la ka wonu di Mari ma.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

2 Kɔrɛnti 2:15

Ma niyi mani de iko sɛnti-suma-diyamɛ, Kirasiti ye min nabɔla Alla ye, kɔni. Minnu bi kisila wo, minnu bi halakila wo, wo bɛɛ si fen-sumɛ wo lamɔɛn.

2 Kɔrɛnti 2:16

A ara ma saya-sumɛ la wonu ye minnu bi nala halakila. Kɔnɔ a ara ma nimaya-sumɛ la wonu ye minnu bi nala kisila. Wo mɔgɔ sa min si ke wonu kɛla a nyɛrɛ ma.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:17

Ni mɔgɛ ye fenfen mala kɔ-fan la Mari ye, a kana wo dɔn a sigi-tinɛ rɔ, fɔ a ni ta a la kan-tina-kelan wo rɔ min yabɔnɛ Mari bolo. Wo ye yaka min sɔrɔnna wola fui-fannu tɔ anubɛ wola ki-fannu tɔ, fɔ ka ta wonu na Mari ye. Wola kolo-fannu den fɔlɔtɛ wo, wola dato-kɔ-fannu wo, wola hɛniki-sarakɛnu wo, wola kɔ-fen-toenu wo si min di Mari ma wo, wo si ta wonu damasi la kan-tina-kelan wo rɔ.

Tɔn-Fɔɛ-Fila-Nyɔgɛ 12:6

Nyɔ si ma wola saraka-bɔ-tinɛ la, a mara saraka-mintantɛ la wo, a mara yaka la wo, a mara dato-saraka la wo, a mara hɛniki-sarakɛ la wo, a mara kolo-fen-den fɔlɔtɛ la wo,

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!