Yilan-Yilan Koe 14:9 - ALLALA KUMƐ

⁹ Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

Yilan-Yilan Koe 14:9 ပူးပေါင်းရင်းမြစ်များ

Ko-Dabirɛnu 48:21

Yakoba ya a fɔ a ye ko, “Yusufu, n fagamatoe le kɛ la kɔnɔ Alla si to i fɛ ka wo lasɛgi tun fɔ wo benba anubɛ wo fata nyamanɛ rɔ.

2 Ko-Kɔrɔta-Karan 13:12

Alla nyɛrɛ-nyɛrɛ le ma kun-tigi la min sɔnɛ ma yarɔ. Ata saraka-masɔlɛnu bi yan anubɛ anuna burinu. Wonu tabɛnnɛ ka kɛlɛ-kɛ-buri fɛ alako ma ni na wo kɛlɛ nya min. Wo le ya a to, wole Isirɛla mɔgɛnu, wo kana wo benbanuta Mari Alla kɛlɛ. Wo ti a nɔ.”

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

2 Ko-Kɔrɔta-Karan 32:8

Hadama-den-fanka-gbansan le a bolo dɔrɔn kɔnɔ maleta Mari Alla ye ma dɛnbɛna kɛlɛ rɔ.” Mansɛta kumɛ, wo le ya mɔgɛnu nakerinteya.

Nihɛmaya 4:14

N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Yaburi 106:24

Anu ma la Allata lanyiri la min kɛ, woletɔ anu ya anu ban nyamani-hakikɛ wo la.

Yaburi 121:5

Mari si i makandan. A ye ma fɛ ka ma lakanan.

Yaburi 14:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:8

Wo na a yen Mari ara min ma. Wo na ata kabana-ko-ladannɛ yen duninya rɔ.

Yaburi 74:14

I ban wo kunyɛnu tatiila, i ya a lakɛ wularɔ-sogenu kɔrɔ.

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Bɔ-Koe-Iyipiti 33:16

Ni i ma ta ma fɛ, mɔgɛnu si a lɔn kama ko mabɛ ila mɔgɛnu di i ye? Kɔnɔ ni i tara ma fɛ, dan-nafarɛ si taran male Isirɛla mɔgɛnu anubɛ duninya-mɔgɛ bɛɛ tɛma.”

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 42:11

A ko wo ni fara kilanna Babilɔn mansɛ la. Ale Mari si taran wo fɛ. A si wo tanka a sɛnbɛ-wɛ la.

Yɛrɛmaya 48:45

Mansa Saihɔn ye Hɛsibɔn soe min kun na nun, minnu bi anu burila kɛlɛ kɔrɔ ka ta soe kɛ magbenna anu nakanan-koe la, wonu si a taran, tɛ biranɛ soe kɛ la kiribo! Ta-kelan wo si Mohabu nyamanɛ maforongban, hali mɔgɔ sa kan-tinɛ minnu tɔ, ado wasinte kɛlɛ-tɛgɛla-wɛ le anu na nun kati!

Daniyɛli 9:5

“Kɔnɔ male ara hakɛ kɛ ka ko-yogomɛ anubɛ karagbɛlɛyɛ ladan. I ya min fɔ ma ye, ma ara ma ban wonu na. I ya ko-telennɛ-kilɛ min yira ma la, ma ara ma kan-kɔ sɔ wo la ka bila ma nyɛrɛta kilɛ fɛ.

Daniyɛli 9:9

Hali ma murutiyanɛ i ma, i wara kinikini ma ma ka ma makoto.

Yilan-Yilan Koe 13:30

Isirɛla mɔgɔ damasi wulita da-kɔrɔ-kumɛ fɔla Musa ma. Kɔnɔ Kelabu ya anu nakala, a ko, “Ma ni ta anu kɛlɛ kaka ka nyamanɛ wo bi anu bolo. Ma si ke le ka anu nɔ feu!”

Yilan-Yilan Koe 17:6

Musa ya Marila kumɛ kɛ latenbi Isirɛla mɔgɛnu ma. Anu ya kɔlɔma tan-ni-kelan wonu don Musa bolo. Arunatɛ ya a dafa kɔlɔma tan-ni-fila ma.

Yilan-Yilan Koe 20:2

Kɔnɔ yi mumɛ sa kan tinɛ wo rɔ. Mɔgɛ min damasi ye dagɛ wo rɔ, wonu damasi ya anu nadɛn Musa anubɛ Aruna kan ma. Anu donta gbunya-kuma-fɔɛ rɔ ko,

Yilan-Yilan Koe 24:8

Alla ya anu nabɔ Iyipiti. A si kɛlɛ kɛ Isirɛla mɔgɛnu ye iko sigi-dalamɛ. Anu si anu yogenu faga ka anu kolenu takeri ka anuna kalabɛnnu takerikeri.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 1:26

“Kɔnɔ hali wo, wo murutiyara ka wo ban Marita kumɛ birala. Wo ma sɔn tala muk!

Tɔn-Fɔɛ-Fila-Nyɔgɛ 1:29

“Hali wo, nde, Musa ya a fɔ ko ma kana kilan mɔgɛ wonu na.

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Tɔn-Fɔɛ-Fila-Nyɔgɛ 32:42

Mari ko yele si bɔ ata kalabɛn-sungbannu na ka tinti dugi ma. A ma di minnu ye, ata faan si wo bɛɛsi faga le. A yoge fenfen ti to a niyi la, hali mɔgɔ-tanbannɛnu anubɛ mɔgɔ-biranɛnu fanan si faga.

Tɔn-Fɔɛ-Fila-Nyɔgɛ 7:21

Wo ka kilan mɔgɛ kɛnu na mumɛ! Wota Mari Alla ye wo fɛ. Alla-makawanɛ le ale la. A bɛnta mɔgɛ ni kilan a la.

Tɔn-Fɔɛ-Fila-Nyɔgɛ 9:7

“Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 14:12

Awa, i ni kɔnkɔ-nyamanɛ kɛ di n ma iko Mari ya lanyiri kiri n ye nya min. Ma ya ma dantɛgɛ tumɛ min, ma ya a fɔ ko mɔgɔ-kinama-wɛnu bi nyɔ. (Anaki bɔnsɔn le kɛnu na.) Anu siginɛ so-wɛnu tɔ minnu nafoonɛ tarɛ la. Kɔnɔ kaka, ni Mari ye n fɛ, n si mɔgɛ kɛnu gben nyamanɛ kɛ rɔ.”

Kɛlɛ-Kurugbɛnu 1:22

Mari ya Ifɛrɛm bɔnsɔn anubɛ Manasa bɔnsɔn dɛnbɛ. Anu tara Bɛtɛli soe kan ma min tɔgɛ nun Lusi. Anu bi soe wo manɛgɛnna tumɛ min, anu ya ko-lakɔrɔsilɛnu nata soe wo mafɛlɛn tinɛ.