Yilan-Yilan Koe 14:2 - ALLALA KUMƐ

² Anu bara gbunya Musa anubɛ Aruna kɔrɔ. Anu ko, “A fisa nun, hali ma tora fagala Iyipiti. Hali ma fagara wula-da-rakolɔn kɛ rɔ yan.

Yilan-Yilan Koe 14:2 ပူးပေါင်းရင်းမြစ်များ

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

Yobu 3:11

Alako nun, n niyi bɔra n na burɔ nun. Ni wo ma, n sɔrɔnta nya min nun, n pulan ni bɔ n na bolo nun.

Yaburi 106:24

Anu ma la Allata lanyiri la min kɛ, woletɔ anu ya anu ban nyamani-hakikɛ wo la.

Yaburi 106:25

Anu sigira anuna fani-bɔnnu na ka don gbunya-kuma-fɔɛ rɔ. Anu ma sɔn anu tole masɔla Mari la mumɛ!

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Bɔ-Koe-Iyipiti 14:11

Anu ya a fɔ Musa ye ko, “Nfen ya a ma, i nara ma la yan alako ma ni faga wulɛ kɛ rɔ yan? Kaburu-so sa ma bolo Iyipiti nyamanɛ rɔ, wa? I wara ma bɔ Iyipiti nyamanɛ rɔ nfenna ka koe kɛ ma ma la?

Bɔ-Koe-Iyipiti 15:24

Anu gbunyara Musa kɔrɔ ko, “Male si ma min mintɔ gbɛ?”

Bɔ-Koe-Iyipiti 17:3

Kan-nagbalɛ ya a ma, anu ya gbunya-kuma-fɔɛ dabira Musa ma. Anu ko, “Nfenna i ya ma labɔ Iyipiti ka na male la yan, ba? A di i ye mabɛ mala denbayɛnu anubɛ mala kolo-fannu ni faga kan-nagbalɛ bolo yan, wa?”

Yona 4:3

Nba Mari, a ma, n ni faga kaka. N furi fisa n kɛndɛ ko.”

Yona 4:8

Sun-tele-kɔgɛ, Alla ya fɔn-kalamɛ lana ka bɔ tele-bɔɛ. A tora doni, Yona ni kirɔn-a-la tele-wuyan bolo. A duwara le gbɛ ni a si faga. A ko, “N furi fisa n kɛndɛ ko.”

Yilan-Yilan Koe 11:1

Isirɛla mɔgɛnu wulita da-kɔrɔ-kumɛ la Mari ma anuna tɔrɔyɛla ko la. Mari ya wo lamɔɛn tumɛ min, a fonde bɔra. A diminyara anu ma ha ka tɛ layigi anu kuma ka dagɛ tɔnkɔn kelan mintan gburr!

Yilan-Yilan Koe 11:15

Ni i si na a ma n na ka le, kinikini n ma. I yandi, n faga kelenna! N kana to tɔrɔyɛ kɛ rɔ tuma-wo-tuma.”

Yilan-Yilan Koe 11:5

Ma ye Iyipiti nyamanɛ rɔ tumɛ min, ma ye yɛgɛ sɔrɔnna dɔgɔma-ma-de! Hali kaba, ma sa a bɔla wo wati rɔ. Ma wa ma miri wo tumɛ ma, kɔkunba siyaman bi ma bolo anubɛ watamiliyɔn anubɛ yawa-kunbɛ anubɛ yawa-mɛsɛ.

Yilan-Yilan Koe 14:1

Su kelen, anu bi gbele-gbelenna yakɔrɔ-mamɔɛ anubɛ nyagbɛla ko la.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Yilan-Yilan Koe 16:13

Ile Musa ara male labɔ Iyipiti nyamani-hakikɛ wo rɔ ka na male la wula-da-rakolɔn kɛ rɔ yan ma faga-koe le la, nyɛ? Wo ma a bɔ, wa? Kun-tigiyɛ di ile ye, nyɛ?

Yilan-Yilan Koe 16:41

Wo wulun sɔgɔma, Isirɛla mɔgɛ bɛɛsi ya gbunya-kumɛ dabira Musa anubɛ Aruna ma ka a fɔ ko, “Wole ya Marita mɔgɛ donu faga le, yɔ!”

Yilan-Yilan Koe 17:6

Musa ya Marila kumɛ kɛ latenbi Isirɛla mɔgɛnu ma. Anu ya kɔlɔma tan-ni-kelan wonu don Musa bolo. Arunatɛ ya a dafa kɔlɔma tan-ni-fila ma.

Yilan-Yilan Koe 20:2

Kɔnɔ yi mumɛ sa kan tinɛ wo rɔ. Mɔgɛ min damasi ye dagɛ wo rɔ, wonu damasi ya anu nadɛn Musa anubɛ Aruna kan ma. Anu donta gbunya-kuma-fɔɛ rɔ ko,

Yilan-Yilan Koe 20:3

“A fisa nun hali ma fagara Marita Fani-Bɔn wo yakɔrɔ, ma ta-nyɔgɛnu fagara kan min.

Yilan-Yilan Koe 20:4

Nfen ya a to, wo nara ma la wula-da-rakolɔn kɛ rɔ? A sɔgɛ ye wo la, mabɛ mala kolo-fannu damasi ni faga yan tɔ?

Yilan-Yilan Koe 21:5

anu donta gbunya-kuma-fɔɛ rɔ Musa anubɛ Mari ma ko, “Nfen ya a to, wole nara male la ka bɔ Iyipiti nyamanɛ rɔ ka na ma la wula-da-rakolɔn kɛ rɔ yan. Dɔnta anubɛ min-kɛ-yi sa yan fɔ Allata biredi kɛ, ma si to min dɔnna tuma-wo-tuma, fen-fufafuyi kɛ!”

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

Tɔn-Fɔɛ-Fila-Nyɔgɛ 1:27

Wo fanu tora gbunya-kumɛnu fɔla anu nyɔgɔn tɛma ka a fɔ ko, ‘Ma ma di Alla ye bawo a ya ma labɔ Iyipiti nyamanɛ rɔ alako ka ma ladon Amoranu bole tɔ ka ma faga.

Tɔn-Fɔɛ-Fila-Nyɔgɛ 9:23

Mari ya wo labɔ Kɛdɛsi-Baniya tumɛ min ka ta lanyiri-nyamanɛ bi-tinɛ a tiginu bolo, wo murutiyara a ma. Wo ma la ale la. Wo ma ata tɔnnu bira.

Hiburunu 3:16

Yon bi wonu na minnu ya Alla kuman-kan lamɔɛn ka murutiya a ma? Nɛbi Musa bɔra mɔgɛ minnu na ka bɔ Iyipiti nyamanɛ rɔ, wonu denu denu bi, yɔ!

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.