Yilan-Yilan Koe 12:8 - ALLALA KUMƐ

⁸ Mabɛ Musa si kuma ma nyɔgɔn na kɔnɔ n sa tamayi-kumɛ fɔla a ye. Ka tenbi wo bɛɛ la, a ya n nyɛrɛta tamasere yen, yɔ! Nfen ya a to gbɛ, wo sa kilanna ka murutiya-kumɛ kɛ fɔ a ma.”

Yilan-Yilan Koe 12:8 ပူးပေါင်းရင်းမြစ်များ

Ko-Dabirɛnu 32:30

Woletɔ Yakoba ya kan tinɛ wo tɔgɔ sa Pɛniyɛli bawo wo kɔrɛ le iko mɔgɔ wa a fɔ ko, “Alla Kolonkɛ.” A ko, “N bara Alla nyɛrɛ kolonkɛ yen n yɛ la kɔnɔ n ma faga.”

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 49:4

N si wo karan hɛnkilimaya-kumɛnu na. N tenbi sɔrɔn fɔla, n bi a kɔrɛ rakaranna wo ye.

Bɔ-Koe-Iyipiti 19:19

Buru-fɛ-kan koloyara tumɛ min, Musa kumara. Alla ya a yabi san-sɛran rɔ.

Bɔ-Koe-Iyipiti 20:4

“Fan minnu bi san-kole rɔ wo, fan minnu bi dugu-kole kuma wo, fan minnu bi yi kɔrɔ wo, wo kana wonuna muninya fenfen ladan

Bɔ-Koe-Iyipiti 33:11

Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.

Bɔ-Koe-Iyipiti 33:19

Mari ko, “N si a ma, i ni nna gbiliyɛ yen tenbila i yakɔrɔ. N si n sereka-tɔgɛ lawasa i ye bi. Mari le nde la. Minna kinikinɛ wa don n tɔ, n si kinikini wo ma.

Bɔ-Koe-Iyipiti 33:23

N ba n bole bɔ i kuma tumɛ min, i si n kɔmɛ yen kɔnɔ i ti n yakɔrɛ yen.”

Hɛnkilimaya-Kumɛnu 1:6

Woletɔ anu si ko-dogonnɛnu kɔrɛ lɔn ka sɔsɔlima-tilinu kɔrɛ yira hɛnkilimɛnu na.

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 46:5

Mari ko wo si kɛ ale sankala nfen ma? Anubɛ yon takɛn?

Isikiyɛli 17:2

“Ile hadama-dan, tili kɛ tɛgɛ Isirɛla mɔgɛnu ye

Isikiyɛli 20:49

Nde, Isikiyɛli ya Mari sɔsɔ, n ko, “N Tigi Mari, wo ma-sɔgɔ sa n na bawo mɔgɛnu bi a fɔla n ma ko nna tilinu bi anu kɔndɔfilila.”

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Yilan-Yilan Koe 14:14

anu si wo fɔ Kenan mɔgɛnu ye. Kenan mɔgɛnu ya ko siyaman namɔɛn ile Mari wara-koe rɔ i ye ma fɛ nya min, ado anu bara ila banda-fin-gbɛ dunnɛ yen ma kuma. Anu bi ila banda-fin-gbɛ yenna tala ma yarɔ tele rɔ. Suyi rɔ, a ye malanna ma yarɔ iko tɛ.

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

Matiyu 13:35

A ya wo ma alako nɛbi ya min fɔ, wo ni kanbali. A ko, “N tenbi kumala anu ye, n si tilinu sa. Kebi duninya danta, Alla ma koe minnu nabɔ gbɛ rɔ fɔlɔ-nun, n si wonu fɔ anu ye.”

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

Tɔn-Fɔɛ-Fila-Nyɔgɛ 18:15

Yanni wo ni kɛ ma, wota Mari Alla si to ata nɛbinu nanala ka bɔ wo tɛma minnu si ma iko nde, Musa. Wo ni wonu kuman-kan bira.

Tɔn-Fɔɛ-Fila-Nyɔgɛ 34:10

Ka a fɔlɔ wo wati ma, nɛbi-gbɛrɛkɛ mumɛ ma taran Isirɛla mɔgɛnu tɛma min si ma iko Nɛbi Musa bawo anubɛ Mari kumara anu nyɔgɔn na iko mɔgɔ si kuma a ta-nyɔgɛ la nya min.

Tɔn-Fɔɛ-Fila-Nyɔgɛ 4:15

Musa ya a fɔ Isirɛla mɔgɛnu ye ko, “Mari ye kumala wo ye ka bɔ ta-mɛlan rɔ tumɛ min Sinayi kɔnkɛ kuma, wo ma ke a yenna, hali ala muninyɛ. Woletɔ min fisa, wo ni a ma wo fɛrɛma,

Tɔn-Fɔɛ-Fila-Nyɔgɛ 5:8

“A ko fan minnu bi san-kole rɔ wo, fan minnu bi dugu-kole kuma wo, fan minnu bi yi kɔrɔ wo, wo kana wonuna muninyɛ fenfen ladan

Kɔlɔsi 1:15

Alla min ti yen, ata muninyɛ le Kirasiti la. Yanni fenfen ni dan, a ye nyɔ nun, ado dali-fan-bɛɛta kun-tigi le ale la.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

2 Pita 2:10

Ado minnu bi tagamana anu fɛrɛ-bɔnku-nata fɛ, hali ka Allala mansayɛ lafɛya, a si a lagbɛlɛya wonu kuma. Foninya-karan-mɔgɛ wonu wasira. Anu si anu nyɛrɛ kɔrɔbi kati! Melika-gbiliyanɛ minnu bi san ma, anu ti wonu gbiliya mumɛ, fɔ ka to wonu mɔɛnna.

Yude 1:8

Foninya-karan-mɔgɔ kɛnu fanan bi ko-rayirɛ kɛla wo nya na le. Wonu bi anu nyɛrɛ bagbuyi latinyana. Anu bi Allala sɛnbɛ lafɛyala ka kuma-yogomɛ fɔ gbiliya-tiginu ma minnu bi san-kole rɔ.